.
ما حاولت تلتفت ؟
تفتقد حنيتي
موجنت كلشي الك
لميتك من الهوى وضميتك بريتي
وذاك الانطيته الك مو وقتي عافيتي
انه الگبالك قوي ومكتمله شخصيتي
من راح خوفك كلت راحت اهميتي
جا هاي تاليتي؟
تبتعد عني بسبب حرصي وانانيتي؟
تتخلى عني بوقت تعبانه نفسيتي
مو كافي تضحيتي ..
.
.
.
.
#شعراء_وذاوقين_الشعر_الشعبي
#محمد_الطالقاني
#نٌےـوُرَ

.
اثاري العافية مو بالتداريج
كبرنا وبحت الشياب بالريج
شما تكبر الفركه گلوبنا تضيج

اوكف يا سهم فراك ولفي ارد احاجيك
تهتز ثلاث مرات من تنبت شبيك ؟
.
.
.
.
#شعراء_وذاوقين_الشعر_الشعبي
#حسين_العميدي
#ابو_تراب

.
هم تدري من اعتازلك
شتسوي بية العازة
هم تدري شيحس الگلب لمن يريد اعزازة
ينجاب طاريك وافز
واضحك بوجه اليستفز واتحمل استفزازة
ما اكدر ازعل واختلف
يا دوب عندي شجم جتف بيهن انشال جنازة
.
.
.
.
#شعراء_وذاوقين_الشعر_الشعبي
#مهند_العزاوي
#ابو_تراب

.
ولا اريدك جزت منك وبيدي الشور
انت تدلي ما تشافي قطع دكتور
اعثر مني وكبالي فلا تسمعها ال اسم الله
واذا اني جرحت گلبك
يعني الله يعاقبني اكو احلى من عقاب الله
وخل اكلك شنهو غثني
وتدري ليش عيوني چزت وگلبي منك حيل جايز
لان ما جنت انا اعوفك
جنت كل عصرية يمك مثل كعدات العجايز
.
.
.
.
#شعراء_وذاوقين_الشعر_الشعبي
#هدى_الكعبي
#ابو_تراب

.
تعودتك هوى معلم
ماينشم اذا ميطوف بردية
ولا ضيجت خلگي وياك
تظلم واني اگول الدنيا مگضية
اضمك وين؟ مابيه
انته بروحي ويشوفوك
دگة بوجه عربية
تزعل ينخطف لوني
ويمدد جرف بعيوني بسرعة يبين اشبيه
الزلف لمن يبوسة الشيب
عليه زعلانة ترچية
.
.
.
.
#شعراء_وذاوقين_الشعر_الشعبي
#رائد_ابو_فتيان
#نٌےـوُرَ

.
ما مرتاح
من العدل من المات من الجاي
من الراح
عركة ويا الزمن وارجعنا مكسورين
وبعيدة المسافة وينسي الي طاح
ما مرتاح ..... ؟
لان شفت الشمس نزلت تبوس الكاع
وبجف الطفل تنلاح
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
انه بقمة خنگتي وانته هبيت
وأشتميت فتحت باب مرقد
لگيتك راحتي وحلي وضوة العين
والباب البوجه الريح ينسد
صح حبيتك من بعيد لبعيد
بس چانت صفنتي بوجهك ابعد
چنت حاير شلون الگمر سووه
ومن شفتك عرفت اصل الگمر خد
من شفتك تغير موعد النوم
بديت أسهر وأحن وأشتاگ وأبرد
وأغار وترجف ايدي وابچي وأحتار
واشوفك وأرتبك وأبنيك وأنهد
مجرد حب كسر كل القوانين
وخرج عن سيطرة گلبي وتمرد
على حكم المذاهب والتقاليد
احبك ..
يالعيونك مالهن حد
احبك اكثر من ال عني يحچون
واكثر من صراع الروج والسد
واكثر من حجم تقصيري وياك
من تحتاجني ويتأخر الرد
احبك ..
لكن شگد؟ مدري بس هاا
مو حلوة من احبك واعرف شگد
.
.
.
.
#شعراء_وذاوقين_الشعر_الشعبي
#احمد_عاشور
#نٌےـوُرَ

• • .
خل يروح كلمن مشتهي فراك
واتلكى الذي مشتهي الملكه
ادين هواي اكو تشتهي الشبكات
بس ياهو ال يستاهل تشبكه
التشبكه كون روحه التشبك عليك
وكون تطيح ادية ساعة الشبگه
ولو مو عيب يطلع ثوب موزين
بس عيب اليلبسه ما يشگه
يومية الك صاحب يا بذات
ويومية وي واحد الك دكه
جيره بفركه كلمن يمشي وياك
وبخيت ال يلكى فد جيره اعلى فركه
انت شما عليت انت ذاك انت
النخل مهما علا يخضع لعركه
وشنفع علوا النخل خل يعلى قاطات
اذا حتى الجهال تلوح عثكه
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

• .
رحتلها وشفتها وروح حضنت روح
الحقيقة ويا الحلم واثنينهن طبگن
العيون استراحن هودن بالشوف
والكلوب التقن وبشوكنا احترگن
بس اشجار يمنه وخفنا بيها عيون
خاف تشوفنا ولحظاتنة يغرگن
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
چذاب مارايد تحب
بس رايد تأذيني
والمشكلة.. أدمنتك بعد
مثل الجگارة أتنفسك ارتاح وتأذيني
يالچنت أحبك من صدگ
هسة انته ماتعنيلي
هو انته هم مثل الوطن..
وانطيك كلشي بلا عقل
بس كلشي ما منطيني
.
.
.
.
#شعراء_وذاوقين_الشعر_الشعبي
#حسين_جبار
#نٌےـوُرَ

.
مدري شچنت احچي وبيك ذكروني
رأساً دمعت عيني
وخفت أرمش وتنزل دمعة عيوني
حسو تفارگنة ...
وغيرو الموضوع
وشگد حاولو وياي ماگدرو يضحكوني
اكثر شغلة اذتني💔
گدرت اتعيش ...
ولك اتمنى كارهني ولا متعود بدوني
.
.
.
.
#شعراء_وذاوقين_الشعر_الشعبي
#حسين_السعيدي
#نٌےـوُرَ

.
ما مشتاگلك ... مشتاگلك موت
و اكبر من صبر روحي اشتياقي
يمكن من غيابك گلبي خلصان
وحبك ما خلص بالروح باقي
تصور لو زعلت بيوم وياك
اكلك روح عني وبية الكاك
مدري الحب تغير هاي الايام
مدري يختلف حب العراقي
.
.
.
.
#شعراء_وذواقين_الشعر_الشعبي
#ضياء_الميالي
#ابو_تراب

.
ما عندي عزة نفس
خليتك ادخلت بسوالفي ولبسي
شتريد مني بعد ؟
من عيرتني كبل مو طورت نفسي !
من بعد ذاك التعب مو مال اضل وحدي
وهذا الحجي يفيدك
تذبحني من الكفه وتكلي ما اريدك
مو واصل لمرحلة
جفوفي احترمهن لان مرات اكض أيدك
انا ابو الراهي جنت والشوك كله ب ادي
لساني ابشط من السهم من جنت اريد احجي
وهسة اليغثني بقصد مارد علية بالمثل
كل الاكدرله ابچي
.
.
.
.
#شعراء_وذواقين_الشعر_الشعبي
#رضا_العبادي
#ابو_تراب

.
شحصلت منك مختنك
من يمتى ما ضاحك صدك
والله راح ابقى احترك
منا لحد ما اجرحك
حالف اسوي وياك وحدة بوحدة
حالف اوصلك مرحلة المطلوب دم تحسدة
بيمن اذكرك من غبت ؟
وخليتني بس التفت مثل اليطيح بشدة
خليتني ساعة رمل كل الاوقات اتبدة


.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

.
تدري البارحة شكد افتقدناك ؟
من كلنا انجمعنا وما لكيناك
مكانك خالي بس حاضر خيالك
وكمنا بلا وعي نحضنه ابدالك
و رد بارد حضنه وما حضناك
تدري البارحة شكد افتقدناك؟؟
تدري بيك نعرف يمتى موجود
من بالبيت نشتم ريحة ورود
عطر انفاسك نميزة بالانفاس
وفرق بس عطرك نشمه بلا احساس
وكل جرة نفس بيها ذكرناك
تدري البارحة شكد افتقدناك ؟؟
نحس روحك ترفرف يمنا بالبيت
ومن يمي فتت بيك انا حسيت
طبع بينا الحزن يبدي من الغروب
ومن نبجي عليك ندمع گلوب
وما ضل گلب عدنا من بچيناك
تدري البارحة شكد افتقدناك
.
.
.
.
#شعراء_وذواقين_الشعر_الشعبي
#جبار_المياحي
#ابو_تراب

• • .
سولف كول الك واهس تضل وياي
واذا ما الك واهس كول لا تخجل
ما اقبل احبك وانت ما مرتاح
وما ارتاح احبك وانت ما تقبل
فكر باليهمك المهم شتريد ؟
انا كل اليهمني المهم لا تزعل
بكيفك من اجيت وما جبرتك يوم
ما اجبرك بكيفك لو ردت ترحل
ما مليت منك اكدر ابقى وياك
بس المشكلة خاف انا راح انمل
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

• .
بعد ما اعرف انسان اعلى انسان
ولا ادني الصديق اعلى الكرايب
المفاشل يصير وياي بعدين
واطيحن بيها والكاهم حبايب
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

• .
عمري سفرة
والله لو بيدي ابد ما سافرتها
عمري سفرة
اغلى ناس بلا موادع ودعتها
روحي طلعت من جسدها وشيعوني
وانا ذاك الغالي عدهم ودعوني
ليلة وحدة بيتهم ما أخروني
فاركتهم رغم عني وفاركوني
بيتي كبري
والمخدة تراب راسي توسدتها
عمري سفرة
والله لو ب ايدي ابد ما سافرتها
.
.
.
.
#شعراء_وذواقين_الشعر_الشعبي
#ناظم_الحاشي
#ابو_تراب

.
البدوي اعلى بيت الشعر للبيع ما ينكتب
طبق الاصل حبي الك ما ابدلة بدنياي
واخر كلامي الك وي الحار حار انگلب وي البارد ابرد بعد
طبعي القديم انتهى قررت اصيرن ماي
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
ثاري الگلب مبيوك بوكه
والطابله مشلع عروكه
يا شدت الينكسر سوكه
من تخلي زايد حمل فوكه
جا غير كون يتوب ويچن
مصخم يا الابهر دومك تحن
حتى من انامن كمت اصفن
بلايا جدم وعيوني يمشن
ياخي وزه مدري شفاكه
هنا يمشي احس الولف ساكه
.
.
.
.
#شعراء_وذاوقين_الشعر_الشعبي
#علي_مالك_الموسوي
#ابو_تراب