.
ما ناسيك بس والله الضروف هواي
واحس ب اثنينهن مشتاق ومقصر
انا لو عايفك ما جان افز بالليل
واشبك صورتك واثنينه نجمر
انا ب اصعب ضرف مريت
وانت تگلي متغير ؟
انا بجبهه غيابك ضايعتلي سنين
حرب من طرف واحد بيها متبعثر
ومثل الجندي يومية التحق بالليل
ما تنطيني اجازة همومك تحير
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
امي بسنين العجاف نكتفي بريحة حضنها
ومن نجوع تثرد الجوع بلبنها
ولو عطشنه تعصر عيون العطش وتجيبه ماي
وتحلب الصيف وتشربنه ندى
تطحن برحه صبرها العوز وتسوي غدة
امي اخذ لونه الفرح من لونها
امي اخذ لونه الحزن من لونها
امي كاس ايام حنضل شنته بليمونها
ترفع بجفها لواء اسمه الحنان
جربة العباس ماي عيونها
.
.
.
.
#شعراء_وذاوقين_الشعر_الشعبي
#عماد_المطاريحي
#ابو_تراب

.
اول مرة احس مرتاح من دونك
وعيونك ولا مشتاك لعيونك
تكلهم ما وفالي ضحكتني بهاي
هسة انت حبيبي بالوفة شلونك
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
انا احبك حتى لو غيري الخذاك
انت تبقى بداخلي مالك غرض
وكلشي بالدنيا حلو يذكرني بيك
يا خسارة عمري يالمالك عوض
وكت كمت اسمك اسمعه من الغريب
كبل جنت اسمك اسمعه ويا النبض
وانت خلي ودمعتي ونجمي البعيد
انت يقرونك علية وكت المرض
انا مابية نقص والله العظيم
انا حظ ماعندي بس عايزني حظ
.
.
.
#شعراء_وذواقين_الشعر_الشعبي
#علي_حداد
#ابو_تراب

.
انا من دنكت ما جنت ادور كاع
ولكن ثكلت الحسبات البالي
واجيت انت وكلتلك لا تدك الباب
ترى هو اليموت يموت للتالي
انا ردتك قبل من جان گلبي بخير
قبل لا اصيح ياهو يصير جتالي
قبل من جنت اغمض خاطر اتلكاك
بعدين افتهمت الظلمة تحلالي
بعدين افتهمت النجم ليش بعيد
اثاري الناس تكره كلمن يلالي
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

.
واحد سألني اشرحلي معنى الذله
جاوبته سجل هاي كلش سهله
شايف اذا مشتاك وانت الزعلان
وجسمك على المحبوب يرجف كله
ولا بيك تتنازل وگلبك مكسور
ولا بيك تعديها اله وتغفرله
من تختنك بالليل والبيت يضيك
تشتاكله وشخباركم تكتبله
وتتندم شوازاني هسة شدزيت
وتكتبله اسف بالغلط وتدزله
وبيدك صور تاخذ عيونك ليوين؟
لأول مسامر بين رحله ورحله
شايف اذا بالصور روحك تندار
على القبله بس ما تدري وين القبله
.
.
.
.
#شعراء_وذاوقين_الشعر_الشعبي
#انيس_العيساوي
#ابو_تراب

.
روح ما امنعك حبيبي وداعتك
اي مكان يعجبك وبي راحتك
الله موجود وبدونك ما اموت
وياهو كلك راح اضل بعازتك
بس اريدك تذكر ايام الدلال
البيها عيشتك عمر فوك الخيال
وانا للشمات ابد ما راح اكول
انت بشرهم واخذها بشارتك
انت بأيدك شلت من عينك ضواك
وخل يفيدك باجر المني خذاك
وعود لو رايدي تجيني شلي بيك
وين اكو واحد مسوي سوايتك
روح ما امنعك حبيبي وداعتك
.
.
#شعراء_وذواقين_الشعر_الشعبي
#منقول
#ابو_تراب

.
حبيبي بيا بخت وياي ... شديت ؟
وعدا هجرك الي شقدمت ... شديت
ب أصبعك حتى تذكر خيط ... شديت
انحصر دمك ولا فكرت بية
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

بدربي كلت لو مو سوه امشي بحياتي بلا درب
يمكن يشح عني الهوى
لا .. بس جذب
معقوله ما نمشي سوى
مقوله في لحظه الشمس للكاع وما تنطي ضوه
وننتهي وما نلكي صبح
معقوله يطلعلي جرح
معقوله ريشة شفتك ترسملي بلضحكه رمح
لا موصدك
خلينا من هذا الحجي
بجفوني سوله اعله البجي
وصياد كاعد بلجفن للدمع شايل فالته
وياك اني جن صرت مثل الهلال وهالته
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

اشتاگلي
المشتاك يطفى بماي عينه
ويشتعل بجفوف اديه بغير گلبه
ويبتشر والبيه بيه
الماي يخطف على الجروف وداع صدفة
ويعتني الهرش اليبس ما يعتنيه
اشتاگلي
اليعثر بظله يموت صاحي
واليعيش بلايا وعية بغير ظل
الشوك من ينبت بسچة يبات وبنادم يزل
اشتاگلي
جروحي غلاتي وعيبي صبري
ودفلتي السكته وحشتي بلايا هم
وحجتي الفشلة التطشني تراب ما يسواش لم
وهمي دنيا نبعت بيها بغيرك انت
وشنهو معناه الجرح من غير دم
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
يلچمني اليود ويريدني انساك
وانا العايشك ما عايش وياك
من كد ما دعيت الله يخليك
مدري بيا كتر بالروح خلاك
مابية نقص خاطر تكملني
بس مرات احسك منثلم مني
بشر بس عازتك عازة هوة الله وماي
جم مرة نويت انساك بس فني
من عمري اعلى عمرة الفات لومات
اعزاز وعيبكم بس المسافات
متت وترحمولي الما يرحمون
وشوك وجودرت بية الحرامات
.
.
.
.
#شعراء_وذاوقين_الشعر_الشعبي
#ياسر_فليح
#ابو_تراب

لا ترجع بعد بلكي من انام انساك
وبلكي يغطي وجهك جرجف الشراي
شفت الماخذك وتمعنت بي زين
لا صاحب طويلة ولا وجه جناي
شرى مني الشعير ال بالقحط غالي
واحس هوسة وعراضة وجادر ابالي
مو وجهه الحسن صوته يتراوالي

واتكمكش بفركاك درب الرمل باب
بلكت اثر موجود لجدام الاحباب
.
.
#شعراء_وذواقين_الشعر_الشعبي
#حسين_العميدي
#ابو_تراب

.
تفرهدني المصايب واكعد اتذكر
واشوفك مو اليه بكلشي مو وياي
وانت هناك واكف واكف مخصر
والمعبر قريب عليك مو يمي
اتمنى الفاسه بأيدي واهدم المعبر
.
.
#شعراء_وذواقين_الشعر_الشعبي
#خضير_هادي
#ابو_تراب

.
غمض والبالك ممكن يصير
الواقع ينتهي ويموت باجر
عليمن ضال تبجي وتكسر اشياء
هو ياهو اليعرفك وين صاير
ما يرتاح گلبك يبقى مشلوع
لان بيض انشلع گلب الدفاتر
جبت عمرك تريد تلحك الناس
تطلع من خسارة تطب خساير
وما تعرف تعيش تعيش الوياك
تمد ايدك بجيبك بس جكاير
.
.
#شعراء_وذواقين_الشعر_الشعبي
#عزام_الشمري
#ابو_تراب

.
زعلان لو مشتاقلج بيش ابدي ؟
بفراك وجهج لو معزتج عندي
يومية اطلع صورتج واصفن بيج
من وجهج اتخيل ملامح ولدي
.
.
.
.
#شعراء_وذاوقين_الشعر_الشعبي
#عصام_كريم
#ابو_تراب

چنتي ع العشاگ اميرة
ورغم كبرچ لكن بعيني زغيرة
هسة راح الصبغ منچ
وبينت شيبات بأطراف الضفيرة
ولو مو طبعي البذائة
لكن اضطريت اوصفچ بالحقيرة
.
.
#شعراء_وذاوقين_الشعر_الشعبي
#الگاطع
#ابو_تراب

.
اسكيني طيف لخاطر الذبلن عليك
الما بعد يحلن ولا يحلالهن
الما بعد بيهن صوة وشجم عزيز
فكلي شباج الهلا وصاحالهن
وهنه هنه مكدرات مسلهمات
كبالهن غيرك وانت ابالهن
معلمات اعلى البجي وشيل الجفوف
يالبعيد شوكت تدنالهن ؟
كبل بيهن جنت اكابر هسة وين
وداعت عيونك فراكك ذالهن
خيم وبصحرة وعفتهن بايدات
من اشدهن خاف اكطع حبالهن
.
.
#شعراء_وذاوقين_الشعر_الشعبي
#محسن_الموسوي
#ابو_تراب

.
تعال عيوني وبلياك
ما عاود واسليها
تعال شفافي محتامات
بهمس شفاك ناغيك
تعال وعندي سوالف
اسولفها الك واحجيها
تعال العين الك تبره
ظلام وطلعتك كمره
واضل مثل اليحفر بير
بأبرة يدور الكطره
واضل انخاك واسمع صدى يناديني
بأسف خان العزيز وياك
.
.
#شعراء_وذاوقين_الشعر_الشعبي
#منقول
#ابو_تراب

.
التفتلي الشامت وحن علية ... صدفاه
هذاك العود گلبه كشر ... صدفه
مكابل بابهم وانتظر ... صدفه
الهوا يفتحه واشوف الكطع بية

ينشق جوفي ثم يدخل قاتلي
كدخول ابراهيم للاصنامِ :

شعجب جدمك لدرب جفاي ... ساعة
بوكت بي صدري كوة النفس ... ساعه
مدولغ اربع وعشرين ... ساعة
صنم ويخوزر ابراهيم بية
.
.
#شعراء_وذاوقين_الشعر_الشعبي
#احمد_عاشور
#ابو_تراب

وين رحتي
الندى سولفته يمج
الفاتحة مو بالجوادر
تفكديهن وحدة وحدة
قيسي طولج منوخذ من عنده لمسه
ياسمينج هو نفسه ؟
تحسسيهن شعرة شعرة
ماكو ليلة فاكدتها ؟
تفكديني غير اسمج غير عطرج
ماكو فد شي ناسيته
يالهجرتي شناسية بوجهي ومشيتي
الناس نضرتها غريبة
الناس تهوى الوجه فارغ
وانا فاكدلي حبيبة
.
.
#شعراء_وذاوقين_الشعر_الشعبي
#زيد_الهاجري
#ابو_تراب