اخلي بخاطرك من جنت احاجيك
وانت بخاطري ما يوم خليت
كلي الخالقك جم نسخة سواك؟
اشو يا بيت اطب الكاك بالبيت
ترى انا من كثر متولعت بيك
جن وتلبست بعظاي شكيت
جابولي اليطلع يعرف الجان
غلط طلعني انا وانت ضليت
.
.
#شعراء_وذواقين_الشعر_الشعبي
#ميثم_فالح
#ابو_تراب

.
صدك عدنا هدف بس ما وصلناه
مشي الحفاي نمشي على البسامير
ولو كلشي اليضيع النا ما نلكاه
خشب ونصير بحلوك المناشير
.
.
#شعراء_وذواقين_الشعر_الشعبي
#الكاطع
#ابو_تراب

.
هذا وجهي وابد ما لابس قناع
وما يناسبني ابد دور الجريح
وسلس للهم جني انصاع انصياع
ما اتعبك بالسجي وترويني سيح
مقلد الخفاش لكن بالقناع
معلك برجلية لكن مستريح
.
.
#شعراء_وذواقين_الشعر_الشعبي
#هاشم_العربي
#ابو_تراب

.
حظ ما عندي حتى وي اقرب الناس
وهاي المسألة ال ما الها چارة
اشمرنا من السما يطيحون ع الماي
الوحيد التنبت بصدرة المنارة
وحيرة وگلبي ما ماخذ قراره
وما اشوفنها تخلص ب استخارة
.
.
#شعراء_وذواقين_الشعر_الشعبي
#سعد_شميل
#ابو_تراب

توصل للزعل ونمد الجفوف
وتوصل للكرامة ونبتر الايد
.
.
#شعراء_وذواقين_الشعر_الشعبي
#منقول
#ابو_تراب

.
يا مجفي يا المابيك ضنه
باچيك يم كبور اهلنا
لحكتني للنوم المحنه
فراشي بالكاع وطحت منه
هي المحنه تريد توفيك
حنيتلك وي بلعة الريك
بالنوم خالفت المساويك
ما تغفى عيني بدربك تريد
عايفها وي الموش اجاويد
باچيلك من العيد للعيد
.
.
#شعراء_وذواقين_الشعر_الشعبي
#اياد_عبدالله
#ابو_تراب

افرض خنت وابليس وسوس بأذاني
شبسرعة جبت فلان صار بمكاني
.
.
#شعراء_وذواقين_الشعر_الشعبي
#منقول
#ابو_تراب

.
وياك اني حرب وكلمن يشيل سلاح
تكتلني لو اكتلك بالحالتين ارتاح
فاتك قطار الهوا وبعيد عنك صاح
والشيب حن الزلف وانوب بالخد لاح
امشي اعلى حد الحزن لان الحزن ذباح
يا ادم شحصلت من شجرة التفاح
.
.
#شعراء_وذواقين_الشعر_الشعبي
#الكاطع
#ابو_تراب

نايم جفي وحلمان شمني وحضني
دكونا و الجيلات ما فززني
.
.
#شعراء_وذواقين_الشعر_الشعبي
#منقول
#ابو_تراب

.
ربي دامآ رحمتك من كلشي اوسع
ما يهم نارك شكدها
ربي وانت الاحن من امي علية
وماكو ام تحرك ولدها
.
.
#شعراء_وذواقين_الشعر_الشعبي
#عامر_العيثاوي
#ابو_تراب

المثلك ما يجي ابالي وتمنيتك
وتسوى عيونك دموعي و ترجيتك
كتلك لا تبجيني الدمع يمحيك
بس ما جني وصيتك
رخيص ومن بجيت عليك غليتك
.
.
#شعراء_وذواقين_الشعر_الشعبي
#عمار_سالم
#ابو_تراب

صدك سويتها وتبطل تريد؟
وتعوف ايامنا وتنساها كلها؟
عوفك من تعبنا ومن الجروح
تعال احلامنا باجر شكلها ؟
تعال انت شگلت عن باقي الايام
مو كتلي شتجي ماراح املها ؟
المن واعدتني وكتلي سهلات ؟
شما صعبت عليك اكدر احلها !
دنيا شكد ثگيلة حمل وياي
وحملك صار اثكل من حملها
روحي الما تعرت يوم وياي
مشت وياك ذبت كل خجلها
.
.
#شعراء_وذواقين_الشعر_الشعبي
#جبار_رشيد
#ابو_تراب

.
خذني يمك بعد ما ضل كل عذر لا تعتذر
ليل عمري و عمرك مخلص بعد مابية صبر
خل نلم احلامنه ونحفظ صورهن قبل لا ياخذهن بدربه الفجر
وخل نلم الباقيات سنيني وسنينك نسويهن عمر
وهن ميكفن عمر
.
.
#شعراء_وذواقين_الشعر_الشعبي
#جبار_رشيد
#ابو_تراب

هـاي النـاس ماتسـوه المحنـه
گـفه نشمـر وراه للرايـد يروح
البـگيفـه مـشـه لا يـࢪجـعنه
مثل لعبة اقمـار اليخسـر يكوم
همـه اليـوم فـازو باجـر احـنـه
.
.
#شعراء_وذواقين_الشعر_الشعبي
#منقول
#ابو_تراب

جنت ماتدري احبك
ودرت وجهك من دريت
كتلك ابقى كبال عيني
وعمت عيني ومابقيت
واذكر اخر شي كلتلك
عوف كل الناس راح يغيروك
وعلى عنادي تغيريت
.
.
#شعراء_وذواقين_الشعر_الشعبي
#منقول
#ابو_تراب

.
محسب لليضل ما اشيل هم الراح
ما ادلي اليروح الباب يندله
اذا بعض البشر تتوسل اليمشون
انا الراد يمشي انتظر ما اكله
اهاجر لو شفت عد ناسي ما مرغوب
واذا غثتني كلمة انسحب واتخلى
ما احب اليحطني بأخر التقويم
سلعة مرخصة وبأحساسي يتسلى
منو مثلي بحياته مسافر وتعبان
كل عمره وكتر بالدنيا ما خله
.
.
#شعراء_وذواقين_الشعر_الشعبي
#جبار_العبادي
#ابو_تراب

.
سهامك عذبني كطعني
ارفس واضحكت من ضحك سنك
صرت اقرب الي يفلان مني
اذا نشدوني عني احجي عنك
شردت منك احس مرتاح چني
طلعت بيك انا شارد موش منك
ما ترهملي بس تفصال احس بيك
و مر تكتل واضوكك حلو شمحلاك
هلا بجيتك اصيح وانت ما جاي
واقشمرني واكوم اتشابك وياك
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

يَجي يوم و أجي ببالك
و أذَكرك بِيه بالگوة
تحَن و ترِيد بس تعود
يَم أيامنا الحِلوة
بَالله شفادك فرَاگي ؟
شفتها بدوني ما تسوى !
.
.
#شعراء_وذواقين_الشعر_الشعبي
#زيد_الهاجري
#ابو_تراب

گلبت الرسآيل واختنگ صدري
چنت تگلي احبك گبل الشلونك
وهسه شلوني ماتدري
.
.
#شعراء_وذواقين_الشعر_الشعبي
#منقول
#ابو_تراب

وحق ذيج الليالي السود ... مرات
علية واتمنى لو بالطيف ... مريت
وصلت لمرحلة من الشوك ... مرات
احك رجلي ويسولف كلت بية
.
.
#شعراء_وذواقين_الشعر_الشعبي
#حسن_مهدود
#ابو_تراب