.
كتلي من تعطش ترويك الجفوف
وهذا انا عطشان وين جفوفك ؟
وكتلي اذا شح النظر بعيوني شوف
شفت كل الناس بس ما اشوفك
وكتلي اذا جرحك كبر برموشي روف
شو كبر جرحي وزغر معروفك
انا ادري رموشك امضى من السيوف
شجاب گلبي وحطه بين سيوفك
.
.
.
.
#شعراء_وذاوقين_الشعر_الشعبي
قصيدة للشاعر #مهدي_عبود_السوداني
#ابو_تراب

.
من كل گلبي احبها ما مجاملها
حبيبتي وانا رجالها وخلها
صح ما نتفق مثل الحجر والجام
بس ما نفترك بالعركة اغازلها
مزاجيين والبيناتنه بكل يوم
يوصل للنهاية وربك يحلها
وضلينه سوى مو لان مصافين
العلاقة التستمر تقوى بمشاكلها
بعد شيفضها اذا مغرور حب مغرور
التحرمها كمت اعناد احللها
واخبصها احبج حيل احبج موت
ومن تطلبها مني اعناد ما اكلها
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

• .
حسبالي العدد بي ثمرة من يزود
وعن قلة الواحد تفرق المية
بس تالي ادركت طين الگلوب اصناف
والعشرة الطويلة تريد نوعية
على كلآ عشت ما خذت بس انطيت
وي ليل المجازة الما شفت ضية
وينه وينه الكاه بية جاي يبيع
وين ال اني منطي من هوا الرية
والزم جفني خاف من ارمش يزعلون
واتناسى الحجاية ال بأذني محجية
ومن الكالي حك عد محب ما اداعي
اكو حك برجعته يعيب راعية
عرفتلها وكمت ما ازاعل اليرحون
ولا على الباب اضل متاني ليلية
من شفت الحلم ينوخذ مو على اللون
بعد بطلت اضم احلام وردية
الناس اختلفت وظهرك اتچي وين
اذا ما تلكى حايط تكعد بفية
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
افا تبدل حجيكم ليش ؟
معقولة العمر اثر ؟
هلي خلوا الحجي مدثر
انا شبيدي ؟! العمر ركضة
هلي لو بيدي ما اكبر
مثل حال العراق وياي
عشت وياكم بغربة
الماي الما تحضنه جروف ما يندل بعد دربة
.
.
.
.
#شعراء_وذاوقين_الشعر_الشعبي
قصيدة ل #احمد_العبيدي بصوت
#محمد_الاميري
#ابو_تراب

.
مو كافي ... بس يا موت صرت انا جناز
بجتفي انطبع تابوت من شيل الاعزاز
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
عاد كافي تغيضني وانت بحماي
خلها جمرة غيضتي بصندوكها
انا من اغتاض بية يوج رداي
واعدل العوجة واخيط فتوكها
لشجرة الخوة اصب من عيني ماي
ولو اغتاض اشلعها من عروكها
انا احط حجايتي حطة عباي
واعرف اليشريها واندل سوكها
حاسدتني الناس جي راجح الرأي
ولشليلة بهيده افك مطبوكها
جي اخلي الرمدة تبصر من ضواي
واطلع الليطه بهدو من موكها
جي اطيح اعلى الجرح واعرف الداي
واعزل الشفاف من ملثوكها
.
.
.
.
#شعراء_وذواقين_الشعر_الشعبي
#عبدالكريم_القصاب
#ابو_تراب

• .
اكدر بيك ما ترهم علية ليش
لان بيني وبينك فرق شاسع
انت فرار تتختل بالبيوت
وانا هناك ساكن بالمواضع
انا طالع على اهلي وعمامي
وما ادري عليمن انت طالع
انا ارجع من كمين وادخل انذار
وانت للصبح سكران راجع
اذا مسوؤل عندك يحمي ظهرك
ونفسيته مريضة وبيك طامع
وتداوم بيته بلايا تدريب
ولا تسمع بعد صوت المدافع
ونماذج تارس جيوبك نماذج
والممنوع عندك ماكو مانع
احجيلك حجاية وانتبه زين
السيف الاعمى ما يتسمى قاطع
ومعلومة تضل ترجية ب اذنك
اليموت يموت بس يموت قانع
وين الي يموت وهو سكران
و وين الي تأذنله الجوامع
و وين اليموت وهو مثلك
و وين بدمه متحنيه القواطع
و وين ال على السواتر يعبر اول
و وين الي شرد وانطاها رابع
.
.
.
.
#شعراء_وذاوقين_الشعر_الشعبي
#خضير_هادي
#ابو_تراب

.
الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
ما همني بحياتي الراحت تضيع
انا الكاتلني راح بغير توديع
انتهت ما بعد اشوفه
عود تمر طيوفه !
صعد نجمة بسمانه شلون ينلاح ؟
الروحه بعيد عنه شلون يرتاح
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
كون اشيل اي شي حلو شفته بطريقي
وبيدي اودي يم اهلنا
شكو ضحكة شكو وردة شكو شمعة
بيدي اوديها ل وطنا
حسرة مسودن براسي فكرة الما ضحك سنه
من تمر نسمة هوا اتنغصلهم
يا وطن هذا الهوا كونه هوانا وكونه يمنه
اي ليش ما عدنا مثلهم واحنه جنة الله چنه
.
.
.
.
#شعراء_وذاوقين_الشعر_الشعبي
#علي_الفريداوي
#ابو_تراب

.
تزاعلنا وتعدى اعلى الزعل مده
وندم وديتله بس كلشي ما وده
كلتلي اكتب عتب بلكي الضنون تنام
ومثل گلبي الرسايل ترجع مرمده
شلت روحي وصنم يم بابهم حطيت
الى ان ماي وجهي بعتبته تبده
ادك على الباب احس طلاكته الها لسان
تكلي صويحبك باب الصلح سده
نساك وما بعد يذكر شكد حطيت
بوسات اعلى ايده ومنحره وخده
ونسى كل فوضويتك واللعب ويا
لمن حومريت من الكرص زنده
.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب

.
ما متوازي احب بس شو توازيت
غصب بية الوداد يطول ويزود
شما افردك وابعدك ضال وياي
مثل فرده ابهام من ايد مفقود
على ترابي كتبتك جانت عياي
كلام الله يمين وشاهد العود
وصلت بية اغارن منك اعليك
لحدر ضلعي يخفك وعليك ممرود
اذا نفرض مخير انت لو عين
انا ارضى انعمي بس جفك يكود
احبك من الى وانطيك تفسير
يعني من الجدم للراس مريود
علية عيون سود يمرن هواي
مثل ذني البوجهك ما شفت سود
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
متندم لان ما نايم الليل
ولا مستقبلي الطايح بنيته
ولا عندي وسيلة التقنع الروح
وارد وامسح المشوار البديته
هذاك الحجي الزين الضامه سنين
متندم لان يمك حجيته
وانا فوك العمر مداين ايام
وعلى الما يكضي كل لازم كضيته
المواقف ذيج مثل خدود ادية
بس الدود يمسحهن الية
مو هسة ترى بعد المنية
بفراش الغريب شلون غافي ؟
وانا دمعي غركت منه الجفافي
ليهسة وگلبي يتمنالك الخير
نام براحتك نوم العوافي
.
.
.
.
#شعراء_وذاوقين_الشعر_الشعبي
#حسين_العميدي
#ابو_تراب

.
من رحت زعلان مني
ما دريت شصار بية بروحتك ؟
نوموني بنص ثلج وتلمسوني
ولكوا بية حرورتك !
.
.
.
.
#شعراء_وذاوقين_الشعر_الشعبي
#علي_الكناني
#ابو_تراب

.
شنو خل ننتهي هذا الحجي يمتى ؟
جا من رحنه للدكتور مو كال الدوه انت !
شربت مي عد خطار عشرتنا بقت للنص
خفت لا تسحب ايدك والدوا يخلص
ولان شافوك ما تمشي بعد وياي
كالولي درت وجهك يا عمي درت وجهي
على عيون الكتلني الطالعة من الباب هيج انا درت وجهي
بس انت شدرت وجهك دورت وجهك تخوف
جن حادث طفل وباب مدرسته هيج انت درت وجهك
.
.
.
.
#شعراء_وذاوقين_الشعر_الشعبي
#علي_شاكر
#ابو_تراب

.
بعد ما اعرف انسان اعلى انسان
ولا ادني الصديق اعلى الكرايب
المفاشل يصير وياي بعدين
واطيحن بيها والكاهم حبايب
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
يا حزني يا الما تكضي من تنكتب
ضميتك وماعرف اضمك جذب
يا شاب مكتول ولكوا جثته
والناس محتفله بنهاية حرب
جم دوب اناطر وادمي الما تجي
وجم دوب ارد فشلان من الدرب
وجم دوب اراهن وادري مامش ربح
ولا وين اعيش بحيرة الينغلب
ماخذت يم الناس دور النبي
جا ليش ليلية بخطيتي انصلب
.
.
.
.
#شعراء_وذواقين_الشعر_الشعبي
#صابرين_الكعبي
#ابو_تراب

.
ضحك الجذب بالوجه البس والاكي جرح
لن روحي طبع الارض تعيش من تنطعن
وتموت اذا تنترك يخنكها جف الملح
ولا تكلي صابر علية
صبر الجبل على الثلج مو مثل صبر السفح
ولو طار عالي النسر لا ينسى فضل السما
ويكول عندي جنح
توها المحبة ابتدت وتوه الاساس انبنى
يحجيلي عن الصفح
وكاتبلي فرحه الزمن كلمه اعلى ماي النهر
ويكلي ما تنمسح
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
الله يرحمه كالوا مات ذكراهم
وما وفقنا الله وما نسيناهم
جانوا بأيدنا وجانوا جمر بالصيف
شبعنا تجوي لكن ما شمرناهم
يتعمدون فوك گلوبنا يدوسون
وكرهنا گلوبنا بس ما كرهناهم
نحلف نبتعد بس ندري جذابين
يضيع الزعل من نتلاكه وياهم
مثلنا هم بشر بس ليش ينشمون
شبينا نختنك لو ما لكيناهم
.
.
.
.
#شعراء_وذواقين_الشعر_الشعبي
#علي_المنصوري
#ابو_تراب

.
ترادفلي بدليلي صواب بصواب
اون ومن ونيني اليرضع يشيب
وعلى اليبعد عزيزه شلون ينعاب
جذب من كال جرح جفاكم يطيب
كضن سنتين والبسمار ما طاب
واباريكم براه الشاه للذيب
ولا جنكم يغادين الجده احباب
دحنولي واذكروا بعشرتي الطيب
ولو حنه گلوب اجناب ل اجناب
العتب شيفيد لو عن ناضري تغيب
.
.
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
بس اصبري مرورة الفركة اعلى صدري تطيح نجمة
واعثر بصوتج ضوة واتبدى ظلمة
يوكف بصدري هوا يكفيله دنيا وخلكي نسمة
توها بردت وانتي مريتي رصاصة
خايف تروحين واذبل والعطش يترس مكاني
وخايف اشرب روحتج واخذلي ليل وما اتاني
هاي الية سنين بارد محد بملكاه جواني
شلون ما طكت عشب بية الثواني
ويخلص الليل ويخضر ليل ثاني
بية واهس كافر وربج هداني
الليل شبعني سفر واني بمكاني
.
.
.
.
#شعراء_وذاوقين_الشعر_الشعبي
#علي_رشم
#ابو_تراب