.
وثيقة بكل فخر گلبي ... وثقلاك
جبل ما شفت بأخلاقك ... وثقلاك
الك يرخص دمع عيني ... وثق لك
الگلب لمن يدك يوكع بأدية

حبيبي بيا بخت وياي ... شديت
وعدا هجرك الي شقدمت ... شديت؟
ب اصبعك حتى تذكر خيط ... شديت
نحصر دمك ولا فكرت بية


.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
المحطة بلا سفر تكسر الخاطر
والقطار يضوج اذا قبط فراغ
القطار بديرة اهلي سمعت بي قبط فراغ
كلت فرصة خل اسافر
اجيت ملهوف ارد اسافر
كالوا ابقى ابقى باجر
ردت اكلهم ليش كالوا عطل عدنا
بمعرفة من يستحق ياهو اليسافر
ابقى باجر
اليوم خلصة بأي طريقة لهي نفسك بالجكاير
خلصت اوراق الجكاير والمعامل عزلت خلصت جكاير
وانا اعيش اليوم نفسة وماكو باجر
ماكو باجر
تالي احس الشيب اخذني وعتني عت صوب المكابر
ردت ادخل كلت لا كالوا ابقى كلت حاضر
.
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

.
مو ذنبك حلاتك كل ذنب مابيك
و لكن صوج كلبي الماعرف يصبر
شكد ردت اكتفي بالنظره الاولى وياك
اغمض و الفصوص من الجفن تطفر
يانظره براءه تضل براءه وياك
اذا نظراتي جانت بالجلد تحفر
قست دكات نبضك من لمحتك عين
و احتكيت بيك بدون ما تشعر
مغير لونهن بس شفت لو شفاك
اخذلك هيج واحد من بعد يخزر
اليسمع دفو صوتك يوكع ب شده
وما اصدك وراها يضل صبر عنده
اكو قبلي نبي كالوا مكلم الطير
وانا أول انسان يكلم الورده
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
نفذ صبري اعلى روحي وراح اجويها
واحاسبها واذلها والا انسيها
واطلعلها گلب مو اي درب تمشي
واراويها وجه جناز كاضيها
شفت نجم الظهر حد ما جبتها الراك
اقل روجة تجي تردها اعلى ماضيها
ما كضت گلب من وحدة من اثنين
العتمة بيا دليل بعتمة تضويها
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
كلي الما توافيله ... يفي شلون ؟
وانفخ لون بالعشرة ... يفش لون
هذول الزامطت بيهم ... يفشلون
الرصاصة التايهه يدلوها بية
.
.
.
.
#شعراء_وذاوقين_الشعر_الشعبي
#علاء_الزبيدي
#ابو_تراب

.
انا شارط على النفس الا انت بي
وكون اموت بحبك من المفترض
هيج اموت وحبك اسباب الوفاة
هاي والله يا علي يريدلها حظ
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
ما اجامل واكلك يالغبت ناسيك
واصلآ بالمشاعر ليش اجاملك ؟
كابلت النهر بلكت علية تعود
خطف لون بصفنته وما خطف ظلك
وينك ما تمر مو عرك وجه الماي
من كد ما اجيبن شمع واشعلك
حبيتك كبل من شحوا الحبوك
ومن كثرت احبابك نستك خلك
تصعد للنجم مو بس ردتلك هاي
ردت انا النجم على الكاع ينزلك
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
رديتلك مستحي مضفور بية العتب
ماريدك اتفله
ورديتلك ما ردت دنكلي راسه واجى
ياهو اليجي تكله
رديتلك مستحي من ناس ما تستحي
فلاحتهم الذله
ينباك تعب المشط لو شاف طول الزلف
بجفوف تتسلى
ولا تكلي كلي الك شضل بيك ... ؟
ياهو اليمر دنيتله السله
شمدريني طبعك نهر ما تلتفت لو رحت
من نيتك وفرزنت مو كل حلو بشكله
ومو كلشي اسود حزن
لو يرضى كلشي الجفن
جا بارت الكحله
مو كل فرح بي صفك العريس حنته بچي
الما صاير لخله
من الجرف للجرف كاضيها فزعة البلم
وبجيبه من النهر بس الحبل خله
هيج انا تعبي انهب مرات احسدة البلم
غزر دلال النهر حنه بطرف رجله
رديت ب أيدي الك لا تفتخر بالجنح
الصياد عمره خلص لابد ورا النبله
.
.
.
.
#شعراء_وذاوقين_الشعر_الشعبي
#حسام_الحمزاوي
#ابو_تراب

.
شلك علية يا زمن وشرايد ؟
انطيتك الي ردته مني وزايد
ضحيت ب أغلى احبابي
وخسرت كل اصحابي
شتريد تاخذ ؟ بينت ومعاود
شلك علية يا زمن وشرايد ؟
نيشان اكثر من جرح مو كافي ؟
كضيت عمري وياك ما متصافي
الماي يمي والعطش بشفافي
شتريد تاخذ بينت ومعاود ؟
شلك علية يا زمن وشرايد
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
على روحي كمت اخذ اعزاز وياي
بلكي تسامحك يومية امر بيها
وتطلعلي الجروح وانعل الشيطان
على جروحك اغلس لو اواسيها
شالتني الغرب يوم الطحت وياك
شردتك وكفه كمت انوب اسميها
تعيرني اعلى ياهي وانا وكت الضيم
اضحك شفتك واطفالي ابجيها
اشتميت الهوا من عفتك ارتاحيت
ونبضات البصدري كمت احس بيها
.
.
.
.
#شعراء_وذاوقين_الشعر_الشعبي
#حامد_الشمري
#ابو_تراب

.
هدايا الشوك يمك ... يابه ردها
وعلية سيوف هجرك ... يا هو بردها ؟
ايا ليلة وداعك ... يا بردها
متت لو ما لحك حضنك علية
.
.
.
.
#شعراء_وذواقين_الشعر_الشعبي
ابوذية للاهواز
#ابو_تراب

.
سنة ما شايفك بس انت موجود
لهسة اشتم عطر من شوفة العام
ما تاجرت بأسمك بس تعاطيت
بيني وبين روحي وهجرك اعدام
شفتك بالحلم فزيت مرعوب
ما لحكت اشوفك مسرع اجدام
نذر لو ملتفتلي جا تحنيت
من اطراف جدمي لشعرة الهام
ملثم من تمر ما اعرفك تريد
اعرفك لو تحط اعلى اسمك ألثام
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
روح الله وياك جا ضلت عليك
طبعي كلمن راح گلبي يسامحة
بس بلا زحمة ولا امرأ عليك
المغرب المغرب اقرالي الفاتحة
طلب مو كلش صعب تكدر علية
ومن بعد هالطلب روح بفالك
انا مرة بكل سنة ابالك افوت
البوب لا تسدها من اطب ابالك
.
.
.
.
#شعراء_وذاوقين_الشعر_الشعبي
#كامران_العداي
#ابو_تراب

.
اعرفك ما ترد بس ما طبكت الباب
مثل ميت عزيزة يعود ينتظرة
سهل من تبتعد بس صعب تلكى انسان
شايل طيبتي ويهواك على الفطرة
باجر من ترد ما تلكى شي موجود
تلكى الورد ذابل والارض صحرة
تلكاني مدينة مسددة البيبان
بيها الكمر ميت والشمس حمرة
وتمسح ذكرياتك شجرة الصفصاف
خافن من ترد تشتاك للشجرة
.
.
.
.
#شعراء_وذاوقين_الشعر_الشعبي
#جبار_العبادي
#ابو_تراب

.
استغلوا طيبك وگلبك ... ولاذاك
المشوا وياك من تالي ... ولاذوك
كلتلك هذا ما ينفع ... ولا ذاك
نصحتك بس بعد شتفيد هية

مثل جلدي حسبتك ... والامتني
وتكش ان صالحتني ... وان لمتني
جنازة بمتن مختل ... والمتني
خبل ما يدري وين يريد بية
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
شكد جنت محتاجك ردت بس تسأل
من جنت ادور بالصور صورة حل
راجعلي متأخر بعد وكتك راح
بذاك الوكت لو جاي كتال اقبل
تموتني بيدك مرة وحدة وارتاح
احسن ولا كل يوم اموت واعدل
من كتلي رايح طحت وي دمعي الطاح
مبتسم بس بگلبي جنت اتوسل
ويومية جاي بجرح وانا اتحمل
واربع مواسم وانا وياك اذبل
بجيتني لحد ما طحت من عيني
أذيتني وما عاش الي يأذيني
بس انت كتلك روح انت وربك
وهواي اجوني توسطوا رادوني ارجع حبك
جا هو اعز منك منو ؟ ولخاطرة اغفر ذنبك
.
.
.
.
#شعراء_وذواقين_الشعر_الشعبي
#عصام_كريم
#ابو_تراب

• .
يا صاحبتها يا الوصلتي لدارها
احجيلي عنها شلونها وشخبارها
شدار الكلام ال بينج وما بينهة
شجانت تكلج هية نظرة عينهة
وشكالت وما كالت من اسرارها
يا صاحبتها عيوني ما ينسنها
خليني اشوف عيونج الشافنها
انطيني اديج اللامسن جفينها
ولمساتها الضلت بجفج وينها
محتاجهن بلكن يطفن نارها
شكالت علية شلمحت وشذكرت
ما وصتج ما سلمت معتذرت
هواي ضل من السوالف عدها
روحي الخذتها وياها يمتى تردها
لو خيروني اختار هم اختارها
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
ماتت زلم لا اجيت لا كتلي كواك
وانا اعلى فرخ انفاس واكف سنة وياك
.
.
.
.
#شعراء_وذواقين_الشعر_الشعبي
#سليم_الجبوري
#ابو_تراب

.
علامة الصبر ليش اصبر علامة
بحبل الموت حبل الروح مشدود
جسر ويعود لا تكلي بسلامة
اذا كال القدر ميعود ميعود
حر الصيد ينصاد بحمامة
وبركع للممات الشوف مسدود
انا الطب ولكى بروحة غرامة
مكتول وعلى السجين مسنود
واداة القتل مطعون بملامة
وراسم من نزيفة عيون وخدود
كلت بلكي الصدى حافظ كلامة
ما ادور نفي واثبات وشهود
خرسة الكاع وتحذر النعامة
ولسان الصدك بالخوف معكود
من المعدم الى اصحاب الفخامة
ومرورآ بالبطر والعاش مكرود
اسم مخطوط تالينه برخامة
فوك الكاع اسم والطين للدود
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
بعدني شما علوا حدري
بعدني شما حجوا ادري
بعدني اكبر .... شما رادوا اطيح عيونهم تعثر
شما رادوا اغيب ابالهم افتر
وبعدني اكبر
بعدني شما خذوا مني افيض بمستحاي اكثر
ول شباطهم جيمت كيض وامان وبخت
ولميتهم مستحى
بخاجيتي حد ما دفوا وجروحهم هودت
وماشيتهم حس ضوة زتيتهم للصبح
حد ما شمسهم صحت
و وجوه صاروا لچن لولاي ما بينوا ولا روسهم شرعبت
يا هي يا طيبتي بشيباتي اطوشن جنت الكط وراهم فشل
من اجباهم وشلت
.
.
.
.
#شعراء_وذاوقين_الشعر_الشعبي
#قاسم_بخيت
#ابو_تراب