يا الهي اعليك اسم زينب ... جفيني
شر التايه الترست ... جفيني
من اموت ابيض فلا اريدن ... جفيني
سواد بلون نية الكطع بية
.
.
#شعراء_وذواقين_الشعر_الشعبي
#اياد_عبدالله
#ابو_تراب

وانت ... انت
وگلبك الما مرة حن
وشنو الاصعب ؟ لمن انت بعز شبابك
تباوع ايامك على المامش جزن
كبرتني بكد توابيت الوطن
.
.
#شعراء_وذواقين_الشعر_الشعبي
#مثنى_كامل
#ابو_تراب

.
جنت وياك انزل عيني بالكاع
بوكت جانت بأسمي تنرفع روس
وتدوس انت على انسانيتي وتفوت
وانا حتى اعلى ضلك جنت ما ادوس

كطعت لساني خاطر ما احاجيك
خاطر ينتهي البينك وبيني
لكيت انوب عيني تسولف وياك
يعني شلون اكص لسان عيني ؟
عيني صاحت بية من شافتك جاي
وما سمعت عيوني التحاجيني
والله ما شفتك رغم عيني عليك
جنت سارح بالي مو يم عيني
.
.
#شعراء_وذواقين_الشعر_الشعبي
#عامر_العيثاوي
#ابو_تراب

مثل البارحة اشتاقيتلك حيل
والله اليوم اكثر شوكي صاير
ومن هسة اكلك خافن تكول
ميحبني وكضى عمره يكابر
احبك انا على الفطرة واتانيك
و لابد يجي يوم وترد باجر
واذا تعرف تريد بيوم ناسيك
من تشوفني مبطل الجكاير
.
.
#شعراء_وذواقين_الشعر_الشعبي
#حسن_مهدود
#ابو_تراب

انا شفتك نهر والدنيا چانت صيف
ذبيت الهدم گلت اسبح هنانه
أول غطه اليه وللجرف رديت
لگيت شگد بشر جواك غرگانه
ما احب النهر بي كثرهه اليسبحون
انا اريد النهر سباحه بس انه
.
.
#شعراء_وذواقين_الشعر_الشعبي
#منقول
#ابو_تراب

.
هسة انت مو قسمتي
جا ليش ما تنسي وارد اعرف اخبارك
مو چنى حتى الهوا بي احنا نتشارك
بروحي الخضار شكثر
ولخاطرك صوفرت حتى ارهم لنارك
شكرا حبيبي اعتذر جان السبب بيه
مو ذنبك من ابعدت هو العشك نيه
هم مثلي دمعك يصب من تسمع اغنيه
وهم مثلي شابع ندم
وعيونك اعلى السكف ما تغفى ليليه
من اشتاك اشم الصور صدكني يوميه
وكل لحظة اكولن تجي بس ما الك جيه
وابرد واخلص الورق وابقى اكتب بأسمك
وجفوفي ترسم شمع مرات وترسمك
.
.
#شعراء_وذواقين_الشعر_الشعبي
#حسين_الحبتري
#ابو_تراب

.
طبع السعادة دهن
وماي انا ما ننجمع
شما ننخبط ننعزل
والفرحة طير بغصن
سهام الملامه وهلي
واعداي والمستحى
معقولة ما تنكتل
.
.
#شعراء_وذواقين_الشعر_الشعبي
#سمير_صبيح
#ابو_تراب

الما يعرف شبيه يكوم بيه يلوم
السهر شكلك يخربه عليمن تخربه ؟
اسهر مو غشيم ادري السهر موزين
بس المشكله شما تعتقد صعبه
اذا كسره بفراشك ما تعرف تنام
شلون تنام عينه الكسرته بگلبه ؟
.
.
#شعراء_وذواقين_الشعر_الشعبي
#منقول
#ابو_تراب

.
ذبيته الفرح كحله بظلام الليل
ذبيته ونسيته وراح من بالي
لكوا غيري واجوا دكوا عليه الباب
الك هذا الفرح ؟ لا كلت مو مالي
.
.
#شعراء_وذواقين_الشعر_الشعبي
#سمير_صبيح
#ابو_تراب

.
شالوك حتى من الحلم
وحلمك يجيني بلا صور وبلا خلك
ولمن افز يبجي الحلم
واثنينه اعلى الراس نتكابل ندك
رادوني ما اشوفك ابد
ويا حال من بعدك صرت
غصن وخذوني من الشجر
وذبوني يم نار الهجر
واليوم باجر احترك
عشت بطرك روحي وسوادين العشك
.
.
#شعراء_وذواقين_الشعر_الشعبي
#جبار_رشيد
#ابو_تراب

شخبارك يسألوني وشبيك ؟
نگلت جنازة بثكل رجليك !
ولكم فشلتي من اقرب الناس
شلونك كلتله وكال شعليك
.
.
#شعراء_وذواقين_الشعر_الشعبي
#ساجد_المحنا
#ابو_تراب

.
يا گلبي وداعتك ملتهي الما تنساه
لا تطري اعلى باله ولا مجرب الهم
حلاتك مو سهل كلما تشح تنهاب
الماي البي حياة وكت الغرك ينذم
ينصاد الصكر بالالف يا الله
وبصم الدخن تلزم سرب دلم
دمعتك غاليه من تطيح كون تطيح
للجفن المبلل على فراكك دم
يا گلبي ليا وكت تعتني الما يشتاك
وتبذر احساسك على الما يهتم
ال على ايدك ما يضل شلفايده من يعود
يتبعثر وراك وتلتفت يلتم
من حنيتك شكد نبهتني الناس
بس اخجل اكلهم گلبي ما يفهم
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
هو ذنبي
لا سكنت وي الاجوني ولا تبعت الراحلين
.
.
#شعراء_وذواقين_الشعر_الشعبي
#الكاطع
#ابو_تراب

لو هو مثلك اكو
جا ما عشت وحدي
بليل الشتا البارد
بس هو هيج العشك
مثل الله بس واحد
.
.
#شعراء_وذواقين_الشعر_الشعبي
#حسين_المرياني
#ابو_تراب

الله يرحمج يا ضحكتي
وين ما وين اندفنتي ؟!
والله قبل لا تموتين
جنتي اعلى شفتي تخبلين
جنتي ما تخليني وحدي
ودمعة لو شفتي اعلى خدي
ب ايدج تمسحيها جنتي
الله يرحمج يا ضحكتي
.
.
#شعراء_وذواقين_الشعر_الشعبي
#علي_الشمري
#ابو_تراب

مرتاح شفتك كلت مو مشكلة
بعيونه يمكن غير واحد حلة
بالعافية وذاك التعب والسهر
جنت ادري راح يضيع من أولة
اني اعلى كد المصلحة وانترك
عود امهات وعايش بمكحلة
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
مشى بيه انتظارك عكس الاميال
و وكف عقرب دمعتي بجفن الغياب
تجي منطيني ظهرك حتى بالطيف
وعليه غيمة اعذارك تمطر اسباب
على سرعة مشيتك صفنت الخيل
چنك للفراك محسب احساب
اذا ميت حنينك روح معذور
بس بهاي اعذرك مو بالغياب
.
.
#شعراء_وذواقين_الشعر_الشعبي
#علي_رشم
#ابو_تراب

.
عجيبة الدنيا والاغرب ... دردها
التبجي سنون واليضحك ... دردها
يا الهي امانتك روحي ... دردها
دخذها من وكت و استر علية
.
.
#شعراء_وذواقين_الشعر_الشعبي
#سمير_صبيح
#ابو_تراب

غمض والبالك ممكن يصير
الواقع ينتهي ويموت باجر
عليمن ضال تبجي وتكسر اشياء
هو ياهو اليعرفك وين صاير
ما يرتاح گلبك يبقى مشلوع
لان بيض انشلع گلب الدفاتر
جبت عمرك تريد تلحك الناس
تطلع من خسارة تطب خساير
وما تعرف تعيش تعيش الوياك
تمد ايدك بجيبك بس جكاير
.
.
#شعراء_وذواقين_الشعر_الشعبي
#عزام_الشمري
#ابو_تراب

ما نقصت محبتج من رحلتي
ولا بدلت اطباعي بصفنتي
مرات الدمع نلكيله اسباب
بس انتي سبب جنتي بضحكتي
.
.
#شعراء_وذواقين_الشعر_الشعبي
#منقول
#ابو_تراب