.
ما كرهتك لسه غالي و روحي بيك
بس اخاف انطيك فرصة
وبصراحة استحي من گلبي اعتنيك
كون ينام گلبي وعلى كيفي انكل جدامي واجيك
.
.
#شعراء_وذواقين_الشعر_الشعبي
#علي_المقداد
#ابو_تراب

جنت طير واطيرن وين ماريد
هسه الشوف حده لمدت الايد
صرت ياحيرتي بس اسمع الصوت
وبعد ماخاف منه لو يجي الموت
هذا الصار بينا ويا حرامات
يومية السهر برموشنا يبات
خوفي على الاحبهم لا يحزنون
خوفي من الشماته لايعرفون
.
.
#شعراء_وذاوقين_الشعر_الشعبي
#منقول
#ابو_تراب

جايتني بعد كل ذيج السنين
جايتني بعد ما طفى الصبر شمع الحنين
جايتني والحزن لم روحه بيها
والندم واضح عليها
جا بعد ما راح العمر
وبعد كل ذاك الصبر
جايتني تعتذر
جايتني بعد ما شمع العمر وج وطفيته
جايتني بعد ما حزني رضى بيه ورضيته
روحي ردي كلشي البگلبي طويته
جا بعد ما ضاع العمر
وبعد ما ولى الصبر
جايتني تعتذر
.
.
#شعراء_وذاوقين_الشعر_الشعبي
#منقول
#ابو_تراب

خاف اموت وما اشوفك
دير بالك على عيونك لا يذبلها الغياب
وخاف اروح وما ابوسك
تدري بية شكد احبك حطلي خدك ع التراب
ومن تخلص الفاتحة بس كول احبك
حتى توصلني الاحبك بالثواب
.
.
#شعراء_وذاوقين_الشعر_الشعبي
#منقول
#ابو_تراب

.
غوشهن فراكك بس بعد بيهن
الما يعمن عليك عليمن اعميهن
صورك كطعن خيوط الضوا بالعين
ما ذبيتهن ضليت اباريهن
عشكتك عشك فقرة الصور عدنا اعزاز
نحبهن مثل ما نحب راعيهن
.
.
#شعراء_وذاوقين_الشعر_الشعبي
#علي_نافع
#ابو_تراب

اشوفك وين يا مهاجر
كلي بأي بلد صاير
فراكك مو سهل عندي
ولا هي ازمة وتعدي
فراكك عله العلة
عقل بالراس ما خلة
يوم السافرت والله
انفطر گلبي وصرت شاعر
وانت بهذا ما شاعر
اشوفك وين يا مهاجر
.
.
#شعراء_وذاوقين_الشعر_الشعبي
#حازم_جابر
#ابو_تراب

.
انا من انعزل وابتعد مو مغرور
ابو نفس العزيزة بكل وكت وحده
انا مصاحب امي الما تعرف تخون
علاقتنا قوية وتقوى يومية
نشاز العنده هيبة بوسط ناس رخاص
گلبجة المعضد بجف الحرامية
.
.
#شعراء_وذاوقين_الشعر_الشعبي
#زيد_السومري
#ابو_تراب

بعد يا عين تبجيلك ؟
ويا ديرة الترحب بيك وانت الكاتل دخيلك
دم باجر تطيح ومحد يشيلك
وبعد لعيوني ما ادنيك
خيط عكال تهوى البلكفى يخيلك
شما ضمك يبيعك باجر اليلكيك
ذهب منهوب يا رخص إلمساوم بيك
.
.
#شعراء_وذواقين_الشعر_الشعبي
#عمار_سالم
#ابو_تراب

عمومآ روح ليش تبرر وتتعب
يمكن اني ما انحب
روح وخل اضل وحدي
روح وراح تذكرني
من اي واحد يحبك مراح يفهمك بكدي
ولا يضل بالك تعدي
تلكى الاحلى من شكلي
وما تلكى الاحن من عندي
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
هذا التسمعه خلص اخر شطر ينكتب
لعيونك الخانت
والعشرة احسها بعد مو هانت انهانت
واصلني انت شكلت
واني احترام سكتت ل ايامنا الجانت
تخسرني انا انخسر ؟
ياما وياما احسبت بعروك اديك الخضر
وكل ساعة اشمها جنت مثل اليجرب عطر
.
.
#شعراء_وذواقين_الشعر_الشعبي
#باهر_الجنديل
#ابو_تراب

.
تشابكنه ومتت بسكوت
وامي افيش شمتني 12 شمه
تشاورنه وسمعنا الموت
وبغترة عزيز اسورحت حشمه
مخابيل تداهرنا
واجانا الليل تيهنا واليدلونه غشمه
علينا هدومنا التفت مثل غركان
بي نص روح والروجه سما مغيمه
.
.
#شعراء_وذواقين_الشعر_الشعبي
#منقول
#ابو_تراب

احبك اكثر من ال عني يحچون
واكثر من صراع الروج والسد
واكثر من حجم تقصيري وياك
من تحتاجني ويتأخر الرد
احبك  ..
لكن شگد؟ مدري بس هاا
مو حلوة من احبك واعرف شگد
.
.
#شعراء_وذواقين_الشعر_الشعبي
#احمد_عاشور

.
كتبنا اعلى الجرف اسمائنا بعود
وحفضها الروج ذمة بركبة الطين
وخلينا النوارس على الحجي شهود
ودفنا اسرارنا ب في البساتين
.
.
#شعراء_وذواقين_الشعر_الشعبي
#سمير_صبيح
#ابو_تراب

يالموصلني خطوة بخطوة للتابوت
انا بعازة سوالف كلها حنية
منو يناوشني ضحكة بروحي خنكه بير
البروحه ضلام تسعفة كمرية
ولان تسوى الذنب كمت اسمع انا اعزاز
بوكت جبت العمر ما سامع اغنية
وجنت ما احط جكارة بشفتي بس فركاك
اعلى كد ما كمت ادخن بدلت رية
.
.
#شعراء_وذواقين_الشعر_الشعبي
#سيف_زبون
#ابو_تراب

انت ما ترهملي ما اريدك تحن
انت واحد بالعشك ما تنضمن
من اغير فراشي ما اكدر انام
انت كلي شلون يومية بحضن ؟
.
.
#شعراء_وذواقين_الشعر_الشعبي
#ماجد_التميمي
#ابو_تراب

جنت بالروح هسة اطلع الروح
كرهتك كد معزتك كبل واكثـــر
خط كحلة جنت من عيني لليل
قبل من جنت بالراس تفتــــــر
رجلك بالرمل شحة نخل بيك
اذا تمشي بحديقة الورد يحتـر
صوجك صوفرت بجيت فلاح
لو تشرب نهر ماترجع اخضــــر
.
.
#شعراء_وذواقين_الشعر_الشعبي
#علي_الشمري
#ابو_تراب

.
تايبين ولا نمر مرة بدربكم
وحالفين ما نرد يوم اعلى حبكم
غلطة مرت وانتهت
وشمعة العشرة طفت
والذنب هو ذنبكم
.
.
#شعراء_وذواقين_الشعر_الشعبي
#داوود_الغنام
#ابو_تراب

.
هواي اشتاقله وما اعيش من دونه
و اكبر من مشاكل بيتنه عيونه
شنهي المكبرة ؟ المفروض انا الانزار
احس براسي كلها الموتى مدفونه
الوكت رخصني وانا اخر ذخر بالبيت
يحتاجون سعرة وما يبيعونه
مرات المكان يصيرلك كتال
اللوحه البسجن تعتبر مسجونه
كون البشر مثل الدم فصيلة يصير
ويموت الما يعيش ويا اليشبهونه
.
.
#شعراء_وذواقين_الشعر_الشعبي
#علي_نافع
#ابو_تراب

.
احبها وما اعرف مثل اليمثلون
الم سوالفي واوكف واكلها
ولا عندي بخت حتى انتچي علية
ولا اعرف المواقف واستغلها
حب فطرة وعشك وادم فلاليح
النحبها نوسط الوادم ل اهلها
نجي يم بابها نحط عش عصافير
وفوك العش احبج نكتبلها
بس چنة اختلف حب هاي الايام
سوالف باردة وما اعرفلها
سوالف ماي لاجن مو طعم ماي
والف جلمة عطش موش بمحلها
.
.
#شعراء_وذواقين_الشعر_الشعبي
#صباح_الطائي
#ابو_تراب

الدايم الله ولو مشو يتعوضون
قوي گلبك وانسى كل واحد نساك
لا تچلبلي بگفه الرايد يروح
ولا تگله شلون اگضيهه بجفاك
كلهه تگطع والله مايگطع حنين
شما تسمعه اطيني تسمع منه هاك
.
.
#شعراء_وذواقين_الشعر_الشعبي
#علي_نافع
#ابو_تراب