.
أنــه بــحلـكَـ الــمـدافــع وأسـمـع ام كـلثـوم
وأذا عـبـرن عـلـيّ جـيـلات الــزمــهـــن
انـه بـيـهـن ويـمـهـن انـتـه جـيـت امـنيـــن
لـو تــركـب عـلـيهــن انـتـه مـو يــمهـــن
جــاي ابـجـم نـهـر تـعبـرنــي رايــح ويـن
مــثــل مـا عــابــرك ذنـي انــي عـابـرهـن
وراك اركــض وراهـن مـــــا يـفيـدك لا
مــا ضـحكــن وغـمـزن لـيـش تـلحكــهن
لــو تـلـبـس أفــراش ويـمهـن انــتـه اصـير
يــطلعـن فـد نـشـاز وكـلـش اكـرهّـــــن
تــختـل بـالـسكَـف لـو سـولـفـوا عـالـغيـم
كـلمـاتك أتـخـاف الـــــماي يــلــزمــهـــن
اكــعــد عالــنهر وأشـمـرهـن ومــا خــاف
يــطبـن طـيـن بــس اتـراب اطــلعــــهن
عــلــي لـدكـَ رهــن دكـَ راسـك أبــهالكَـاع
اجـي مـدنـكـَ وأصـفــك مــامــجـربــهــــن
مــن زغــري صــلف وتــلاوه ويــه الــعيـــد
يــطلــع اهــلالـه وانـي اجـروحــي اطــلعهــن
وتــسألــنـي الـخلكـَ وانــي ابـصبــاح الــعيـد
اهـدوم مشـكَكَــات ولــيش لابــســهـــن
مــا كَـلهـم فـقيـر وبـيتــي مــن الــطيــن
اكـلهــم انـي احــب اهـدومـي اشـكَكَـهـن
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

• .
على فكرة ترى ما تسوى تزعل
والمفروض بأول بوسة تقبل
ترى ميصير اخلص عمري اراضيك
اذا يكثر لمسها الوردة تذبل
نصيحة ودير بالك تزعل هواي
اذا يزعل هواي البشر ينمل
والتكرار يفقد لذه الاشياء
حتى الحب اذا ينعاد يفشل
لا تقيس البشر من رد الافعال
العقل من يوكف الرجلين تنشل
الخلافات التصير بين الاحباب
ب لمسه ايد بوسة ب شبگة تنحل
الحب نوعين فاهي ويجوي مرات
انا اعشك الثاني يولي الاول
.
.
.
.
#شعراء_وذاوقين_الشعر_الشعبي
#علي_ناظم
#ابو_تراب

.
شكد كبلك مشوا ما سلوا الروح
ولا بغيابهم كسروا ظهرنا
البعد نيران كبره يبخر الدموع
وبس يزود يتبخر بصرنا
منين نجيب مثلك حتى ننساك
ومنو المثلك يعوضك لو خسرنا
الشبه كل اربعين حجاية تنكال
واذا واحد يصح جان انتظرنا
تعال الجرح جن وما رضى يهيد
وحجينه ويا ما ينفع عذرنا
ويشك روحه اعلى طوله وينكت جروح
وكضينه خيوطنا وملت ابرنا
شوكت يندك علينه ويضحك الباب
ويترس بيتنا و صوتك يسرنا
وترد انت ويجن الرحن وياك
وتجيبه وياك يالماخذ عمرنا
.
.
.
.

.
#شعراء_وذاوقين_الشعر_الشعبي
#جبار_رشيد
#ابو_تراب

.
من بابك امس مريت بسكوت
اخاف احجي وافزز ذيج الايام
ما موجود اعرفك بس امر بيك
على دروبك تراها تخف الجدام
حلم فركاك ليش تحقق بساع ؟
وحلم بي نلتقي ما مر بالاحلام
صفنت باب بيتك صفنت اموات
صفنه شكد سوالف بيها الك ضام
هلكد ما دعيت ابابك سنين
تخيلتني الخلك كمت اعبد اصنام
.
.
.
.
#شعراء_وذاوقين_الشعر_الشعبي
#مهند_الهندي
#ابو_تراب

• .
لا ترجع بعد بلكي من انام انساك
وبلكي يغطي وجهك جرجف الشراي
شفت الماخذك وتمعنت بي زين
لا صاحب طويلة ولا وجه جناي
شرى مني الشعير ال بالقحط غالي
واحس هوسة وعراضة وجادر ابالي
مو وجهه الحسن صوته يتراوالي
واتكمكش بفركاك درب الرمل باب
بلكت اثر موجود لجدام الاحباب
كاعد والهوا يشمر ب أذاني حروف
يا ابو ولف البعيد الحيل رايد حيل
وانا بطرك العيون المالهن بيبان
عليهن من اجى استفحل بواچي الليل
ترى چوية بنادم على بنادم دين
شلونك بالعرس كالوا عليك زوين
كالوا دمعتك خربت كحل العين
يالخربطت بحساب نجم الليالي
بالك ترى يكولون حوبة خيالي
.
.
.
.
#شعراء_وذواقين_الشعر_الشعبي
#حسين_العميدي
#ابو_تراب

.
رحلة حياتك شته
ولا نار اكو ولا شمس وبذلتك ناكع
ارسم لغيرك اثر
وعيش البقى من العمر
متبوع مو تابع
كلش ولا تنذكر للثالث وتنسي
ما تعبر السابع
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
والمواسم
حتى طبع الطير موسم
والنبت موسم
و الايام التجي وتروح موسم
والمواسم من تمر على الناس موسم
موسم ينتهي وموسم جديد يبات
والحب والكره والصلح والزعلات
وانسام العصاري بطيب الحديثات
بس انت حبيبي وما كلت بذات
يا مفتاح روحي والسوالف بيك تحلى
والهوا يمرني ويرطبني هبوبك يا ندى الغبشة
يا خطار عيني هاكثر مغتاض
من رمش لرمش زعلان تتمشى
وانا حبيبك عمر زتني حنانك مثل الحميمه
خذت طبعة وحنينة وطيبتة
وفرني زماني وكبرت الوحشة
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
يا روحي الصبر رحمه ... ونعمه
وادكن بالخشن واطحن ... وانعمه
اليسولفلي على الجنة ... وانا اعمى
شامت هذا مو صاحب الية
.
.
.
.
#شعراء_وذاوقين_الشعر_الشعبي
#ستار_اللامي
#ابو_تراب

.
ودورتك حمد بس العظام هواي
ردت اصرخ كلت بلكن يجيك الصوت
وتعرف صرختي وانت تلاكني
ولكيتك يا حمد بين العظام بجيس
مثل باقي الجياس وكاعد متاني
جمجمتك جفوفك قفص صدرك هذا
رجليك شعجب ما بيهن بلاتين
جفينك هذن لو مال جيراني
ولك يمه حمد كالولي هسة تعود
وعلى الهسة عمر متعود لساني
كافي ازرع جثث غصت لهات الكاع
ما يطلع ورد بخدود بستاني
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
كودني بواهس حبيبة
وحلي همي بهيل جلمات ال تعاي
واهمس بأذني حنين وصفي نيتك
ابد متشوفه كفاي
انا ما ضل بية غير وشال روحي
كلشي ذبيته وراي
.
.
.
.
#شعراء_وذاوقين_الشعر_الشعبي
#وجدان_النقيب
#ابو_تراب

• .
صاير ما تحن كلش هالايام
وحيل تغيرت بيك المودة
تجر گلبي وتحبسه بطرف الرموش
لا عينك تشبكه ولا تهدة
رد كلمن يحبك جنحه مكسور
بس مكسور خاطر لا تردة
.
.
.
.
#شعراء_وذاوقين_الشعر_الشعبي
#جبار_رشيد
#نائل_المظفر
#ابو_تراب

.
على الخير على الناس الجديدة الوياك
يومية واحد يلا ... حب تستاهل
خلك السفينة اطول من انفاس الريح
وما عدها هذا الخلك صاعد نازل
الوفى هواي عليك وادريك تخون
مثل اليأمن كطرة بيد الجاهل
اليشرد من الحرب كدام الناس
خم راسه تلكاه بالحلم متخاذل
واليترس عيون الحرب جف وعين
جيوبه خمهن تلكى صورة كافل
.
.
.
.
#شعراء_وذواقين_الشعر_الشعبي
#علي_نجم
#ابو_تراب

• .
يردوني اكتب ! شكتب وشتغزل ؟
ما تستفزني الدنيا مثل الاول
رد فعلي بارد صار حتى من النار
ميهزني كل شي وكلشي كمت اتحمل
مر كلشي بية وكلشي اصبح مألوف
مألوف حتى الجاي بالمستقبل
بعدين وينه اليسمع وخلكة طويل
ترجيت خلكي وعافني وما طول
المحنة اكبر من كتابة الاشعار
بس اليأس مر والتفائل اجمل
لا بأس اذا حب على الگلب يطرق باب
بلكي الخلايا النايمة ترد تعدل
.
.
.
.
#شعراء_وذاوقين_الشعر_الشعبي
#مرتضى_الميالي
#ابو_تراب

• .
سنة شفافج على شفافي ؟
بصراحة الوكت مو كافي
اريد الشتا يصير اربع مواسم يا حضن دافي
واريد الليل سبع سنين و الله يموت الغافي
من كال تعبت ؟ مليت ؟
لو طال السفر وياج من روحي الخدر ينزل على الجتفين
وامشي اعلى الجمر حافي
ولو ميت وامر بشارع مشيناه انسى جنازتي وتتحرك اطرافي
.
.
.
.
#شعراء_وذواقين_الشعر_الشعبي
#الكاطع
#ابو_تراب

• .
انا شارط على النفس الا انت بي
وكون اموت بحبك من المفترض
هيج اموت وحبك اسباب الوفاة
هاي والله يا علي يريدلها حظ
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
كتلي من تستاحش بروحي تطوف
شو علية شحيت حتى طيوفك
وكتلي لو عينك طفت بعيوني شوف
شفت كل الناس بس ما اشوفك
وكتلي اذا جرحك كبر برموشي روف
شو كبر جرحي وصغر معروفك
وانا ادري رموش امضى من السيوف
شجاب كلبي وحطه بين سيوفك
.
.
.
.
#شعراء_وذواقين_الشعر_الشعبي
#مهدي_عبود_السوداني
#ابو_تراب

.
خيجابلن روحي العجايز
ونشوف ياهو الضيم عايز
شمرة حبل فوك الجنايز
شمروني بس الخشب حاجز

يبدي الوجع وتموت ريلي
وتكوم روحي تغنيلي
انا ذبيت فصل عيني بشليلي
وجيب اليوكفني اعلى حيلي

ساعة اتلوى وساعة اهذري
وساعة ادري بيهم ساعة مدري
المايسوى ساعة انطيته عمري
وبيا علي تلاحكة ظهري
.
.
.
.
#شعراء_وذواقين_الشعر_الشعبي
#علي_مالك_الموسوي
#ابو_تراب

.
المعلمني احبك يا علي مات
واجيتك شايل بجتفي الامانة
بسراب دموع گلبي وجفني موجوع
ضعنه وغير جفك ما لكانه
وحسيت النعش من جتفي ينشال
وزحام المرقد لحضنك خذانه
و وي طبت الكبر والوحشة والخوف
حسيتك علي تلقن ب اذانه
من اول حلم من كلي مرتاح
يضحك صدكت يمكن نسانه
يمك بالصدك شتسولف ويا ؟
اذا بالطيف مرتاح بجفانه
و صدك من كلي من الموت لا تخاف
حلاة الموت اذا حيدر لكانه
وكلالي الهوا بالكبر موجود
كلي اليمك انضف من هوانه
امنيتي اعرف السر بهذا الانسان
بشر ما بين وبين حنانه
.
.
.
.
#شعراء_وذواقين_الشعر_الشعبي
#باقر_قاسم
#ابو_تراب

• .
وكت العطش من عيني جنت اسكيكم
روحي اشتهتكم خايبين شبيكم
احس بنار طفوني
جمر ينزل من عيوني
انطيت روحي وگلبي جا شنطيكم ؟
روحي اشتهتكم خايبين شبيكم
انا المدلل جنت هسة شبية
افتر وادور ياهو بي حنية
وجوهكم ثكلت شوية شوية
ما چني ذاك الروحه ذابت بيكم
روحي اشتهتكم خايبين شبيكم
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

• • • .
سولف كول الك واهس تضل وياي
واذا ما الك واهس كول لا تخجل
ما اقبل احبك وانت ما مرتاح
وما ارتاح احبك وانت ما تقبل
فكر باليهمك المهم شتريد ؟
انا كل اليهمني المهم لا تزعل
بكيفك من اجيت وما جبرتك يوم
ما اجبرك بكيفك لو ردت ترحل
ما مليت منك اكدر ابقى وياك
بس المشكلة خاف انا راح انمل
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب