.
ادري بيك تحبني ما داعي الكلام
وادري بدموعك صدك تبچيلي
من تجيني لا تسولفلي بغرام
وعفية عوف الشوگ لا تحجيلي
انا ليلي بلايا واهس ما انام
شلون لو صرت انت واهل ليلي
وشلون لو حبيت شكلك والخصال
وشلون لو باجر تروح وتعتذر
هم ترد لمن اكللك تعال
وتنتظر لمن اكلك انتظر
الدنيا مو دنيا عشگ يا ابن الحلال
لا تخلينا بمحبتك ننجبر
انت ابن العافية وابن الدلال
واحنا ولد الموت ربانه الفقر
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
مو جنه متفقين لو عرس لو موت
بجرباية تالي تنام وتكلي تابوت

دارت سنه اعلى الناس وانا اعلى حالي
لا يم علي انحطيت لا يم حلالي
.
.
.
.
#شعراء_وذواقين_الشعر_الشعبي
#حسام_الحمزاوي
#حيدر_العليشي
#ابو_تراب

.
راجع بس رجعته تموت المنشار
الرمح لو ما يرد بالحرب ما يكتل
بية الصوج ساويت الكطن بالصوف
الرماد وي الكحل من ينخبط يعزل
كالوا نازل وكتلهم الشلال
بي ميزة يعلي الماي من ينزل
هزن روسهن من اعتنيت الخيل
وحتى المو فرس من جيت ضل تصهل
الما خانك رسنها من ظهرها يطيح
ومن تغير بيها طرادها يفشل
انا من النهر حايگ شجم بساط
وخيم معدان من الماي كمت اغزل
اندك بابي وعرفته المنجل اعلى الباب
صحت اهلآ وفتحت الباب اله بسنبل
كضى عمرة النهر يمشي اعلى متن الطين
بنص خاصرته ساحك منه ما يجفل
.
.
.
.
#شعراء_وذواقين_الشعر_الشعبي
#علي_مطشر
#ابو_تراب

تانيت امنياتي الما منعسة تنام
حتى اكدر بسكته من القيود افتل
عفت بيت ابوذية على العش مكتوب

گلبي بفركة الخلان ... وج ناح
وبديت انحاز للشمات ... وجنح
صدك خليتني ريشات ... وجناح
لكن صفك جنحي لمن ردت ارحل

صفك جنحي لحت غيمة
عفت هذا الغصن هيمة
عمر وياك ادور حل
جبيرة السما وين اسأل ؟
اخاف اشرد وما اندل
الى ان قررت حسيت عمري الضاع
شفته الطير اثاري من يطير اسهل
اثاري العش عذر للما يعرف يطير
اكول شبي الشامت ما يريد ارحل
حركني الضن مثل لعبة الغميضان
ورى حايط الشوك بلوعتي اتختل
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
مل صبر الگلب ما بعد ينلام
على حبال الصبر سنتين مشرور
لو تدري عليك شكثر محتام
چا سابكت جدمك وي الطيور
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
تذكر من احط بوسات الك ع الباب
والباب الصبح من تطلع يكلك
وتذكر من اجي لشوفتك جية روج
وعلى حطتك جرف ضليت ما املك
لا انا من البحر خلصان وابقى وياك
ولا جرفك يكضني وتعبت خلك
بصراحة انت جرح وادري من اخيطة يطيب
غلاتك لو صبر مانعني ما اشلك
السما بعينك شبج عوف الاوهام وطير
حط ايدك ب أدي لو اموت ما احلك
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
خمسين عام انزفت
والدم ينز من جلد كتبي واناشيدي
ما عيشاني الشعر
لا يوم حط ب أيدي
بطل من المدرسة
وحب وجكارة وعلج يا جمبر وليدي
رحت اخطب اخت الكمر و وياي اجاويدي
باكتني غفت حلم
وانباك كلشي حلو من صوغتي وصيدي
صعدوا على نخلتي وهزوا عناكيدي
عريس وتسلبت
ضموني جمعة وسبت
ومصباح الاحد مشوا باعوني بمريدي
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
شكد ايام مرت وانت ما موجود
باب البيت افتحه والكبر مسدود
يا دفان گلي هم يرد اردود ؟
( عميانه على الزينين عيني )
يا دفان اخوي اعلى الورد نده
غير اسم اليحبها كل شي ما عنده
خشن رمل المكابر على الترف خده
( عميانه على الزينين عيني )
من كثر العرف صار النجف داري
هذا صويحبي وذاك كبر جاري
مثل نار الخليل تسعرت ناري
( عميانه على الزينين عيني )
.
.
.
.
#شعراء_وذواقين_الشعر_الشعبي
#غزوان_الغالبي
#ابو_تراب

.
علامة الصبر ليش اصبر علامة
بحبل الموت حبل الروح مشدود
جسر ويعود لا تكلي بسلامة
اذا كال القدر ميعود ميعود
حر الصيد ينصاد بحمامة
وبركع للممات الشوف مسدود
انا الطب ولكى بروحة غرامة
مكتول وعلى السجين مسنود
واداة القتل مطعون بملامة
وراسم من نزيفة عيون وخدود
كلت بلكي الصدى حافظ كلامة
ما ادور نفي واثبات وشهود
خرسة الكاع وتحذر النعامة
ولسان الصدك بالخوف معكود
من المعدم الى اصحاب الفخامة
ومرورآ بالبطر والعاش مكرود
اسم مخطوط تالينه برخامة
فوك الكاع اسم والطين للدود
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
جنة صغار نكعد وكت الغروب 
باب الدار ننطر جية ابونه
يرجع مبتسم بس وجهه متعوب
ومن ايشوفنا يضحكن عيونه
يجي محمل ابونه اشكال والوان
وتضل اتلوم بينا امنه الحنونه
تعبك هذا تعبك لا يابو فلان
تتعب والصغار ايضيعونه
لكن يبتسم ودموعة بالعين
ويكل لامي التعب يستاهلونه
هذولي حزام ضهري بساعة الضيج
ولج بالشدة يام افلان عونه
ابونة على اجتافة صغار وكبار
لعبنة سنين ما تعبن متونه
يلبسنة حرير وهوة محروم
وقميصة من التعب مكلوب لونه
واذكر لو لعبنة امنة تصيح
ابوكم نايم ولا تفززونه
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
الليلة اموت الليلة اخر ليلة
الغيم مد ايدة اعلى راسي
والمطر شد حيلة

#الكاطع
.

هذا الموت
جسر للا نهاية عليه كلنا نفوت

#عريان_السيد_خلف
.

يهل تحلب بروحي منيلها مناح
هلب ويدوخ بي قباض الارواح
انا المامش وراها جنازته صياح

#محسن_الخياط
.

بحبل الموت حبل الروح مشدود
جسر ويعود لا تكلي بسلامة
اذا كال القدر ميعود ميعود
حر الصيد ينصاد بحمامة

#سمير_صبيح
.

مدام الموت ارحم لليموتون
دمشونا لعد كل احنا نرتاح

#جبار_رشيد
.
.
.
.
#شعراء_وذاوقين_الشعر_الشعبي
#ابو_تراب

.
كبل من اصل طيب ... فرعينه
هسة العكل طاحت ... فرعينه
الوكت يخزر علية ... فرلي عينه
ودرت وجهي وبقت عينه علية

يا دنيا وياي بعد وبعد ... جدي
وعلية صيحي بعالي الصوت ... جدي
هجمتي بيت ابوي وبيت ... جدي
وانا بلا بيت شتهجمين الية
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
من هو بحالنه احنا المساكين ؟
احنا المحد النا ومدري منين ؟
خلصنه عمرنا بالمحطات
سفر وبيوتنه سطوح الفراكين
مرسومة بجلدنا ذيج الانياب
الجرح لو طاب هم يترك نياشين
وين اهلي علية ما دكوا الباب !
ترى صحتي عليلة وگلبي مو زين
خسارتنه جبيرة وغشمة على السوك
بعنه عقولنا بسوك المجانين
تمنينه نموت بغير تعذيب
وعلى المذبح نطرنا صارنه سنين
يوصلنه السرة ويتأجل الموت
يم اركابنه وتعمى السجاجين
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
نزل منها وربطها ورجع السيف
وي سيفة التعب رجعوا للغماد
واخذ جرحه الغميج وياه من راح
ولا طخ راس مرة وراد الضماد
ترى الما جارحك ويغرب بعيد
جنه مكابلك وايدة اعلى الزناد
لا هو الكاتلك ومغرب وياه
وشيخلصك واخذ مفتاح الاصفاد
المات وما مخلف ينحسب مات
وشعرك شال اسمك صار الاولاد
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
ردم وجهي التراب وكمت ... عناي
الك يا الما عرفت النشد ... عني
افز فزة حياية البيد ... على الناي
بحلم لو مر صدى صوتك علية
متى منياي يا احبابي ... سنلها
ويوم البلجفا روحي ... سنلها
دويت ونار فركاك ... سنة الها
وحركت الفزعوا يطفون بية
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
سمير اتمنى لو بس ثانية تعيش
وتشوف شسوى موتك بينا طرواه
سمير انت المتت لو احنا ميتين ؟
منو ال انتقل بينا لرحمة الله
الشعر كله تخربط من توفيت
وتمرض بعد ما اضن رايح يطيب
الاول من يموت يموت الحساب
وميضل بعد للتعداد ترتيب
يا خيط السبحة طشرت الخرز ليش
خيط منين غيرك رايح نجيب
الشعر وي غيرك انت يخيب ويصيب
بس وياك جان يصيب ويصيب
اليحبون الشعر والما يحبوه
اعلى شيل جنازتك وكفوا معازيب
.
.
.
.
#شعراء_وذاوقين_الشعر_الشعبي
#عمر_القرغولي
#ابو_تراب

.
اثنينهن دمعي وضحكتي بلونها
وضايعه الدنيا بخضار عيونها
ابقى حاير بين تعبي وراحتي
روحي يمها تصير ابد مو مالتي
بية اضمها وغيري ميشوفونها
اثنينهن دمعي وضحكتي بلونها
وحدي موجود بكلبها وبالها
الله مدري شحاط فوك خيالها
ترفة تعثر بالضوة وتوكع سهر
النجمة تعرفها ويغازلها الكمر
النسمة بس عشاكها يشمونها
اثنينهن دمعي وضحكتي بلونها
.
.
.
.
#شعراء_وذواقين_الشعر_الشعبي
#علي_رشم
#ابو_تراب

.
لا تأمن ومبخوت غدارة دنياك
الما نصحت ويا حسين جا تنصح وياك !؟
.
.
.
.
#شعراء_وذواقين_الشعر_الشعبي
#مهدي_العوادي
#ابو_تراب

.
الخوة اشتريها لكط
لو تنغلب بالسعر لا تشتريها عزل
وطبع السعادة دهن
وماي انا ما ننجمع شما ننخبط ننعزل
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
ثكيلات الصور كد ما حون ناس
تعرفهم زين بس تحسهم اغراب
الحجي ويا الما يحبك لحظة ميعيش
السكته اطول عمرها من العتاب
ترى بسوك الوجوه مدافع الناس
اليعيش بوجه واحد صار ينعاب
وترى بسوك القصايد ذيج من ذيج
التشم بحروفها من الحركه عطاب
شحجيلك علية ؟ كلش ترى بخير
ولا تلكى اعلى اصبعي اي اثر ناب
ومأمن وما اهم لو شنو يصير
ولا الدنيا بكبرها بعيني سرداب
واغفى براحتي وعن حلفة الله
الكلام ال بالاخير الكلته جذاب
.
.
.
.
#شعراء_وذواقين_الشعر_الشعبي
#ميثم_فالح
#ابو_تراب