.
لا تكلي الكبر والجفن والتابوت
فكرة موتك ما مقتنع بيها
عدل وتضل عدل لو تندفن مرتين
يا محبوب عيني ومي سواجيها
.
.
.
.
#شعراء_وذاوقين_الشعر_الشعبي
#مهند_العزاوي
#ابو_تراب

.
راح احطهن بيدك سوالف جفاك
لا تكول صويحبي يدور وراي
وحدة منهن ليل وتشح بضواك
و وحدة تسكيني عطش وتكلي ماي
وانا درعك ما رضا حجاية بكفاك
وصار منخل من حجي لسانك كفاي
كون اعرف الغيب قللت المديح
احتاج ذمك هاي ابد ما حسبت
انا لا اعمى ولا انت المسيح
هواي طكن يم اذاني وشيبت
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
من تجبل الحسرات واتنوع الها
جي ماكو عندي دموع كمت اضحكلها

محظر لوكت الشيب عكازة وذراع
خافن يرك الشوف واتلمس الكاع

كلمن تذكره الناس بي شارة ازوره
وصاير حماده البيت من النذوره

اتنوعت ولكيت بعيونك اللغاز
عين اليروح وحيد بعزازة جناز
.
.
.
.
#شعراء_وذاوقين_الشعر_الشعبي
#عقيل_العبساوي
#ابو_تراب

.
ميخالف يا روحي اتحمليهم
هذولة اعزاز ما يزعل حجيهم
اسمعي وعدي يا روح
وابقي اتحملي جروح
كون يصير بيج الصار بيهم
ميخالف يا روحي اتحمليهم
ميخالف يروحي اتحملي الصار
الشمع ما يشكي من يحترك بالنار
ما مسموح تبجين
هذول احبابي يا عين
ازاعل كلبي اذا يزعل عليهم
ميخالف يا روحي اتحمليهم
قسمتنه يا روحي اثنينه نحير
غلطة الصار بينه وبعد متصير
لو ادري يزعلون
اطيح من البجي عيون
وابيع الدنيا كلها واشتريهم
.
.
.
.
#شعراء_وذاوقين_الشعر_الشعبي
#شاكر_التميمي
#ابو_تراب

.
كلهن طايحات وعاذرك تالي
تمد جفك واترسه وتفرغ سلالي
وامدلك جفي مثل الطالب الغلطان
ويرد محومر وخالي
كبل حالك مثل حالي
وكبل من نتلاكه الشمس بينا تحير
ما تعرف خيالك عكسته خيالي
صواني مترسه يصيحني ما اندار
عشكت صينية الحب فارغة شمالي
شجاك شغيرك تالي
وجنا اطراف مغناطيس محد بينه اليعارض
انا اتدنالك وانت اتدنالي
ولك طيبين كلش انا وامثالي
ولك بعراسنه وعيونه تلالي
.
.
.
.
#شعراء_وذاوقين_الشعر_الشعبي
#سعد_شميل
#ابو_تراب

.
يا حلوة الزعل طول ... صاحبينه
وبهجرج ما ضل عظم ... صاحي بينه
چنه برضا وجانت ... صحة بينه
وزعلتي وزعلت الصحة علية
.
.
.
.
#شعراء_وذاوقين_الشعر_الشعبي
#صباح_الهلالي
#ابو_تراب

• .
احبك واجب اكرهك ممنوع
اشوفك مو حلو بس عيد ارسمك
اسولف وي اهلي بغير موضوع
اهلي تسودنوا چي جبت اسمك
احسك مدري شنهي بين الضلوع
كطعت نفسي وعلية تفرض اشمك
اتلوه من سمك حقي موجوع
وما ترضالي اتلوه من سمك
وتطشرني بحقد وتصيح اشاقيك
وافرح بالشقى والتم واضمك
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
روح وشكل عاجبني
ومثل ما احبك تحبني
ما ناقصني شي غيرك
لكيتك و الله كملني
هلا بالجان مرسوم بخيالي
هلا بال يمشي ويضل اعلى بالي
انا لو عندي غالي بجيتك انساه
واجيت انت بوكت ما عندي غالي
حاسد روحي حاسدني ؟!
على الشال التعب مني
الحب مثل الرزق مرات
واحس بيك الله رازقني
.
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
وافرش شليلي وكلي ذنبي بيا صوب
رايد اصعد ذنوبك اعلى افضالي
بس مستحاي وياي والباقي وياك
يا الجنت مو بس حيلي كل احوالي
ما عندي حظ وي كلها مو بس وياك
اترخصني واصرخ ماكو غيرك غالي
.
.
.
.
#شعراء_وذواقين_الشعر_الشعبي
#مروان_العنزي
#ابو_تراب

• .
تبارينا الذمم والحب طويناه
وشمرنا الذكريات حجارة بالبير
ما دام النهر ضيك عبرناه
وكلمن خلي يذكر صاحبه بخير
صدك عدنا هدف بس ما وصلنا
مشي الحفاي نمشي اعلى المسامير
ولو كلشي اليضيع النا منلكاه
خشب ويصير بحلوك المناشير
شلك ب انسان مثلي الدهر شلاه
احسن ما اطيح وبية تحير
لو يدري رحيم البشر وياه
ربك ما يسوي جناح للطير
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
هلي بية دروا كمت انا احبك
ودروا بس انت تلفتلي انتباهي
هلي يدرون من تتزاعل وياي
اضل اصرخ رحمتك يا الهي
هلي نشدوني عنك كلت بالروح
ونشدوني اعلى روحي وكلت ما هي

وانت هواي متغير هالايام
والبراسك قروا انا اعرفتهم
نفسهم هم اجوا واتقربولي
ودكوا باب گلبي واطردتهم
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
على الصبورة تكتب اسمي غدار
وانا العلمتك تشيل الطباشير
يم الشجرة راسم گلبي منشار
وانا النامن بحضني العصافير
كلت عني خسر ويدور اعذار
وانا الرابح الدافع مخاسير !
علية تحلف تكول يطلع اسرار
وانا البية حلف كدامك البير
تعيرني بجناحي تكول ما طار
غير انت كسرتني وكمت ما اطير
كلت عني خنت طشيت الاخبار
وانا بعمري ما خاينلي تعبير
خذت عمري وشبابي وكلت الك صار
ردت اشرب رضاك وكتلي ميصير
انا دم ولحم مو خشب واشجار
بكلامك ليش تضربني بمسامير
اباوع بالجروح البقن تذكار
لان وياك ما ماخذ تصاوير
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
وين الله اعلى غفلة وتسكن الريح
وأيس ما اناطر دكته الباب
وانكت ظهري بس يا كاع التشيل
من يطشرن طعنات الاصحاب
افرغ راسي من اضغاث الاحلام
واعوف الكاع ما دام الجنح طاب
لان مغرور وجه الورد ينباس
وشبع من التواضع دوس التراب
اكلهم هالكمر ما يسوى هالصيت
لو ما الليل ما جان اسمه ينجاب
وحكك يا گلب كل خير ما بيك
وبعدك لليروح تدور اسباب
كض نبضاتك المن هادهن حيل ؟
وحتى كبال روحك غطي الصواب
لا تترجى من عدهم ينصفوك
الغيم يجيب روحة وصاحوا شجاب ؟
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
بعنا البيت ريت البيت مهجوم
وريت اكثر بعد من هالخساير
فراش الفاتحة لو شفته ملموم
بنص گلوبنا تلكى الجوادر
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
اشيل ضماد جرحي تريد لا مو هيج
انت اسألني اول انا جرحي انشد ؟
يستشري الحزن واستئصله كل يوم
الى ان اخبروني ان حزنك قد
وصل حاله بعد منك صعب ينشال
جروحك بي مچلبه جذرة بيها امتد
كضى وكتك مثل ما خلص وكتي بيوم
وين تريد احطك باب گلبي انسد
رذاذ ال على الورد صح نده بس لو طاح
تتغير اوصافه ومو نده ينعد
بس يجوز اذا حر الشمس يچوي
يتبخر يجوز وللورد يصعد
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
الي بمعاتبك غايه
والك وسط الگلب رايه
يا المخضر بروحي اعتاب
اكف وياك الحجايه
عود شمعنى غصن الهيل
من زلفك شرب مايه
عودك ليش من تميل
تميل وياك الولايه
صدك عود انت ما تدري
الترافه بوجهك هوايه !
محد كالك بالبيت شمسوي بالمرايه
يا المخضر بروحي اعتاب كافي سبيتنه سبايه
كافي الناس مصخت شوف
كافي عيونها تجرحك
امك من تنست بيك مدري شحطت بملحك
.
.
.
.
#شعراء_وذاوقين_الشعر_الشعبي
#صباح_الطائي
#ابو_تراب

.
.
مرة سهرنا سوة اني وخيالي وحطب
بليلتها جانت برد والسنت نار الحطب تتمايل وي الهوة
البروحي نفس اللهب
والليل مدمن دمع شما اصب ينتشي
ضليت اصبله وشرب
وانا بديت الحجي اوصف جزيرة ابحر
الصبح كلها ندة و بالليل كلها ذهب

#سمير_صبيح

ساكت لك ولو سكتت الشمعة بروح
بس ادري الحجي غنوه بسلف طرشان
مو شرط السكت لازم رخيص يصير
ترى الحايط عزيز بديرة العميان
تحركني وتجي تطفي الحرك بالصوف
و اوكع واليكع مو شرط خايف جان
شغلاتج بالسجن يا طيحة المفتاح
تقلق نومه المسجون والسجان

#رفعت_الصافي

.
.
.
.
#شعراء_وذاوقين_الشعر_الشعبي
#سمير_صبيح
#رفعت_الصافي
#ابو_تراب

.
موالم والميتك ... وانت لافيت
وخربنا ولا انا اوافي ... وانت لا فيت
تلاكينا وجزينا ... وانتلافت
و واحد كل للاخر هاي هية
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

• .
كلشي ما شفت بحياتي لا مواعيد بحدايق
ولا كرستال الفنادق
ولا كضيت الليل بحضان الركص
طبع ابن فلاح طبعي و عمري كضيته بشكص
من امر بشارع الستين تتحنى البنات
وشارع السادة يهلهل والجوادر تنخبص
.
.
.
.
#شعراء_وذواقين_الشعر_الشعبي
#جبار_محيبس
#ابو_تراب
• .
.
صوتك ندهني ومو حلم وفزيت من نومي وكلت
مو صدك ؟ لا يمكن صدك !
والروح وي صوتك مشت ناديت والخطوة ابعدت
والصوت وي مشي الجدم من ينلحك ما ينلحك
وعلى الاثر نمشي اعلى الاثر والشوق سابگنه سبك
يم بابك ويا حيرتي ؟ مدري شندهني وجابني
وحتى نسيت شلون على الباب من ادك
ضنيت ما اشوفك بعد
من شفت ضويات الدرب يطفونها شما تعتلك
ومن شفت شتلات الفرح مات الفرح وملثمة
والحزن صار سنين ياكل بالعرك
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
ملفته للانتباه
مثل شبوي المسى بعطره وشذاه
حبه حبه وشذره شذره وكطره كطره
وبالرسم طول خلك بيج الاله
صور عيونج مواني وبيها عاف الليل نومه وذب غطاه
والشكر ما جان مزروع اعلى كاع
كاع خصبه للشكر هاي الشفاه
عيوني ما تكذب علية
العسل يم الاشارة وجده منج
كسر گلبج واخذ من خدج حلاه
من بعيد انتي جميله من قريب انتي جميله
والحلو وجه يبين من كفاه
.
.
.
.
#شعراء_وذواقين_الشعر_الشعبي
#الكاطع
#ابو_تراب