.
التهي اكتبلك قصايد ... وانت لاهي
بغيري وصرت عبدك ... وانت لاهي
يكطعي انت لساني ... وانت لاهي
وبدونك ريج ما ينبلع لية


مو حلو بعين الناس بس حلو بعيني
غير اعلى مود هواي سوة الله طيني
.
.
.
.
#شعراء_وذاوقين_الشعر_الشعبي
#حسين_المرياني
#ابو_تراب

.
ضحكتك واصلة ل أخر جرح بية
ما مغصوب جنك رايح ب نية
كعدت كبالهم وال ( نعم ) ركضت ماي
لا عثرت بوجهي ولا بماضية
ولا سمعت صياح البقى بصدري يصيح
ولا غزرت بأذنك ذيج الاغنية
( الاماكن كلها مشتاكة لك )
( والعيون الي نرسم فيها خيالك )
واذكر تكاودنه وحلفنه برأي
اذا ما لمنه بيت تلمنه جنسية
جا هسة شتغير وشكعد بالروح ؟
شني من تالي صارت ما الك جية ؟
شني جا عشرتك تنتهي بحلقة وثوب
من يمتى الحشف تنزف له برحية
.
.
.
.
#شعراء_وذاوقين_الشعر_الشعبي
#ولاء_الركابي
#ابو_تراب

.
كاعد بنفس المكان البي تواعدنه ومشينه
هنا ضحكنه ..... هنا بچينه
هنا حجتلي شلون خذلتها السنين
وخلصت الكعده سوالف
الله جابك .... و الله جابج
والتهينه نموت وكفه العاشك يكفله الحنين
تالي ما تالي التهينه وفرهدونه الوادم تحب الخصام
بالعراق الحب حرام
بالعراق الحب جريمة اليرتكبها انسان ما عنده احترام
و احنا خلصنه عمرنه بمسرحية كبال تمثال وامام
لا نزلنه الدرك الاسفل لا صعدنا وي الحمام
.
.
.
.
#شعراء_وذاوقين_الشعر_الشعبي
#علي_البديري
#ابو_تراب

.
بس عينك عليك وكلشي ماريد
يمك انت الي مخليك امانة
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
ما تسوون واحد يتعب الكم
ولا جن بالشدايد واكف الكم
طحت عفتوني وحدي
وكلكم صرتوا ضدي
وانا ب اصعب ضرف ما فاركتكم
ما تسوون كل تعب التعبته
من مال الحمل عدكم عدلته
اخوكم وانتوا اخوتي
وبلوتكم بلوتي
ليش المال بدل كل طبعكم
ما تسوون اسكت ما اعاتب
واذب الصوج واصبر على المصايب
منكم كاطع اليأس
تمشون بحجي الناس
ضيم المر علية بي غربلتكم
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
انا من اشرب جكارة اشهك سنين
وارد وانفخ بوجه الوكت دخان
خاناني الوكت والصحبة والحيل
وباكيت الجكاير عمرة ما خان
اذكر وكفته بساعات الوداع
يدورلي صبر لو وين ما جان
بعت روحي وشريته بساعة العوز
وحرگ روحه وشراني بنص الاحزان
.
.
.
.
#شعراء_وذاوقين_الشعر_الشعبي
#عباس_اللامي
#ابو_تراب

.
شكرآ لان صحيتني وداويت جرحي بلچمة
وشكرآ لان جنت الدرس لقرا وما مفتهمة
مصدوم صح بروحتك بس الوجع هم نعمة
مرات لو راح النبض يحتاج گلبك صدمة
وبالطيبة گبلك مبتلي
واحجي ال الي والمو الي
شكرآ لان خليتني احسب حساب الكلمة
.
.
.
.
#شعراء_وذاوقين_الشعر_الشعبي
#عصام_كريم
#ابو_تراب

.
كالوا بالعرس طشيتي جكليت
فرحانه وترستي بركصج البيت
المهم بعدج بجينه
انجرحنا وما حجينه
اخاف احجي وتكول الناس مليت
كالوا بالعرس طشيتي جكليت
كالوا بالعرس لبست تراجي
الهي بيا ذنب يومية باجي
احب الما يحبون
عليهم تبجي العيون
اخاف احجي وتكول الناس مليت
كالوا بالعرس طشيتي جكليت
.
.
.
.
#شعراء_وذاوقين_الشعر_الشعبي
#علي_البديري
#ابو_تراب

.
كلبوني على الصفاح وعلى البطن وعلى الظهر
كالوا نشبعك قهر
كلت اموت اعلى القهر
كالوا انت وين رايح ؟ ولك والجنة بعيدة !
وانت صارتلك جهنم مستقر
كلت اسافر ... ها تسافر ؟ يا سفر ؟!!
قبل لا انت تسافر جيب السنين العشتهن يا بشر
هاكم سنيني العشتهن قسموهن
قسموهن ما طلع بيهن شهر !
.
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

.
على الصبورة تكتب اسمي غدار
وانا العلمتك تشيل الطباشير
يم الشجرة راسم گلبي منشار
وانا النامن بحضني العصافير
كلت عني خسر ويدور اعذار
وانا الرابح الدافع مخاسير !
علية تحلف تكول يطلع اسرار
وانا البية حلف كدامك البير
تعيرني بجناحي تكول ما طار
غير انت كسرتني وكمت ما اطير
كلت عني خنت طشيت الاخبار
وانا بعمري ما خاينلي تعبير
خذت عمري وشبابي وكلت الك صار
ردت اشرب رضاك وكتلي ميصير
انا دم ولحم مو خشب واشجار
بكلامك ليش تضربني بمسامير
اباوع بالجروح البقن تذكار
لان وياك ما ماخذ تصاوير
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
لميت كلشي جنح و استغربت من شفت
حضن السما الخالي
تلاكينه و شكد ورد ضل مستحي ابالي
و فزيت و تلفتت بس انا و خيالي
وبردت الدنيا وغصن شابك غصن
والنهر معقولة ما يلتفت للعينها تلالي
معقولة اصبعك بعد ما يفكد هلالي
هو انا صح ما متت بس انت چتالي
يبو عيون الشهل شمضيع وتحسب ؟
تعبني اليحب من يتعب يچلب
( اسحكني ) الترب من تنسحك تنباس
ماصخ شوكها الما تعرك من تحب
واشلع گلبي شلعان الگلب مريود
الشاعر من يضل مرتاح ما يكتب
وكلهم بس انا مدلل بهذا الكون
النهر متروس بس يغار من الحب
ياهو اليوصلك يالجوة ضلعي تبات
انا الليل ونهارة بابكم محرب
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

.
رحتلها وشفتها وروح حضنت روح
الحقيقة ويا الحلم واثنينهن طبگن
العيون استراحن هودن بالشوف
والكلوب التقن وبشوكنا احترگن
بس اشجار يمنه وخفنا بيها عيون
خاف تشوفنا ولحظاتنة يغرگن
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

كالوا يحبك كلت من شاف گلبه
وجبست دمعي وسكن نبض الكلب
وعن لايذمك
ترس جفي سوالفك وحده على وحده
وعرك جيدك زمزمي
وخجلان تتعذر واكلك لايهمك
من تجسني شفايفك تاخذني غيمه
ومن ترشني بمزنتك ولهان افز
لان روحي يمك
اختلي بحسنك وافج كلبي واطلعك
تلعب بعمري
واخاف الغير يندلك واضمك
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
عمر تجبر خواطر ناس ما يدرون
انا المن ما وراهم خاطره تهدم
انا بعازه گلب يندل الچيله منين
يقرأ الطالع ومن يقترب يسلم
على نيتك بعد يا گلبي ما اخليك
تهوى الوادم البيهم الله أعلم
سلم بس على ال بل يا هلا تلكاك
ماريدك هذاك ال بلحرب سلم
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
متت وياي من أول ....وتريد اتعيش من ثاني..؟؟
كتلتك جا صرت مثلي....وتريد اتصير جتالي...
أحسّ ظلك يرافكني...ويكبر من تجي الظلمة...
يصير اخيول وحشية وتطاردني...
أروح الوين..؟؟؟رحت بكل مكان وسيفك اكبالي....
أروح الوين..؟؟؟إلا اشلع جذر كلبي بشرايينه...
واجمع نار واحرك كلشي من بالي...
أحسّك ظل يرافكني...يضحكني ويبّجيني...
يسّكتني ويحّجيني...أروح الوين..؟؟؟
شكثر من بحر ذبّيت بي روحي...
ولكيتك عالجرف ...تابوت تبرالي..؟؟؟
.
.
.
.

#شعراء_وذاوقين_الشعر_الشعبي
#الكاطع
#ابو_تراب

.
حالتي الما منها حاله
وجهك يتعبني بس مجبور اشوفك
وجهك الكلمة الاخيرة البرساله
من برودك جنت متردد اشوفك
بي من كتلك اريدك ردت اعوفك
وهسة شو شحيت كلش
كعدة الشياب بالباب العصر
انت مو بارد .... ؟ تعال وي المطر
ولك تعبني اهتمامك شايب بشارع عبر
وليش من اسمع اغنية اركض بكنتوري احرك بالصور ؟ !
ساعة اجيب جفوفك لگلبي اضمهن
وساعة ادير بعينك لعيني وتعاند
طين كون بنادم يخلي الصور
الغلطة من يبقن كواغد
.
.
.
.
#شعراء_وذاوقين_الشعر_الشعبي
#علي_شاكر
#ابو_تراب

.
بله منيلكم هاي المحنه
يالتبعدون عنه شما كربنه
ما ردوتنه لمن جنه جيران
جا من هسة شلنه اعزاز صرنا
ذمم بركابنه خليتوا وكتيش
بوكت اثار بوسات بركبنه
على الخابط سرى تلزمون يا حيف
وزلال احنا ولا واحد شربنه
سواد الليل دخان اليجافون
وهذول احنا حطب لليل صرنه
شمعكم مال حنه ومالنه كبور
فرق بيناتنه حتى بشمعنه
فكت ريج ما ضل بينه للدود
وعلى جنحان فراشة نحملنه
طشيتونه جكليت اعلى ميتين
لا ننكال لا نلكى اليلمنه
.
.
.
.
#شعراء_وذاوقين_الشعر_الشعبي
#مهيمن_الامين
#ابو_تراب

.
.
احركني كتله حطب بية ادفى وانا احتمل
كيف حركني ودفى وطفاني بعد الحرك
كتله ضميرك صحى لا كال اريدك فحم مرتين راد اشتعل
وطبع السعادة دهن وماي انا ما ننجمع شما ننخبط ننعزل
والفرحة طير بغصن سهام الملامة وهلي واعداي والمستحة
معقولة ما تنكتل
والخلك شعرة صفى واقنعني ما تنكطع بين الخبل والخبل
وهمومي نار بكطن اطفيها من هالكتر بذاك الكتر تشتعل
الخوة اشتريها لكط لو تنغلب بالسعر لا تشتريها عزل
بعكازة اشوف الدرب المرود كسرته ب أدي والله استحي من الكحل
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
على الحب گتلك البي تضحية يعيش
خذت رأيي وسمعته وبية ضحيت
وشفت حفل افتتاح جروحي للناس
وشفتك من بعيد بروحي گصيت
طرت چن دمعة وبجنحينها رموش
وعلى شجرة ضحكتك سگته حطيت
خيل ضنوني طلعت خيل عرجاء
وانا مراهن عليها تفوز ضنيت
من شفتك تطش سنيني والله
لان بيهن حلاة حسبالي جگليت
غشيم وگلت ما اساوي اليلمون
عزت نفسي ما خلتني لميت
انا ب ال لا وعي من انطيتك الروح
وعقل ما جان عندي وهسة فزيت
ما اجذب واكلك باجر انساك
عفتني وذكريات هواي خليت
اذا كل حايط البي اسمك يطيح
على هالحالة لازم نهدم البيت
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
وعلي مختنك مني ومنهم هواي
صفيت الهم مثل ما هم يردون
صفوا شيب بكذلتي شكد خبيثين
شوكت ما اكابل بنية يطلعون
.
.
.
.
#شعراء_وذواقين_الشعر_الشعبي
#علي_الشمري
#ابو_تراب