.
شيبي والكبر موضوع ثاني
انا ياما دمع بلل ارداني
حجيهن ثوب اسود لبساني
محاجيهن سحر يعكد لساني
قل شوفي وادور عن مكاني
واخجل لو رجف بأيدي استكاني
الصحح دفتري حاقد اناني
عرف بية احب واكتب اغاني
صحح دفتري بس منصفاني
خذت مية انجحت بس رسباني

الجكارة بنار دلالي ... ورثها
واعاين دنيتي وينه ... ورثها
دخذها الروح ترثيلك ... ورثها
ساعة انت تنوح وساعة هية
.
.
.
#شعراء_وذواقين_الشعر_الشعبي
#منقول
#ابو_تراب

.
يا وسفة طلعت جذاب
حسبالي توافي انت
ويا وسفة اعلى عمري الفات
هيج وياك ضيعته
كل الصوج من گلبي
على الطيبات متربي
حيل وياه خل يرتاح عافه الجان سالفته
حسبالي توافي انت
توديلي الية اخبار تكول نسيته لا يتاني
بحضني انت وكلت ناسيك هسة تريد تنساني
حتى بروحك انت تخون
اعيش وياك كلي شلون
امانه الگلب ضل وياك ونجم الظهر شوفته
حسبالي توافي انت
ثاري انت جنت وياي وكتك رايد تخلصة
وعلى نيتي جنت وياك عايش حبك بقصة
دور غيري احسلك
واحد شوفه هم مثلك
خاطر ما يفكر بيك وما يهمه لون عفته
حسبالي توافي انت
.
.
.
#شعراء_وذواقين_الشعر_الشعبي
#منقول
#ابو_تراب

.
شتكولون اصبغة الشيب ؟ بس لا عيب من تالي
وعليمن صابغ وتعبان عگب ما راح ال ابالي
ايدي ب ايدة وباله مو يم بالي
سارحه افكاره وميدري بحالي
بين ادية وتعذبت
احجي ويگلي شكلت ؟
الله يدري يفكر بيا غالي
.
.
.
#شعراء_وذاوقين_الشعر_الشعبي
#منقول
#ابو_تراب

.
الدنيا فراك لابد نفترك فد يوم
جنت غلطان حسبتك تضل للدوم
ادور عنك بعيني
واشوفك دمعة تجويني
احسك بعدك بروحي
جرح ما يشبه جروحي
اخذني وياك صعبه انساك
ردت الموت انا بلياك
من بعدك عشت محروم
الدنيا فراك لابد نفترك فد يوم
ادور ذكرياتك والصور بالعين
حضنك هسة اريدة كلي اجيبه منين
يا عشرة محبة وصايرلها سنين
قدر مكتوب هجرانك
شيعلمني اعلى نسيانك
اخذني وياك صعبة انساك
ردت الموت انا بلياك
من بعدك عشت محروم
الدنيا فراك لابد نفترك فد يوم
.
.
.
#حازم_جابر
#شعراء_وذاوقين_الشعر_الشعبي
#ابو_تراب

.
الزمن ما يوم شفنه ... راحة منه
ومن بعدوا علينه ... راح املنه
تكلي شراح منكم ... راح منه
چثير وضلت العلة خفية

وكتنه شلون ترجى ... راحة منه
وهو يا يوم گلبه ... راحمنه
الي راح منك ... راح منه
وخسارتنه سوى وهمنه سوية
.
.
.
#شعراء_وذاوقين_الشعر_الشعبي
#الكاطع
#ابو_تراب

.
علامة الصبر ليش اصبر علامة
بحبل الموت حبل الروح مشدود
جسر ويعود لا تكلي بسلامة
اذا كال القدر ميعود ميعود
حر الصيد ينصاد بحمامة
وبركع للممات الشوف مسدود
انا الطب ولكى بروحة غرامة
مكتول وعلى السجين مسنود
واداة القتل مطعون بملامة
وراسم من نزيفة عيون وخدود
كلت بلكي الصدى حافظ كلامة
ما ادور نفي واثبات وشهود
خرسة الكاع وتحذر النعامة
ولسان الصدك بالخوف معكود
من المعدم الى اصحاب الفخامة
ومرورآ بالبطر والعاش مكرود
اسم مخطوط تالينه برخامة
فوك الكاع اسم والطين للدود
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
زعلان بس يا زعل لمن ترد للصدك
كبل المنادة اجي وشلون جيه اجي
اركض ركض محترك
بعدك صدك جربت نمت ويا غيرك سنه
وفزيت جني بحلم شابك جروحي شبك
وبعدك صدك حاولت
والكيت في وعطر عند لشعرها فرك
ولكيت مرسى بجرف بحر العيون الزك
بس ما لكيت الوفى والله عشكنه عشك
يالذتك بريتي
وين الكى مثلك هوا لولاك والله اختنك
هي شراكه نفس لو سكت گلبك سكت گلبي
ويدك لو يدك
جيتك بليلة شتى ضلمه ومطرها رشك
وشبعده صار الدرب خوف ورعيد وثلج
وجفوف ادية زرك
ابابك طحت ها كمت ضميت ادية وردت
على الباب بالروح ادك
بس كالوا المن تدك كلمن مشى لحالته
واحد سكن بالغرب واحد سكن بالشرك
وكل هالمسافة البعد وسوالفك تنسمع
جن احنه حلك بحلك
.
.
#شعراء_وذواقين_الشعر_الشعبي
#الكاطع
#ابو_تراب

.
نسيت وصدكت كلت انا ناسيك
اول ما نسيتك فكرت بيك
شلتك من لساني
اتصلت بشخص ثاني
كلت حاجيت غيرك ثاري احاجيك
افز بالليل گلبي وانا ادفي
طفل بأسمك ينادي شلون انسي
عفت البيت كله الصورتك بي
شلون اباب ذاك البيت الاكي
شلتك من لساني
اتصلت برقم ثاني
كلت حاجيت غيرك ثاري احاجيك
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
خلص روحي صبرها وانت ما اجيت
خايف ناسي حبنه وغيري حبيت
لا تبعد علية صعبة
احس بدونك بغربة
تعال ارجع لي من البعد مليت
اجيك بشوك ولا ازعل عليك
واخليك بوسط روحي واداريك
جنت وانت يمي واني مشتاك
روحين بجسد ميهمنه الفراك
لا تبعد علية صعبة
احس بدونك بغربة
خلص روحي صبرها وانت ما اجيت
اريدك يمي ماريدك بعيد
وانا مشتاك اشوفك من جديد
اني وگلبي منتظرك على نار
صار هواي ما وصلتني الاخبار
لا تبعد علية صعبة
احس بدونك بغربة
خلص روحي صبرها وانت ما اجيت
.
.
#شعراء_وذواقين_الشعر_الشعبي
#منقول
#ابو_تراب

.
والله زمن صارلنا ما شفناكم
بعد السنين العشنه بيها وياكم
كون هسة انكلب طير
بوسة فوك الخد اصير
واصحى من نومي وافز والكاكم
بعيني دمعة وخايف من ابجيها
خاف اغمض عيني ساعة لان صوركم بيها
كون اشد رمش العيون
ساعة البيها تجون
واصحى من نومي وافز والكاكم
.
.
#شعراء_وذواقين_الشعر_الشعبي
#علي_العتابي
#ابو_تراب

.
احبك لچن ما اكدر احاجيك
واكضي العمر كله شلون بشلون
وبس اصرف نظر لمن الاكيك
وعلى دربك تصد وتربي العيون
.
.
.
#شعراء_وذواقين_الشعر_الشعبي
#منقول
#ابو_تراب

.
اوكف يا زمن وياك الحساب
خذت مني العزيز بغير اسباب
اخذته شلون مني
ضوة عيوني هذني
كمرنه من وكت يا للاسف غاب
اوكف يا زمن بفراكه شلونه
شيصبر حالتي شينوم العيون
اهي الناس لبعضها
وعشرتنه تفضها ؟
كمرنه من وكت يا للاسف غاب
اوكف يا زمن الراح اريدة
صارت جيته ادري بعيدة
لا ما اسامحك لا
كضيت العمر ويا
كمرنه من وكت يا للاسف غاب
.
.
#شعراء_وذواقين_الشعر_الشعبي
#عباس_الحميدي
#ابو_تراب

.
نفسة الوجع نفسة
لا بيك حظ وتجي ولا بية حظ وانسى
البارحة اتذكرت كل لحظة بيها سوى
وكبران چني سنة من البارحة لهسة
معقولة عشرة عمر ماخذها للونسة
وللعشرة مالك خلك
بوجهي مذلة جنت مرسالك اتشمرة
جن زاد للمعركة يشمرونه للاسرى
.
.
.
#شعراء_وذواقين_الشعر_الشعبي
#سعد_شميل
#ابو_تراب

.
مرتاح شفتك گلت مو مشكلة
بعيونه يمكن غير واحد حله
بالعافية وذاك التعب والسهر
چنت ادري راح يضيع من اوله
وانى اعله گد المصلحة وانترك
عود امهات وعايش بمكحلة
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

عليك وبس
من أغتاظ
أغمْض عيوني بدموعي
وزاعل غبشة عيونك
عليك وبس
من أزعل
أكَلك من صدك رايح
وآصيحن وينك ؟ آلزمني
وآذب راسي على متونك
شكَد آبيض زعل كَلبي عليك
آشكَد ترف غيظي
شكثر محظوظ ، خيعونك
.
.
.


#شعراء_وذواقين_الشعر_الشعبي
#عبد_الكريم_القصاب
#ابو_تراب

.
سفر بس فارغة الجنطة
الحمل بالروح

.
.
.
#شعراء_وذواقين_الشعر_الشعبي
#منقول
#ابو_تراب

.
ما اعرف اخبارك وشصاير بحالك
كالولي ميصير
ما ادري وين انت اشتاك الك سكته
وادعيلك بخير
ارحم عيوني من البجي لا تكطع بروحي
يا مهدي ذبلان الحجي يم ديرة جروحي
محد كدر يتفهم شصار وجرى بحالي
من دونك اني يا عمر يا دنيا تحلالي
والله انا ما اعوفك
مهما يأذوني لا ما يكدرون
ميت على حبك
ومحلف عيوني ما تنسى العيون
لا كالها الله ولا كلت واتحمل ابعادك
باجر تجي وميضل حزن بأعياد ميلادك
محد كدر يتفهم شصار وجرى بحالي
من دونك اني يا عمر يا دنيا تحلالي
.
.
.
#شعراء_وذواقين_الشعر_الشعبي
#حسين_البغدادي
#ابو_تراب

من كل من لوحده
تمشي الدقيقة عمر
ومثل السهم لو سوى
وكلشي شفت ما شفت
الساعة ما تستحي
تغار من نلتقي
تمشي اسرع من الضوة
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
رحتلها وشفتها وروح حضنت روح
الحقيقة ويا الحلم واثنينهن طبگن
العيون استراحن هودن بالشوف
والكلوب التقن وبشوكنا احترگن
بس اشجار يمنه وخفنا بيها عيون
خاف تشوفنا ولحظاتنة يغرگن
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
حبيناكم
دورنه نريد اليشبهكم
بالغير نفكر ننساكم
غلطانين وعشنه بجذبة
ننسى الدنيا وما ننساكم
حبيناكم
وبحبنه محيرين اعداكم
بعنه الدنيا وما بعناكم
حبيناكم
.
.
.
#شعراء_وذواقين_الشعر_الشعبي
#منقول
#ابو_تراب