.
من فترة ما اشكي لبشر
وما احب اسولف همي
وجاي احس بالوحدة رغم
كل الاحبهم يمي
اني اعتذر ما عندي حل
بلا وعي جاي اقسي
واسكت لان هذا الوجع
ميفهمه احد لو طلع
حتى الطبيب النفسي
وما ادري ليش اتغيرت بس اني
اذكر غفيت من البجي
وفزيت واحد ثاني
.
.
#شعراء_وذاوقين_الشعر_الشعبي
#حسين_السعيدي
#ابو_تراب

.
جنت من تبتعد تتركني وحدي
كبل ما عندي غيرك هسة عندي
هسة الباب مفتوح
اذا ما عاجبك روح
مثل ما هذا حدك هذا حدي
.
.
#شعراء_وذاوقين_الشعر_الشعبي
#حسين_السلطاني
#ابو_تراب

يلوموني واحسك تكبر بروحي ويلوموني
وانا بلا شوفتك شينفعن عيوني
يشوفي ورجوتي ودنياتي ولوني
وعذابي وبسمتي وشكواي وضنوني
يخي عونك علية وبيك خي عوني
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
الشريف يحبني حد ميموت
عد المو شريف انباع
ما ادور على اي شي ضاع
اليوكع مني حصة الغير
السما متدنك اعلى الغيم
من ينزل مطر على الكاع
ترف تلمسني شعرة ريش
النجمة بعيني جكليته
بس جربني من اتثور
من الخيل تسحك خيل
تلكى الزلمة شخصيته
.
.
#شعراء_وذاوقين_الشعر_الشعبي
#حسين_علي_المطوري
#ابو_تراب

.
علية فضلت وادم تنعرض بالسوك
لا من طينتي ولا تنحط بصفي
انا بره القصر بس قالق السلطان
وذوله وي العبيد الواكفه تهفي
عله صوتي عليك اعذرني ما مقصود
بس بلا صياح العتب ما يشفي
ولا تنشدني وين مسافر ومجفي
رماد ومن اسافر ما محدد وين
المهم بس اشرد من الموكد المطفي

.
.
#شعراء_وذواقين_الشعر_الشعبي
#سعد_شميل
#ابو_تراب

.
هلي بية دروا كمت انا احبك
ودروا بس انت تلفتلي انتباهي
هلي يدرون من تتزاعل وياي
اضل اصرخ رحمتك يا الهي
هلي نشدوني عنك كلت بالروح
ونشدوني اعلى روحي وكلت ما هي

وانت هواي متغير هالايام
والبراسك قروا انا اعرفتهم
نفسهم هم اجوا واتقربولي
ودكوا باب گلبي واطردتهم
لان تقديرك انت فوك على الراس
واحطهم وين انا لو قدرتهم
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
انا وثم انا وكان من كان
اصبعين اعلى روحي ما اقدمه
كلكم عافني ويرجعلي ... هيهات
جا شمتاني ميسويلة همه
انا البايك ضواه خلي سنة يغيب
وترس ريتي هوا ما حاجه اشمه
السوا سوا غيره هواي عشاك
ينتظرون أشرلهم لعلمه
بس هو صدك ما كال مشتاك !
لا يشتاك مو فد هي قسمه
شبيها عيوني يمكن لاحها تراب
ما باجي عسى بهاللحظة تعمى
.
.
#شعراء_وذواقين_الشعر_الشعبي
#يحيى_العلاق
#ابو_تراب

.
ترضاها علية اتأذى من تبعد
زعلتك نعم بس ما جنت اقصد
محتاجك بكد ما قصرت وياك
واتمنى اذا شفت الرسالة ترد
.
.
#شعراء_وذواقين_الشعر_الشعبي
#حسين_السعيدي
#ابو_تراب

وحكك يا گلب كل خير ما بيك
وبعدك لليروح تدور اسباب
كض نبضاتك المن هادهن حيل ؟
وحتى كبال روحك غطي الصواب
لا تترجى من عدهم ينصفوك
الغيم يجيب روحة وصاحوا شجاب ؟
.
.
#شعراء_وذاوقين_الشعر_الشعبي
#ميثم_فالح
#ابو_تراب

هو مو كل منجرح جرحه يطيب
لا ولا كل بيت ضعفة من الاساس
لا ولا كلمن هجر كاعة غريب
كلشي بالدنيا الة حدود وقياس
اكو ناس كلوبها من الهم تشيب
واكو بلايا هموم ومشيب الراس
الناس بيها جروح تحتاج الطبيب
وانا بية جروح تحتاجلها ناس
.
.
#شعراء_وذاوقين_الشعر_الشعبي
#فاضل_عبدالسادة
#ابو_تراب

.
انت يا كل شي حلو بالدنيا هاي
يا ضوة عيوني وشريك رويحتي
يا ربح عمري وتعب ذيج السنين
يا نشيدي وموطني وكل غيرتي
ما تحن شعطلك انت حنين
انت يا الشالع گلب محبوبك
والله زحمة الليل لو ذكرني بيك
هاي هم محسوبة من ذنوبك
انت مدري منيلك هذا البرود
يا الجنت من ازعل تغنيلي
مرة كتلي الدنيا هاي شنهي عود
وانا كتلك مثلك شتعنيلي
.
.
#شعراء_وذاوقين_الشعر_الشعبي
#عزام_الشمري
#ابو_تراب

.
هوينة ومن هوينة ... من هوينة
غشمة وما عرفنا ... من هوينة
اليوافي للمحبة ... من هو وينة
اذا تلكاه اكص اثنين ادية
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
هي الاعزاز التتعبك
ما يتعبونك غرب
والگلب محد يلچمة
غير البنص الگلب
.
.
#شعراء_وذاوقين_الشعر_الشعبي
#علي_مالك_الموسوي
#ابو_تراب

.
سهرنالك دهر ما اجيت
رزة وباب خضرن من مدامعنه
يا كون الدهر بس وياك
بلاياها الاوادم كلها والجنه
.
.
#شعراء_وذاوقين_الشعر_الشعبي
#مظفر_النواب
#ابو_تراب

.
مو طبعي ادير اعليك وجهي من الاكيك
بس خفت لا ينشاف جرحي ويأذيك
.
.
#شعراء_وذواقين_الشعر_الشعبي
#سيد_مهدي_العوادي
#ابو_تراب

.
مدري شجاني السنة والعام ما انام
طول الليل ما انام
اثاري السهر مدرسة العيون
وكثرن غياباتج يا الاحلام
.
.
#شعراء_وذواقين_الشعر_الشعبي
#الكاطع
#ابو_تراب

.
مابين الدمع والخد
موضوع انفتح وانسد
واحساسين مختلفات
گلب ابيض وحب اسود
والف نعلى اعلى ذاك الجابلي الغربيل
من يوم الاخذته وما بقالي احد
جان الشك جبير بشبجة الصياد
بشر يومية يوصل للسما وينهد
ولان خجلان منها اكتبها بس ماكول
عمت عين الرسالة الما تحصل رد
.
.
#شعراء_وذواقين_الشعر_الشعبي
#مهند_العزاوي
#ابو_تراب

.
انا المفطوم بسموم العرابيد
يعلمني الغشيم اعلى الحياية
ولو ما عدنا شي وي الثعابين
احنا وي الورد ما عدنا غاية
مرات يتشلبه الناس ع الناس
اهم شي عدهم يصعدون باية
وعدهم عادي كلش من يطيحون
لان طاحوا بما فية الكفاية
.
.
#شعراء_وذواقين_الشعر_الشعبي
#حامد_الشمري
#ابو_تراب

.
اذا تتوقع انا انسى لا تتوقع
بعدني بأنتظارك يمتى ما ترجع
رسايلنه القديمة من يجيني الليل
اطبلها بسهولة وبصعوبة اطلع
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
منين تعلمت للزمن ما تطخ رأس ؟
انا وليلي سهرنا وكام يسألني
جاوبته بصلافة وچني ما متعوب
ولا جن الدمع مرات يخذلني
صبري وعازتي وجروحي والشوغات
وضميري وعزتي وهمومي خلني
اتحدى البرد بالچلة افوج الماي
اذا احس الجسر من اعبر يذلني
.
.
#شعراء_وذاوقين_الشعر_الشعبي
#سمير_صبيح
#ابو_تراب