.
.
حكايتنا القدر بيها لعب دور
التقينا وبيها شمل كلوبنا التم
جفينة عيونة بنظرات الاحساس
وتغازلنة بگلب مايعرف الهم
على عناد الزعل نتراضة مرات
ولملمنة الجروح الصعبة تلم
ندهتنا البلابل للمواعيد
وشردنة من النعاس البابة محكم
وتماشينة رغم درب السهر خيط
من يفلت الليل بليل نلزم
الشمس سلمت النة بوكت الغروب
ومن مر الكمر فوگانة سلم
كتبت ذكرى بينه اعواد الاغصان
وحلف بينه الورد وبشوكنة اقسم
بحيث اتحاججت ويانة الاشجار
ال بهاي الحدايق ياهو الاقدم
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
حبيبي بيا بخت وياي ... شديت ؟
وعدا هجرك الي شقدمت ... شديت
ب أصبعك حتى تذكر خيط ... شديت
انحصر دمك ولا فكرت بية
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
اليحط عينه بكفاي يشوف الملاكي
مبين شكو بروحي شعافت الحركه
الجنت كبالهم طولي اعلى مد الشوف
صغرت بعينهم من كبرت الفركه
بعيدة ولايتك والصدفه فكت باب
واجيت ومن لكيتك وجهك مسركه
من عدها وعرفت بنشغة المكتول
وشتعوف الرصاصة حرورة بالتفكه
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
بعد ما راح اشوفك وانت تدعيلي
ولا تتغزل بصوتي وتفاصيلي
ولا نسهر سوى لحد ما نخلص الليل
وتفز الصبح بالشوگ تحجيلي
هو الماخذك مو ما يحبك حيل
ليش شوية منك ما يبقيلي
.
.
.
.
#شعراء_وذاوقين_الشعر_الشعبي
#مهند_العزاوي
#ابو_تراب

على جسر المسيب من لكيتك ليش ؟
اصدن وجهي الك وتصد عليه مكفاك
زحمة من النوارس والجسر والماي
خفت من البلم يسألني عن ملكاك
نفس صاحي بهذيج اللحظة ما جريت
انا استنشق جهنم من يمر ذكراك
تخيط ظهري وارجف وجهي صوفر خوف
وعلى اعراض النبوة تمر عليه بجفاك
وكع مي وجهي لكن من وكع ليفوك
اوكف ليش اجذب من وكع جواك
سولفلي الهجر متنسية امك بي
جا ليش الوداع يسبل من شفاك
اصعب شي شخص حبيته فجاءة يغيب
ويدزلك خبر كلولة ما ينساك
المفارك محب احسله خل يموت
وانت الموت اهون من طعن فركاك
عندي وياك عشرة وضحكة بس ياحيف
من اگلب بالصور ما عندي صورة وياك
.
.
#شعراء_وذاوقين_الشعر_الشعبي
#سيف_علي_زبون
#ابو_تراب

.
انا ذاك الباعك ومارد شراك
وسلمك ليد الزمن وسنينه
انا عزراييل لو رادك لكاك
ومنو ضم روحه اعلى عزراييله
انا كارط ملحتك عارف هواك
وانا عارف هرشك بيا طينه
انا دمعي واللبن والليل ذاك
تالي حسوة ماي ما تنطينه
يوم جانت طافحة بميها لسماك
واحنه مات من العطش چالينه
يالشتلتك جابني الضيم لذراك
ولن شجركم ما يفيي علينه
.
.
#شعراء_وذاوقين_الشعر_الشعبي
#صاحب_الضويري
#ابو_تراب

.
حدر التراجي برد والكنطرة بعيدة
امشي واكول وصلت والكنطرة بعيدة
نكضني مشي الدرب
والشوك هز الگلب
والكنطرة بعيدة
حلمانه برد الصبح رجف خلاخيلي
يا دفو كمل الدفو يا كمر ضويلي
ويا ذهب خيط الشمس طوكين سويلي
لايكلي طوك الذهب والدغش ماريدة
امشي واكول وصلت والكنطرة بعيدة
.
.
.
#شعراء_وذاوقين_الشعر_الشعبي
#ذياب_كزار
#ابو_تراب

.
جنه مرتاحين ماندري الخبز ياهو اليجيبه
وبطرك لعب الشوارع لا سياسة
ولا جكارة
ولا حبيبة
مرات اكول انكضت
ما باقي حسبة وكت ارتاح وتعدي
ومرات اريدن درب للمكبرة يودي
.
.
#شعراء_وذاوقين_الشعر_الشعبي
#الكاطع
#ابو_تراب

.
حاول تبتسم يا سني بالضيج
ولا تغثك تفاهه بعض الاشكال
انخلقنا لراحة الطيبين مخصوص
وشرف النا اذا تكرهنا الانذال
بدليل الناس نعرف ندخل شلون
واذا ندخل بعد هيهات ننشال
خلينه محبة الناس بالجيب
مو مثل البعض خلينه الاثكال
ما نعرف على احد نكشخ بيوم
حتى دموعنه نلبسهن سمال
.
.
.
#شعراء_وذاوقين_الشعر_الشعبي
#حامد_الشمري
#ابو_تراب

ذب يونس بنص حوت وذب يوسف بير
ذولة النباية وهيج جا بية شيصير ؟
.
.
.
#شعراء_وذاوقين_الشعر_الشعبي
#منقول
#ابو_تراب

.
اسكتهن ويبجن والدموع الوان
عيوني وعلى البواجي مالهن ثاني
شلت بيدي الجمر والحركة احس بالروح
ولا كلت لشماته الجمر جواني
اطحن قهر والهم ياكل ويا الروح
من اشوفن ذكرياتك فوك حيطاني
عفتني بلليل وحدي والطريق طويل
تيهتك وجرحي عليك دلاني
اسرارك بگلبي وما بحت فد يوم
ولا كدروا علية وباكوا لساني
انا التيهت روحي ورادوا يدورون
اجوا يمك لانك انت عنواني
.
.
#شعراء_وذاوقين_الشعر_الشعبي
#منقول
#ابو_تراب

.
تجي من بعيد تمشي عيونك انت وياي
ليش من نتدنى تنزل عيونك
وانا بگلبي اكلك يا هلا بملكاك
واسمعك من تكلي بگلبك شلونك
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
الي تردون توكم ... هسة ناوين
نعمة العام اسولف ... هالسنة ون
تنشدون اعلى حالي ... هسة انا وين
حافي ومن شريفة علوك بية
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
عينك علية واستمع
مرتين نفس البشر يجرحني ما اعذره
فوز وخسارة العمر
ما عدنه اي مشكلة اي واحد نخسره
جان اختياري غلط
كل ضني تسوى التعب والحبك تقدره
ويمشن عكس ماردت
ما وصلني لهدف يختارن العثره
وغلطتنه طيبة گلب
ما توبني المضن وانكرت العشرة
هي الحياة تجربة
يثبت وجودة الوفي والموقف يكبره
.
.
.
#شعراء_وذاوقين_الشعر_الشعبي
#نور_اللامي
#ابو_تراب

.
اروحن وين الا اشلع جذر گلبي بشرايينه
واجمع نار واحرك كلشي من بالي
احسك ضل يرافكني
يضحكني ويبجيني يسكتني ويحجيني
اروحن وين
شكثر من بحر ذبيت بي روحي
ولكيتك على الجرف تابوت تبرالي
.
.
.
#شعراء_وذاوقين_الشعر_الشعبي
#الكاطع
#ابو_تراب

.
طلعت ما اكدر بلياك
لسه بالي وگلبي وياك
ها هيه
مو بديه
ما كتبلي ربك انساك
من غيابك حالي يا حال
والليالي بعدك طوال
وبصفنتي
يمشي وقتي
ما اتحرك چني تمثال
.
.
.
#شعراء_وذواقين_الشعر_الشعبي
#منقول
#ابو_تراب

.
هذا العيد احير شلون اعايد
انا فاكد هواي احباب فاكد
بيش تفيد الايامك سعيدة
للمحبوبته عنه بعيدة
ويومية نقص من عدنا واحد
هذاك العيد جانت كلها يمي
حبيبي و صاحبي وجيراني وامي
هسة لوحدي يا وحشة العيد
احسن كلشي اريد وكلشي ماريد
انا زعلان من الزاعلوني
لا اروحلهم ولا هم يجوني
هم معاندين واني اعاند
.
.
.
.
#شعراء_وذواقين_الشعر_الشعبي
#زيد_السومري
#ابو_تراب

.
توصيني اعلى يا ذمة توصيني ؟
وحياتي انت ونبض يجري بشراييني
لونك مو دمع ما ضمتك عيني
لونك مو كحل ما شالتك عيني
يلوموني واحسك تكبر بروحي ويلوموني
وانا بلا شوفتك شينفعن عيوني
يشوفي ورجوتي ودنياتي ولوني
وعذابي وبسمتي وشكواي وضنوني
يخي عونك علية وبيك خي عوني
يواهس تضحك الدنيا على شفافك
يابو الليل الحلو اليلعب على جتافك
احس روحي تأمن بيك وتخافك
واحسك لغز شنهو انت وشنو اوصافك
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
وين صبح ؟ مدري وين
بليل مر وفاركيته
و وين مسى ؟ من طلع ما سد ورا الباب
لكن بالدرب هم بمشيته
دوره ؟ كتلك ما لكيته
شوف گلبك ؟
جان كبل سنين بيته
اعطشت مرة وما سكاني
وعطش مرة وما رويته
شوف صندوق الاسرار ؟
بدون رزة وكل حجي البيهن حجيته
شوف عينك ؟ ماكو بيها
شوف عينك ؟
جان بعيوني وبجيته
.
.
.
#شعراء_وذواقين_الشعر_الشعبي
#الكاطع
#ابو_تراب

.
من حبيتك كل شي تغير
حبك صاير همي الاكبر
والفرحة الما مرت بية
الكاها بيتك يومية
لا تزعل مني ومن تزعل
ابقى محير
حبك صاير همي الاكبر
بأيدك نشفت اخر دمعة
بأيدك ودعت الاحزان
وايامي شكد جانت وحشة
من حبك صارت بستان
راحة بال وطيبة خاطر
اكثر شي يذل الانسان
والفرحة الما مرت بية
الكاها بيتك يومية
لا تزعل مني ومن تزعل
والله اتحير
.
.
#شعراء_وذواقين_الشعر_الشعبي
#منقول
#ابو_تراب