.
تلاكَينه غربه وبس جزت
عينك لكَيتك غالي
من يومها ومن ماتجي
الكَاك جاي ببالي
وعيوني مو من الدمع
من الاحساس اتلالي
يسموني خالي
ومو جذب
بس ياهو اليحب من صدكَـ
غير أبو الكَلب الخالي
من باب أموت بغيبتك
ومن باب أموت بجيتك
ولليوم مدري شتنحسب
محبوبي لو چتالي
.
.
.
.
#شعراء_وذاوقين_الشعر_الشعبي
#رائد_ابو_فتيان
#نٌےـوُرَ

.
مجاعة شوگ بيه
وعطش ملگه وطف حنين
وتعب مگيود وسبي
گلي ياحوت شدعيت؟
شدعيت والله سد جوعك نبي
.
.
.
.
#شعراء_وذاوقين_الشعر_الشعبي
#حسين_علي_المطوري
#نٌےـوُرَ

.
انتهت قصتنا ماچانت سعيدة
وغيرك اخذ گلبي الماتريده
أذيتك ماگدرت احچيها للناس
بس مجبور اسولفها بقصيدة
اصعب لحظه من تفارگ چفوف
الروحك بيده
غيرك لازم ايده
.
.
.
.
#شعراء_وذاوقين_الشعر_الشعبي
#سيف_جواد
#نٌےـوُرَ

.
چنتي ع العشاگ اميرة
ورغم كبرچ لكن بعيني زغيرة
هسة راح الصبغ منچ
وبينت شيبات بأطراف الضفيرة
ولو مو طبعي البذائة
لكن اضطريت اوصفچ بالحقيرة
.
.
.
.
#شعراء_وذاوقين_الشعر_الشعبي
#كاظم_اسماعيل_الگاطع
#نٌےـوُرَ

.
هلي بية دروا كمت انا احبك
ودروا بس انت تلفتلي انتباهي
هلي يدرون من تتزاعل وياي
اضل اصرخ رحمتك يا الهي
هلي نشدوني عنك كلت بالروح
ونشدوني اعلى روحي وكلت ما هي

وانت هواي متغير هالايام
والبراسك قروا انا اعرفتهم
نفسهم هم اجوا واتقربولي
ودكوا باب گلبي واطردتهم
لان تقديرك انت فوك على الراس
واحطهم وين انا لو قدرتهم
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

• .
شكد كبلك مشوا ما سلوا الروح
ولا بغيابهم كسروا ظهرنا
البعد نيران كبره يبخر الدموع
وبس يزود يتبخر بصرنا
منين نجيب مثلك حتى ننساك
ومنو المثلك يعوضك لو خسرنا
الشبه كل اربعين حجاية تنكال
واذا واحد يصح جان انتظرنا
تعال الجرح جن وما رضى يهيد
وحجينه ويا ما ينفع عذرنا
ويشك روحه اعلى طوله وينكت جروح
وكضينه خيوطنا وملت ابرنا
شوكت يندك علينه ويضحك الباب
ويترس بيتنا و صوتك يسرنا
وترد انت ويجن الرحن وياك
وتجيبه وياك يالماخذ عمرنا
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
ترضاها علية اتأذى من تبعد
زعلتك نعم بس ما جنت اقصد
محتاجك بكد ما قصرت وياك
واتمنى اذا شفت الرساله ترد
.
.
.
.
#شعراء_وذاوقين_الشعر_الشعبي
#حسين_السعيدي
#ابو_تراب

أطالع صورتك بالبيت
ذكرت ايامك و حنيت

أحاچي الصورة و ابجيلك
و اسولفلك و اغنيلك

وحگ فراكك انذليت ..

اخلص الليل بالكوة
ويلي فراكك شسوه

ذكرتك و انهدم حيلي
صفكت ايدي و صحت ويلي

اموت اليوم اذا ما جيت

وحگ فراكك انذليت ...
.
.
.
.
#شعراء_وذاوقين_الشعر_الشعبي
#لبيد_هاني
#نٌےـوُرَ

• .
هاي هية وداعتج لا تستحين
انتي مو اول حبيبة تشكك بسجينها هدوم السنين
انى وين وانتي وين
وليش اوچ واشتكيلج وانى اعرفنج تطفين الحريق بانزين
هو ذنبي لا سكنت ويا اللي جوني
ولا تبعت الراحلين
ولانه خالي و مختلي ومرتاح بالي
ولاني من العاشكين
ومدري ليلي شلون اخلصه
ولا سهرت ويا السهارى
ولاني من النايمين
ولاني عابد و ارتجي الجنة امن اموت
ولاني من الكافرين
اني قصتي وياچ قصة
انكتبت بورقة قديمة وخط حزين
ولو اكوا تأمين ع الحب جان اطالبهم يردولي ولو ربع السنين
.
.
.
.
#شعراء_وذواقين_الشعر_الشعبي
#للكاطع
#ابو_تراب

.
انتهينا
وانتهى
الما ينتهي وخلَّص حجينه
انتهينا
وبقت
كَطرات الوفه المذبوح تتناثر علينه
وبقت
للمجفين كوم اسرار عد روحي الامينه
وكون ندري
بالعتاب يفيد بيهم عاتبينا
وكون يسوون البچي
جا بثنعش ناظر بچينا
غافلونا
وباكَو
العشرة غفل من بين ادينه
وباكَو
من ايد العمر سنتين وبوجهم رضينه
تالي نزعوا شوكَنا من كَلوبهم
وكَالو عوض عنكم لكَينا
تالي سدوا
بابهم من شافوا على الباب اجينا
شكَكَوا مكتوبنا
وبلا خجل ذبوا علينا
تندمينا
جينا
بجنازة عشكَنه المات غفله وأيّسينا
وابتعدنا
بعيد لكن طيفهم ظل يعتنينا
ظلت حجاياتهم عالبال ما چلمة نسينا
ياما لسعتنا الشمس وبفي كَصايبهم غفينا
ياما فيَّضنه الوفه وحطّولنا المهجة سفينه
ياما ذبنه العطش يمهم وبجدح جفهم روينا
تالي نزعو شوكََنا من كَلوبهم
وكَالو عوض عنكم لكَينا
تندمينا
جينا
بجنازة عشكَنه المات غفله وأيّسينا
وابتعدنا
بعيد لكن طيفهم ظل يعتنينا
.
.
.
.
#شعراء_وذاوقين_الشعر_الشعبي
#كاظم_اسماعيل_الگاطع
#نٌےـوُرَ

• .
الجنت الملها الندى ولمتلي ليل
انطيتها عيوني وعصرت اوشالها
الجانت اتغمض بخصله مستحاي
وجنت اخاف عيون صلفه اتنالها
المثلت دور النوارس بالبياض
اتلونت حتى بسواد اخيالها
راحت وكلبي الترف شوفها خير
وادعتني وسوة اليحلالها
استكثرت بيه الوفى وانه الوفيت
حسبت تالي الوكت يصفالها
اتصورت ينطون الاحلام ابلاش
تاخذ وماتنطي شي حسبالها
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

• .
عمرك جزة السبعين و اسمك ب أديهم
جا من جنت بصباك شمسوي بيهم ؟
.
.
.
.
#شعراء_وذواقين_الشعر_الشعبي
#حسين_العميدي
#ابو_تراب

.
تكرهني اي بالعقل
بس انا مثل الطفل
من صار هجرك صدك گلبه وكف ضده
بين الصدك والجذب بضلوعي وكفاتك
وبطولك انت تجي ومتفحه وجناتك
ما بيك شي مو طري
وانا افتر اعلى المري
كلهن يصيحن علية بوية الوكت فاتك
يا كلشي بالنسبة الي
عفتك بالف يا علي
ليش ارجع ادري صرت خارج حساباتك
.
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

• • .
وكت العطش من عيني جنت اسكيكم
روحي اشتهتكم خايبين شبيكم
احس بنار طفوني
جمر ينزل من عيوني
انطيت روحي وگلبي جا شنطيكم ؟
روحي اشتهتكم خايبين شبيكم
انا المدلل جنت هسة شبية
افتر وادور ياهو بي حنية
وجوهكم ثكلت شوية شوية
ما چني ذاك الروحه ذابت بيكم
روحي اشتهتكم خايبين شبيكم
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
تفارگنه وتأكدت
الموت لا ينلغي ولا نگدر نأخره
والوكت ما ينفهم
يتقدم بغيبتك لو يرجع ليوره
وشحجيلك ع القلق
والله الليله المضت
حسيت روحي طفل ومتيه بمگبره
خايف اخسرك چنت
وتمنيت خايف أظل
ما ردت أصيرن بشر ما عنده شي يخسره
.
.
.
.
#شعراء_وذاوقين_الشعر_الشعبي
#مهند_العزاوي
#نٌےـوُرَ

.
واتغيرت الشخصية
وأطباع حلوات اشكثر من رحت ماتن بيه
حتى ويه اهلي اتغيرت
ما اگعد وياهم صرت
ومن اگعد احچي شويه
والناس عافوني لأن
ياهو اليعاشرله بشر مايلگه بي حنية

واتعلمت ع الخذلان
وهسة اني ما رايد احب
رايد احس بأطمئنان
والشوف مابي مشكلة
بس مدري ليش بغيبتك
ماتت بعيني الالوان
مشكلتي حبيتك صدگ
ثاري محبتك للعب
والله يعوض الخسران
.
.
.
.
#شعراء_وذاوقين_الشعر_الشعبي
#حسين_السعيدي
#نٌےـوُرَ

.
ليش تضل وحيد واني اضل محتار
اتنازل مرة چفك حاول تمده
ليش تريد اعيش لخاطرك متروك
وزارعلك وفه وما ترجع تحصده
مدري الخلل بيه وصرت مامرغوب
مدري الوفه الزايد خير واتبده
مدري الناس گامت تعشگ النيشان
تندل الجرح ماتقبل تضمده
.
.
.
.
#شعراء_وذاوقين_الشعر_الشعبي
#سجاد_الغريب
#نٌےـوُرَ

.
تتونس انته من احترگ
وعطابي لمن يوصلك تبتسم وتطفيني
كل هذا واني اشتاگلك
كل هذا واني اتلهفك
كل هذا واني اتذكرك
چا گلي شينسيني
.
.
.
.
#شعراء_وذاوقين_الشعر_الشعبي
#حسين_جبار
#نٌےـوُرَ

• .
بية المستحى شكد طمع الناس
طمع حلك المساحي بمستحه الطين
خورسني الحيا وما اكلك شلون
جرح وتخورس بحلك السجاجين
خضر عشب رجلي بعتبة الباب
ولا مديت راسي من الروازين
وانا اندل الهدم بس ما كلت وين
اخاف اطفر واشك ستر الحياطين
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

• .
دنيا و وراها الموت وانا اصفنلها ؟!
شكثر ذلت ناس والله الا اذلها
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب