.
يمتى تعود ؟
مو كل الطيور الهاجرت يحمود
من ضكها الحزن ردت ل اهلها ردود
يا الطولك نهر وجروحك الجرفين
وعلى طول النهر يبقى الجرف ممدود
رد يحمود
عجزنا الصبر يحمود هاي سنين
وتانيناك وكفه وما كعدنه كعود
ولك حمود من البواجي طاحتنله عيون
ومن ثكل الدمع ما ضلت النا خدود
دلحك على البقايا تفرهدلنه هواي
ونخاف اعلى البقايا تصير هم فرهود
رد يحمود
تدور بالغرب على الجود رايح وين ؟!
وعدنا بكربلة مدفون راعي الجود
.
.
.
.
#شعراء_وذواقين_الشعر_الشعبي
#عباس_اللامي
#ابو_تراب

.
والله تعبني السهر يوم ارد انام
الشوارع فارغة وراسي ازدحام
احنا لو متخاربين احسنلي عاد
و لا علاقتنه تضل بس السلام
صدفة نتلاكة و غريبين و نروح
چنه ما نعرف بعض و الله حرام
فركتك يحملها چا گلبي الرجيچ ؟
و علي يريدلها صبر مالت امام

( مستعد لو رديت من الجاهلية
ذنوب العرب لليوم كلهن علية )
.
.
.
.
#شعراء_وذواقين_الشعر_الشعبي
#زيد_السومري
#ابو_تراب

.
الله يسامحك ادعيلك بهاي
وعليك من الندم ما ضل اصابيع
شريتك وكت محد جان شاريك
وبعتني برخص وكت المحد يبيع
يطيبن ها تكلي يطيبن شلون ؟
شنو ابالك بعد هم ضل مشاريع ؟
شتداوي وبية انا جروحك درابين
اذا ينزل دواك بينها يضيع
من الباب اجيتك جنت شاريك
وعاف هواي گلبي وگلبك اختار
صار سنين احبك مو عشك يوم
حتى انساك سكته ووجهي يندار
الك بالروح حسرة تكطع الروح
والك جرحي اعلى طولي من البعد صار
انا بنار هجرك مشتعل ماي !
ماي ومشتعل بيش انطفي بنار ؟
.
.
#شعراء_وذواقين_الشعر_الشعبي
#احمد_هندي
#ابو_تراب

.
تغطيت وبعدني الليلة بردان
لان مو انت يمي فراشي بارد
وينك يا دفو يا جمر الاحزان
احس بدمي على الشريان جامد
يا مهر الصبر ما كضك عنان
نسمع بس صهيلك وين شارد
كل ساعة وتعتني جفوف بطران
وانا جلد العلية قماشة بايد
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
هلا ياسالفه وماضن نملها
وعليك الگاع ماشالت نملها
هلا ياحاكم ومذنب
هلا يامجفي ومچلب
هلا ياعافيه وتسلب
هلا ياضاحك مغندب
هلا يابرحي ومرطب
هلا يميه مالت حب
هلا يلي من اشوفنه
الواهس بيش اوصفنه
يهودي وطاب للجنه
ضرر ماهيست منه
اثر ! ليل وشبگ چنه
كحايط سيد وحنه
هلا يحروفك بزندي
كذلتك والخلگ ضدي
غيرك والهلا شعندي
وغلاتك عيني مالافي نملها
منهد ذيچ الهلا المن غير جية
.
.
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
ذبني اعلى الصدف عوف الواعيد
تعال اغرف الماي ال بالتجاعيد
شما اقلل رقم فركاكم يزود
اثاري فراكم مثل المواليد
عليك البيت حار اتوكه واقراه
واجيبه بنظرة الصياد اليصيد
تعال احكمني غيم ارد انعدم ماي
الكتل بالحب ابد ما بي شواهيد
تعال بحجة انت هلال شوال
باجر عيد روح الصايم تريد
تعال وصيد عصفورين بحجار
ثواب صيامنه وخرجية العيد

دكافي وحتى نارك عندي ما تنرد
وكلما جايني جاي احترك واسود
جبت كل عمري صدكي من الالف للياء
عشت منتظر خد ما عشت خد وخد
.
.
.
.
#شعراء_وذواقين_الشعر_الشعبي
#حسين_العميدي
#ابو_تراب

.
على العله ابد ما طحت بينه الذنب ؟ بالهوه ؟
من كلمن لوحدة تمشي الدقيقة عمر
ومثل السهم لو سوه
وكلشي شفت ما شفت
الساعة ما تستحي تغار من نلتقي
تمشي اسرع من الضوه
على العله هم ما طحت
هو العرك يرتوي ؟ مدري الجذع والورك
ماي انا مالي غرض ياهو الاخذ وارتوه
وبوجهي حطها الگلب
گلي انت بيك الذنب تحط بية جمرة وهوه ؟!!!
كتله قسمتي بعد ال تختاره بلسم الك
وتختاره يطلع جرح
وانا اختياري شطلع ؟
نفسه الجرح والدوه
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
حبيتك كبل من شحوا الحبوك !
ومن كثرت احبابك نستك خلك ؟
تصعد للنجم مو بس ردتلك هاي
ردت انا النجم للكاع ينزلك
شح مايك علية وانت تعرفني شلون ؟
لو اموتن عطش عطشان ما اكلك
يا الما ميزت بين الورد والشوك
ما مجبور اجيبن ورد واشتلك
جفوف الزمتك لازم تحلك يوم
وهم ترجع والزمك وابد ما احلك !
شديتك نذر خيط بضريح امام
ما عندي بخت يرجعلك يفلك
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
ما رهمت ويانا تكول ما اعيش
بمحكمة القدر طلكنه الافراح
طيور الخير هجن عافن البيت
وغراب الفكر بمچانهن صاح
مسودن بختنه وحضنه مشلول
ومن كثر الحزن منهم على الراح
على الجاهل كبل نتنكب انكاب
هسة يموت ابونه نكول يرتاح
مدام الموت ارحم لليموتون
دمشونا لعد كل احنه نرتاح
الفرج محد يعرفه شجم قفل بي
ابتلى بلوة الصبر من صار مفتاح
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.

.
بعدني شما علوا حدري
بعدني شما حجوا ادري
بعدني اكبر .... شما رادوا اطيح عيونهم تعثر
شما رادوا اغيب ابالهم افتر
وبعدني اكبر
بعدني شما خذوا مني افيض بمستحاي اكثر
ول شباطهم جيمت كيض وامان وبخت
ولميتهم مستحى
بخاجيتي حد ما دفوا وجروحهم هودت
وماشيتهم حس ضوة زتيتهم للصبح
حد ما شمسهم صحت
و وجوه صاروا لچن لولاي ما بينوا ولا روسهم شرعبت
يا هي يا طيبتي بشيباتي اطوشن جنت الكط وراهم فشل
من اجباهم وشلت
.
.
.
.
#شعراء_وذاوقين_الشعر_الشعبي
#قاسم_بخيت
#ابو_تراب

.
نيشن وجنت بعيد وتقربت لية
خفت يخطاني وناس تتمضحك اعلية

حجوا بأذنك سمموم وكيض وانا فياي
بية بلا هله اتغشت روازينك
ولم الدكدك البيبان واحلف ما ادورنك
ولا انشد واكللك صدك عود انت جا وينك ؟
انا التوجعني ل الله وياك ما توجع سجاجينك
.
.
.
.
#شعراء_وذاوقين_الشعر_الشعبي
#ساجد_المحنا
#ابو_تراب

.
من اين جاءت هذة الساحرة
واثقة ، هادئة ، مكابرة
عيونها كالمدن المحاصرة
اجفانها نوارس مهاجرة
فزجت الجيوش ... الجيوش
وهزت التيجان والعروش
ولاعبتني لعبة خاسرة
كيف استطاعت هذة الناهدة ؟!!
تنسل بين اضلعي كنمرة مراودة
فافزعت قطعاننا كلها
واربكت اسرابنا كلها
واقتنصتها دفعة واحدة
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
انا من اهل الله بس صاحبتي بت ابليس
واعرف الغيمة جم قطرة مطر بيها
من بعيد اعرف البير ما بي ماي
من اشوف الناقة تتجى اعلى راعيها
من اشوف الحوم يفتر يعني خالي البير
وماتت يمة عالم ما مرويها
بظهري من الربع شايل عثك طعنات
ومريم ماكو حتى تهزني وانطيها
صحبان ودمع طاحوا سوا من العين
مسحت الدمع بس الصحبة اخليها
يتقربولي وانا اعرفهم شيردون
عرفت فلاحهم وافكارة قاريها
يصعد على النهر يشبكها خاف يطيح
مو شبكة محنه ومستعز بيها
وشلتهم على الجتف مو رتبه لا تابوت
واشيع صاحب بكل خطوة ال امشيها
.
.
.
.
#شعراء_وذاوقين_الشعر_الشعبي
#سيف_الحلفي
#ابو_تراب

.
هاي من شوكت صاروا اعزاز عليك ؟
هاي السالفة الما تدخل ابالي
شنو الربط بين الصنم وأبراهيم
وشخلى الرخيص يكاود الغالي
وانا الجنت مو بس افرح بملكاك
سابع جار الك لو شفته هنيالي
احبك هسة جة شكلك يخبل جان
واتخيلك ذاك البهذل احوالي

لو قبل خمس سنين متعرف عليك
والله اشيل العين وبنصها اخليك

بس بعديش ... ؟ خدك هذا ما ضل بنفس واحد
ومخلصها يومية بكتر كاعد
من كالولي شفنه فلان يم فلان
والله احسلي لو ساعتها متشاهد
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
سديت بابي لجيتك وفتحت عيني لطيفك
ما تلكى ذاك ال بالزعل اليكلك اسف واعتذر
منا وغاد بكيفك
تنزل معزتك والصور تصعد رماد وي الهوا
وما يلتم المتبدي
بس مالت الله من اندرت
ما جنك انسان ورحت
مثلوم شي من عندي
ادري بعشرتك للغلب والنهر يعرف بالبلم
يمشي بجدام المردي
منا وغاد لوحدك تدخل لگبرك مو سوى
ونلغي الحجيناهن كبل
وانا اطب گبري لوحدي
.
.
.
.
#شعراء_وذواقين_الشعر_الشعبي
#رضا_العبادي
#ابو_تراب

.
بعد يا عين تبجيلك ؟
ويا ديرة الترحب بيك وانت الكاتل دخيلك
دم باجر تطيح ومحد يشيلك
وبعد لعيوني ما ادنيك
خيط عكال تهوى البلكفى يخيلك
شما ضمك يبيعك باجر اليلكيك
ذهب منهوب يا رخص إلمساوم بيك
.
.
.
.
#شعراء_وذاوقين_الشعر_الشعبي
#عمار_سالم
#ابو_تراب

.
لا تشكو للناس جرحآ انت صاحبه
لا يؤلم الجرح الا من به ألم’
شكواك للناس يا ابن الناس منقصه
ومن من الناس صاح ما به سقم’
فالهم كالسيل و الامراض زاخرت‘
حمر الدلائل مهما اهلها كتم’
فأن شكوت لمن طاب الزمان له
عيناك تغلي ومن تشكو له صنم’
وان شكوت لمن شكواك تسعده
اضفت جرحآ لجرحك اسمه الندم’
هل المواسات يومآ قد حررت وطن‘
ام التعازي بديل ان هوا العلم’
من يندب الحظ يطفى عين همته
لا عين للحظ ان لم تبصر الامم’
.
.
.
.
#شعراء_وذاوقين_الشعر_الشعبي
#كريم_العراقي
#ابو_تراب

.
اكدر اوصلة بس انتوا روحولة
وباليعجبكم شتردون كولولة
واذا يذكر ايامي بوجه لا تضحكون
وعلى رجعتنا واهس لا تسوولة
كلولة الكبل فارس احلامك جان
شاعر ما يدور كلمة مكيولة
واضل لوحدي ولا هو ثاني يصير
الرهم وي غيري ما يكعد علية طولة
التركني احجي وي روحي شرايد احجي ويا
البقى بيناتنا بس ذمة مشكولة
تركني بدمعتي مبلل
يزعل عادي ما يزعل
انا ادري بحضنه مستعمل
ويريد ارجع واحن واشتاك معقولة
دكلولة الرسايل والصور عشيت بيها النار
وعلى دخانهن سويت تعلولة
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
تتن وبورقة الفج هيج ... واشبيج
اصابيعي اعلى خصرج كون ... واشبيج
زعلتي بعد هاي وهاي
يا اليحطونج اعلى الجاي
بكلشي اتريض ومسكين
بس بهاي اعض ايدي لما تزرك
بحيث سنوني تشرك
بيني وبين صدرج دكمتج حاجوز
وفصل ما اله ترى الحاجوز من ينطك
وما هزج ابد واصبر انا لشيوخج مسير
الله يساعد الفنجان شيمر بريجة غير المر
يحلمي الجفني يندلة
الجفن يسكر الج كلة
يفز يتجى على الرموش
شاربلة حلم فلة
وانا ويا الجفن سكران ... واشبج
بحلم والدنيا لسه تدور بية
.
.
.
.
#شعراء_وذاوقين_الشعر_الشعبي
#احمد_الصالحي
#ابو_تراب

.
يمة ابوها الما قبل ينطيها مات
روحي اخطبيها الي من اولادها
رايد اوفي وياها ميعادي القديم
حتى اذا ما وفت بميعادها
يمة لتكليلي مو صارت عجوز
بعيني طفلة ١٥ ميلادها
جانت متيه الدرب عشرين عام
وهسة ربج حن علينا وعادها
من وكت زفوها وانا بلايا رأي
بلا هدف روحي تصير جيادها
وسادي يوجعني عليها شلون انام
وهي يوجعها علية وسادها
اكبر وجرح الندم يكبر معاي
يناطر اليوم اليحضنه ضمادها
معشعشة براسي مثل كابوس ليل
ليلة الزفة وصور جلادها
ضلت بنفسي اكف رجعها روح
ما كلتها لذاك لمن كادها
بالحلال اني ردتها وبت حلال
رجعت من الباكها اعلى الرادها
.
.
.
.
#شعراء_وذاوقين_الشعر_الشعبي
#مؤيد_الجربوع
#ابو_تراب