.
.
احركني كتله حطب بية ادفى وانا احتمل
كيف حركني ودفى وطفاني بعد الحرك
كتله ضميرك صحى لا كال اريدك فحم مرتين راد اشتعل
وطبع السعادة دهن وماي انا ما ننجمع شما ننخبط ننعزل
والفرحة طير بغصن سهام الملامة وهلي واعداي والمستحة
معقولة ما تنكتل
والخلك شعرة صفى واقنعني ما تنكطع بين الخبل والخبل
وهمومي نار بكطن اطفيها من هالكتر بذاك الكتر تشتعل
الخوة اشتريها لكط لو تنغلب بالسعر لا تشتريها عزل
بعكازة اشوف الدرب المرود كسرته ب أدي والله استحي من الكحل
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
على الحب گتلك البي تضحية يعيش
خذت رأيي وسمعته وبية ضحيت
وشفت حفل افتتاح جروحي للناس
وشفتك من بعيد بروحي گصيت
طرت چن دمعة وبجنحينها رموش
وعلى شجرة ضحكتك سگته حطيت
خيل ضنوني طلعت خيل عرجاء
وانا مراهن عليها تفوز ضنيت
من شفتك تطش سنيني والله
لان بيهن حلاة حسبالي جگليت
غشيم وگلت ما اساوي اليلمون
عزت نفسي ما خلتني لميت
انا ب ال لا وعي من انطيتك الروح
وعقل ما جان عندي وهسة فزيت
ما اجذب واكلك باجر انساك
عفتني وذكريات هواي خليت
اذا كل حايط البي اسمك يطيح
على هالحالة لازم نهدم البيت
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
وعلي مختنك مني ومنهم هواي
صفيت الهم مثل ما هم يردون
صفوا شيب بكذلتي شكد خبيثين
شوكت ما اكابل بنية يطلعون
.
.
.
.
#شعراء_وذواقين_الشعر_الشعبي
#علي_الشمري
#ابو_تراب

.
ماضيك بدفتري و موجود كل الحصل ما بينك وبيني
نتلاكه يوم بدرب حط عينك اعلى الشمس
من تصبر ويا الشمس حط عينك بعيني
ومد جفك اعلى الضوة من تلوي خيط الضوة تكدر تلاويني
ورداتك الخضرن !!
والله ما خضرن لو ما فضل طيني
ولهجرك تعودت حبيت روحي بعد
والليل نكضي سوى اكعد واحاجيني
وصرت استلذ بالجرح
يغفى واكعده بملح والصبخة ترويني
والضيم بية نبي دين اعتنقت الحزن
والضيم بية نبي كل عقلك اصغي الك واتخلى عن ديني
تدفني اصيرن لغم تتركني نص الدرب
عامود خيمة عشت جبت العمر وحدي تعجز تأذيني
عين انا وانت سهر ضلتك تلهيني
حتمآ اذن نفترك ولو ناوي تبقى بعد
افكسها وانهي الدرب احذر توازيني
.
.
.
.
#شعراء_وذواقين_الشعر_الشعبي
#مقتدى_الحديدي
#ابو_تراب

.
ليهسة معزتك باقية بروحي
لا راحت ولا قلت معزتك تشبه جروحي
احبك يالمزيد ونتي ونوحي
ما اطلعك لناسي بكثر خوفي عليك
وانت گبال شامت طلعت روحي
ولو تدري شثكل جرة النفس مرات
بثكل جرة الغطى عن وجه اخوك المات
.
.
.
.
#شعراء_وذواقين_الشعر_الشعبي
#علي_خلف_الدريساوي
#ابو_تراب

.
احنا معدان ولمن نعشك نموت
يطك بينا خبال مالت سادة
خلي نلزم خصرك بوكت الشباب
ومن نشيب نلزم السجادة
ركبتك مو للكلايد لا حرام
عدنا شفه تصير خوش كلادة
وانت شو بذات صاير يالحنين
وصرت تستنكف تمر بدروبنا
احنا اجينه بحضرتك ندعي ونتوب
شو رجعنا ويانا تمشي ذنوبنا
هي شامة ويندل الله يحطها وين
بالمكان البي يعذب گلوبنا

.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
على كل حال خلف الله عليكم
صارت تالي طيحتنا اعلى اديكم
حسبناكم اهلنه
مابيكم محنه
كوة نلمها كل مرة ونجيكم
على كل حال خلف الله عليكم
تمنينا امنية وهي احنا نرتاح
نسكت بس اكو ب ارواحنا صياح
مرات البجي ميعوض الراح
شسوينه وعملنه ؟!
وهيج يخيب ضنه
ولا حنيه اكو حتى بحجيكم
على كل حال خلف الله عليكم
.
.
.
.
#شعراء_وذواقين_الشعر_الشعبي
#مروان_العنزي
#ابو_تراب

.
انا من اليشوفك جنت اغار عليك
وانت تغار بس منين ..؟
من الخله اكثر بالظهر طعنات
يا بذات ....
رحت مني وكلتلك ترجع مبهذل
رجعت گلبك مفطر مثل جف عمال
رغم ما راح يشبه خد المدلل
من يمتى العشك ينمل ...؟
ردتك مثل حلمي و وحدي اشوفنك
لكن للجرح تندل
.
.
.
.
#شعراء_وذواقين_الشعر_الشعبي
#علي_خلف_الدريساوي
#ابو_تراب

.
هذن سوالفي وخلوهن اباله
من هالساعة كلمن يلتهي بحاله
وبعد مثل الكبور التجي بصفها كبور
لا يدنى يمي ولا ادناله
كالولي يابه فلان هسة بخير
وكالوا بشر غيرك كام غناله
ضعت مثل الحجي البداخل المكتول
من يخلي عينه بعين كتاله
يستثكل يجي من كال عايز شوف
لميت الضوة من الكمر ل هلاله
كبل من يجي ابالي اتعاتب انا ويا
واكله شبيك وصلك ضاعن حباله
اكثر من خيالك جنت ماشي وياك
ورحت والماخذك مليون هنياله
كون ادري الحروز تردني غالي عليك
جا ما اخلي سيد ما اتعناله
اتمنالك تعيش بسعادة وخير
بس الماخذك لا ما اتمناله
.
.
.
.
#شعراء_وذواقين_الشعر_الشعبي
#علي_نافع
#ابو_تراب

.
بين اشتاكلك بين ارد اراضيك
بين ارد افتهم روحي شوجعها
عثر بية الحنين واشتهي انساك
وافزن والكى لجماتي شوسعها
درت وجهك واحس بگلبك النار
وصوت ضلوعك المحد سمعها
وحرت ما بين تمشي وبين تنعاف
بين اطباعك المحد جرعها
مزاجك والشكوك وهوسة البال
انت بعقلك بنفسك زرعها
تتعب لو طحت تنشاف مكسور
افكار الجامه ما تندل صدعها
شنو تحبني وعمرنا مخلص فراك
مشاعرنا شنو برأيك نفعها
لا انت تجي ولا رايد انساك
ولا روحي لكت واحد قنعها
.
.
.
.
#شعراء_وذواقين_الشعر_الشعبي
#سجاد_الغريب
#ابو_تراب

.
( ما جان للموعد فضل حبيتك من الصدفة )
من الفرح ارجف جنت
بس هسة لا من الوجع
صارت ب أيدي الرجفة
وصدكني متندم لان
حبيتك من الصدفة
تمنيت وجهك ما ضحك لمن صرت كدامي
يا حلم راح اتندمت خليتك وي احلامي
.
.
.
.
#شعراء_وذاوقين_الشعر_الشعبي
#حسين_السعيدي
#ابو_تراب

.
خل يروح كلمن مشتهي فراك
واتلكى الذي مشتهي الملكه
ادين هواي اكو تشتهي الشبكات
بس ياهو ال يستاهل تشبكه
التشبكه كون روحه التشبك عليك
وكون تطيح ادية ساعة الشبگه
ولو مو عيب يطلع ثوب موزين
بس عيب اليلبسه ما يشگه
يومية الك صاحب يا بذات
ويومية وي واحد الك دكه
جيره بفركه كلمن يمشي وياك
وبخيت ال يلكى فد جيره اعلى فركه
انت شما عليت انت ذاك انت
النخل مهما علا يخضع لعركه
وشنفع علوا النخل خل يعلى قاطات
اذا حتى الجهال تلوح عثكه
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
رماد صاير واقبلت مرني تعال
حتى لو جيتك تصير الهوا
اسمي يوجعني يبعد حروفي كون
تمرني بستان وتخليني نوه
طيفك مغزر بالجفن
خلاني ادمن على السهر
كطعت عشرتنا بوكت
اتمنى بي كاطع مهر
.
.
.
.
#شعراء_وذواقين_الشعر_الشعبي
#مروان_العنزي
#ابو_تراب

.
لا تنشد علية وتكول ... شالحال ؟
انا بيا حال وانت جفاك ... شل حال
مدري شلون احلها وياك ؟... شالحل
بشاهد وبخت مطلوب الية

شمغطي جروح گلبي يطوف ... يرحاك
يمن طحنت بقايا الصبر ... يرحاك
شيتحمل دليلي روك ... ير حاك
وهن فزعن فرد فزعة علية
.
.
.
.
#شعراء_وذواقين_الشعر_الشعبي
#ابو_حيدر_البهادلي
#ابو_تراب

.
العشك عند الاغلبية كذوبه صار
والصدك كلش قليل وقايسة
عمي يا حب جاي تحجيلي انت بي
وداعتك ما بي درب ما دايسة
حب كبل طاهر وبي قدسية جان
وغير جف المستحى ما جايسة
وهسة حب هالوكت من اول كلام
بس يخابرها يكلها شلابسة
.
.
.
.
#شعراء_وذواقين_الشعر_الشعبي
#ساجد_المحنا
#ابو_تراب

.
امشي وراكم دمعة دمعة
تحجون انتم گلبي ينعى
كون الحجي يوكع واسمعة
جربها مرة ونام ملچوم
وشوف شثكلها عليك الهدوم
نباوع على وجوه الجزتنه
وما ندري عن ياهي متنه
ما ضل ولف يفزع بمتنه
اعزاز ونسونه بفاتحتنه
كون اليرد للبيت لو غاب
جفوف التحبه التفتح الباب
شبعداتكم بس هو الاغرب
ليش الدرب من يمكم اكرب
.
.
.
.
#شعراء_وذواقين_الشعر_الشعبي
#مثنى_كامل
#ابو_تراب

.
هي هيجي تبيع روحك للغريب
هي هيجي تعوفني وانا الحبيب
جنت اشيلك بين ايديه
وما گلت مره خطيه
جرحي اريده يطيب ما تقبل يطيب
اسأل انا عليك ما تسأل علي
انطيك ورده وانته جمره تحط بدي
لا ابد مو هيجي هيه
تعوفني والجرح بيه
وانا باصحراء وعلي تنگلب ذيب
هي هيج تبيع روحك للغريب
.
.
.
.
#شعراء_وذواقين_الشعر_الشعبي
#خضير_هادي
#ابو_تراب

.
ميت مو معرس وانا كاشخ بيك
كشخه جنازته من يموت المعدل
تابوتك بلم ومتون ناسك روج
و مو وزن الشعر وزن المدينة اختل
سهرنا شجم عمر ليلية نشرب موت
مليت السهر بس انت ما تنمل
مشينه جيوب فرغ و احنا متروسين
ما دنكنه عوز كبال المبهذل
.
.
.
.
#شعراء_وذواقين_الشعر_الشعبي
#احمد_الذهبي رثاء الى الشاعر
#جبار_رشيد
#ابو_تراب

.
كلش مختنك ما عندي موضوع
مواضيعي اعلى روحي سولفتهن
طاير واهسي وما احجي وياك
لان كلماتي توجع لو كلتهن
الشمس تطلع وتطلع روحي للموت
الشمس و الصبح كلهن زاعلتهن
الجكاير والسهر خلني ما اموت
بس ذني الثنين الصاحبتهن
وعلى يا لون جانن لا تسألون
اجذب لو حجيت ووصفتهن
الضحك والنوم والله وراحه البال
هذن من الطفولة ما شفتهن
ولان ما عندي ليل ينوم العين
عيوني بغير واحد نومتهن
تعبت من المشي وما طالع الباب
هذن رجلين روحي الحركتهن
افتر على الردتهن وين ما جان
ويفترن علية الما ردتهن
.
.
.
.
#شعراء_وذواقين_الشعر_الشعبي
#علي_الشمري
#ابو_تراب

.
أول مرة اكول لروحي هنيالي
من شفتج كعدتي بصفي وكبالي
من كلتيلي جا وينك
اريد اتغطى بسنينك
من عدها وعرفت الكمر مو عالي
ما ندري النحبهم ليش يرحون
بينه الصوج ؟ بيهم ؟ باليحسدون ؟
حلم مروا علينه
بوكتها شكد بجينه
ما ضلت بعد بوجوهنه عيون
حسبالي الرسايل تنقري بساع
اثاري تضل شهر مشمورة بالكاع
كوم اقرى الرسايل
شوف شبيها كايل
تعال تمنتك رصعات المتون
.
.
.
.
#شعراء_وذواقين_الشعر_الشعبي
#علي_البديري
#ابو_تراب