.
عيونك ابالي عيوني شيسدها ؟
الليل يريد وادم كلشي ما عدها
وبكل الطرق حاولت اتناساك
لكن روحتك حضن امي ميسدها
.
.
#شعراء_وذواقين_الشعر_الشعبي
#عباس_الذهبي
#ابو_تراب

الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
ما همني بحياتي الراحت تضيع
انا الكاتلني راح بغير توديع
انتهت ما بعد اشوفه
عود تمر طيوفه !
صعد نجمة بسمانه شلون ينلاح ؟
الروحه بعيد عنه شلون يرتاح
.
.
#شعراء_وذواقين_الشعر_الشعبي
#سمير_صبيح
#ابو_تراب

.
يوميه وكت المغرب النار توج
ومابيك تتحمل لحد ما تفرج
كاعد ابيتك واهلك تحبهم حيل
ومتاني فرصة تعوف اهلك وتهج
وبكلمة وحدة يطيح من عينك ماي
بكد الذنوب الطاحن بموسم حج
.
.
#شعراء_وذواقين_الشعر_الشعبي
#مهند_العزاوي
#ابو_تراب

.
يا خسارة
ياما كتلك لا تبيع المشتريك
ياما كتلك
لا تضيع انسان صارت روحه بيك
هواي تزعل مني حقك
تدري اجيك
.
.
#شعراء_وذواقين_الشعر_الشعبي
#عصام_كريم
#ابو_تراب

.
يا هل ذكرك براسي ... ما طلع دام
اعلى مودك ياهو مثلي ... ماطل اعدام
بحلم سيفك ذبحني ... ما طلع دم
كلت ما فسد و الا يصير بية
.
.
#شعراء_وذواقين_الشعر_الشعبي
#حسين_عباس
#ابو_تراب

.
تحت ضل يا سكف عطرك اتلاكه وياه ؟
ارد اشتم لقائك حتى لو وحدي
اريد اكعد كبالك واحجي كلشي ... لا
لو بعض الكلام اليوصلك ودي
.
.
#شعراء_وذواقين_الشعر_الشعبي
#ايهاب_المالكي
#ابو_تراب

حظ ما عندي حتى وي اقرب الناس
وهاي المسألة ال ما الها چارة
اشمرنا من السما يطيحون ع الماي
الوحيد التنبت بصدرة المنارة
.
.
#شعراء_وذواقين_الشعر_الشعبي
#سعد_شميل
#ابو_تراب

.
غيرك كشخوا كبالي ... ولا شي
عجبني لكن گليبي ... ولاه شي
وعلي اتسامر جذب واضحك ... والاشي
الخلك ماريدهم يدرون بية
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
شكد نده نكط على الضلع
ونسيت اكلك يمتى
شكد رازقي ونيمته
وشكثر هجرك عاشر ليالي الهوا وما لمته
انت السحنت الليل بگلبي
وكلت موش انت
.
.
#شعراء_وذواقين_الشعر_الشعبي
#قاسم_حسن
#ابو_تراب

وانت تدري
تدري كل ليلة بغيابك
ينهدم ثلثين عمري
وانت تدري
تدري كل لحظة بودادك
بيها يكمل باقي عمري
وانت عمري
وما شفت غيرك حبيبي
.
.
#شعراء_وذواقين_الشعر_الشعبي
#منقول
#ابو_تراب

.
جا كل هذا تعبي وتالي نصفى بعاد
جا هسة انا اولي ماله حوبه الزاد ؟
ليش تلومني من ابجي
انا مراية اذا اضحك فطور تصير
وعند اهل المرد تنفطر ما تنراد
ولك غفله انوخذنا وهيج صرنا بعاد
وانا وياه كبل نومتنا طول بطول
حسبالك سهام بجعبة الصياد
.
.
#شعراء_وذواقين_الشعر_الشعبي
#جواد_اليعقوبي
#ابو_تراب

فزينه ولكينه ارواحنا نبعنه
وما خنه النحبه و احنا النخنه
بنفس الليلة عافونا ومشوا وي ناس
ما يسوون اضرفنه
وطلع كل الحجي الحاجينه تالي الليل
ولا كلمة صدك منه
الغشيم العاش عمره كله يتمنى
.
.
#شعراء_وذواقين_الشعر_الشعبي
#حسن_مهدود
#ابو_تراب

.
يا گلبي كلي شلون بينه ؟
لا شفنا غيره ولا نسينه
لو عنده نيه يرد علينه
جا رده كل هذا بجينه
وضاكت بعيني وماكو واهس
اعرض من الدنيا المحابس
كنتوري كل ما افتحه رافس
چي ضام عطرة وي الملابس
.
.
#شعراء_وذواقين_الشعر_الشعبي
#مالك_الباوي
#ابو_تراب

لتمن براسي انعم الله اعلى الصهيل
شوك ملگه فراك دمعات و سهر
زارع بروحي قلق سويته ليل
وضوة زارع بيك ما خضر كمر ؟!
الهوا بظهر حجايتي من تمر عليك
غيمت سالفتي ما لاحك مطر ؟
حافي يمشي السيف بجروحي وبقيت
لا رحت مني ولا راح الاثر
.
.
#شعراء_وذواقين_الشعر_الشعبي
#علي_رشم
#ابو_تراب

.
العمر ضاع العمر وياك يا فلان
ضنيتك وفي و خيبت الضنون
ضنيتك نبع ما مرة انسان
واجيت اطفي لهيبي بشوف العيون
شفت مايك كلت خليني عطشان
كرهت الماي من كثر اليشربون
اذا ضنيت اردلك انت غلطان
يا دمعة الرضت ترجع للعيون
.
.
#شعراء_وذواقين_الشعر_الشعبي
#سمير_صبيح
#ابو_تراب

.
هالمره احس مشتاقلك فد مره
وبغيبتك عايش فراغ شكبره
حتى الاغاني استغربتني بلياك
كالتلي وينه وكلت جاي انتظره
وانت اطمئن مابيه شي انا بخير
بس اختنك ما بين فتره وفتره
.
.
#شعراء_وذواقين_الشعر_الشعبي
#احمد_عاشور
#ابو_تراب

.
بعراء وعاري وتذبني ... وانا غطاك
شجاني اصبر على ضيمك ... ونغطاك
كتلتني بلجك ونوحك ... ونغطك
غراب انت ؟ گلب مزروع بية
.
.
#شعراء_وذواقين_الشعر_الشعبي
#سمير_صبيح
#ابو_تراب

.
تجرحني و اشوفك بس ابريك
واوصيك استغل جروحي غشمه
وحقك ما استاهل روحتك هاي
ومو اني التخلي بگلبة لچمه
عساك ولا شفتها اوصافها شلون
ملامح فشلة اليعثرة جدمه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

الليله اموت
الليله اخر ليله
الغيم مد ايده اعله راسي
والمطر شد حيله
الليله گطرات العمر
ناكوط حب سهران
يمه ادخيلچ
اترجاچ
ضميني بسواد الشيله
.
.
#شعراء_وذواقين_الشعر_الشعبي
#الكاطع
#ابو_تراب

.
ولك مو هيج
عاد اسمعني جاملني
جذب مثل كل عمرك العشته وياي
جذب واهتم شويه
اجيت اشكيلك من الخوف
من النار من جفاك
من ليلي وبواجيه
من تشوفني اصرخ من ورا الدخان
لا تسكتني طفي المحترك بيه
.
.
#شعراء_وذواقين_الشعر_الشعبي
#صفاء_الصمت
#ابو_تراب