.
عليك ارغمت روحي ... من رغمني
بلحمي الناس تاكل ... من رغم ني
شفت مرة خيالي ... مرة غمني
العجيبة بجيبي جنت مخلي أدية

#ناجي_غدير

ما تسمع نهي روحي ... كأنها
تون ما اضن تون ثكلى ... كا انها
رمقني الشامت بنظرة ... كانها
ابرة بين اضفري ولحم أدية

#هاشم_غدير_الشمري
.
.
.
.
#شعراء_وذواقين_الشعر_الشعبي
#ابو_تراب

• .
انا بالنسمة اعثر وانت قيس الحال
مو جدمي وراك خيالي ما شلته
واجي بواهس عذر وحروفي من تطيح
واتبدى اعلى وجهك مستحى وسكته
وانخل غير وجهك واليطيح تراب
وانكتهم واهزهم بس تضل انت
رمح فركاك اجاني مسابك وي الريح
ما قصرت تسلم بالنفس جبته
بس المحترك يفهم حجي الدخان
ويعرف حرورته ويفهم سبب علته
مثل عاشك بغربه ومره وكت غروب
يفرفح من يمر طاري الهوا يموته
انا بخصر السنابل جم حلم ضميت
وطعم شبكه المنجل من رحت ضكته
الندى عمره مسافة ومن يطيح يموت
وانا بعمر الندى وفجرك وصل وكته
اذا فوك الورد لو فوك صخرة يطيح
ما تفرق بعد لو عمري طيحته
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

• .
معقولة ما أيست يا گلبي معقولة ؟؟
تحفر ابير الهوا ١٦ متر برمل
ب هيمه ولوحدك
شيطلعك وما نبع جا خلكك شطولة ؟
الماشي عليهن كبل غيرهن وتنسعد
اترك بعد كل حجي واترك طريق البجي
والضحكة مشمولة
وميصير سيلك نهر مادام مايه مشى بكل كاع مجهولة
واليسألك هاجرت ؟؟ اي ريش جيبه عذر
والدم يبس وانشلع لا كله مكتولة
براسه خيط وجذب فر مغزلك بالهوة
الظاهر الها الخلك يا گلبي مكيولة
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
ماكو اي شي بروحي ضام
واضحة القطعة الثمينة
يلبسوها هدوم جام
وهية لو بس دمعة تنضم
العبرة ميضمها اللثام
منين ادبر دم والجروح ازدحام
كلشي بفراگك مخيف
خلص دمي اليجري بعروك الخريف
جاي احس بروحي عيسى
وينسأل من يا عمام بديرة مابيهم شريف
مابقى بروحي مجال لأي حلم
كل حروبي اخسرها قابل
من اجل لحظة سلم
كتلها بلاية ما احس گمت انزفج
يل ولا مرة بردتي حرورة اصواب بجريح
يل حرمتيني هواج بعز خنگتي
ومن متت زرتيني ريح
وياج محد درى بقصتي
يالصلبتيني اعلى غفلة
بمگفة عامود المسيح
يا حبيبة الماتحسب ياجرح عفتي بحبيبج
شما اگربج خطوة اشوفج
شايلة بوجهي صليبج
.
.
.
.
#شعراء_وذاوقين_الشعر_الشعبي
#حسين_المطوري
#نور

.
يومية وعدتها اتركني وابعد
راح اخذ كلامك محمل الجد
مدام العشرة هانت والتعب ضاع
لا هالمرة اوعدك بعد ما ارد
حر انا صرت حبيت أكد
وبكيفي ارتبط واتبادل الود
ادورلي محب يتراهم وياي
النفسية صدك محتاجة موعد
نتمشى سوى وعيونك تشوف
باوع بس اريدك كون تصمد
ومن نصير يمك اوكف بسد
حايط واستمعلي شلون اغرد
.
.
.
.
#شعراء_وذواقين_الشعر_الشعبي
#يحيى_العلاق
#ابو_تراب

قناة خاصة بنشر ملخص الافلام والمسلسلات العربية والاجنبية تابعوها حبايب 👆🏻👆🏻

شتاگيتله ..
.ولمن گلت مشتاگلك مايسمع
موبوس بالفرگه نطبع ....الدمع عالخد يطبع
وكل الرسائل والحجي الممسوحات
ولمن اشوف عيونه حيل اتوجع
.
.
.
#شعراء_وذاوقين_الشعر_الشعبي
#زهراء_الموسوي
#محمد

.
بعد ما اعاتبك تندل عناويني
من امس واصلني كونك موش ناسيني
ظروفك والمسافة اعذار محترگات
شمس شتكلفك الجية لروازيني
لچن بينت من مرسالك بلا شوگ
صلاة متأخرة بس تريد تگضيني
وگلت مالك ثمر
وانه ادري برحي اوياك
وگلتلك عادي في صفصافة خليني
شسويلك بعد بهدومي اجيم النار
من تبرد جنت وتگلي دفيني
.
.
.
.
#شعراء_وذاوقين_الشعر_الشعبي
#حيدر_هواد
#نور

• .
اذكرت تاجر اعرفه
كلي من تبيع روحك مرلي بلكت اشتريك
وتمت الصفقة اشتراني
وكام يمليني بشروطه ما اريد وما اريد
وما اريد ايدك طويلة كتله اكصرها واجيك
وطيرتها من المتن ورجعت ابشره
وانذهل جا وين اديك ؟
كتله عد عينك شلتها كالي جا شلي بيك
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
اگدر اوصله بس انتو روحوله
وباليعجبكم اشتردون گلوله
واذا يذكر ايامي بوجه لتضحكون
وعلى رجعتنه واهس لا تسووله
گلوله الگبل فارس احلامك چان
شاعر مايدور چلمة مگيوله
واضل لوحدي ولا هوه ثاني يصير
الرهم وي غيري مايگعد علي طوله
التركني احچي ويه روحي
شرايد احچي وياه
البقى بيناتنه بس ذمة مشكولة
تركني بدمعتي امبلل
يزعل عادي مايزعل
انه ادري بحضنه مستعمل
ويريد ارجع واحن واشتاگ معقولة؟
دگلوله الرسايل والصور عشيت بيهه النار
وعلى دخانهن سويت تعلولة

.
.
.
.
#شعراء_وذاوقين_الشعر_الشعبي
#رائد_ابو_فتيان
#نور

.
الليلة اموت الليلة اخر ليلة
الغيم مد ايدة اعلى راسي والمطر شد حيلة
الليلة كطرات العمر ناكوط حب سهران يمه
ادخيلج اترجاج ضميني بسواد الشيلة
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
بديت ابجي النهر لايندس البير
الدمع مرات افصح من اللسان
وطبيعي اتشوفني بفرگاك مكسور
لان ما عِرف احب شلون ماجان
انا ب أخر لقاء وياك حسيت
اكو بروحك ندم حاركله بستان
مو وجهك احس قوس القزح صار
اعلى كد ما كام ينطي وياخذ ألوان
بحيث شكد خضار بداخلك مات
موسم حب جبت من كتلي عطشان
.
.
.
.
#شعراء_وذواقين_الشعر_الشعبي
#سيف_زبون
#ابو_تراب

• .
وليت وعف ضميري وما كسرت العود
ولسن شبه الزلم بالعلن سبني
كفاني امرح وارع والتذ بحب الناس
وعملات الكبح ما يوم خاوني
لا زحت الحيا ولا ضيعت معروف
ولا خنت الوفى وربعي اجفلوا مني
اضحك للبجو حد شرهت المنكود
وابجي بكل مزنتي بطور المغني
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

• .
اكبر خطأ سويته بحياتي
خليتج جزء من ذكرياتي
قصة حبي غلطة شاطر وياج
انا المفروض احسبج من خواتي
اعلى كد الخوية شكرا اني ممنون
حالج حال سين بمعجباتي
انتي المعجبة الطخيتلج راس
الدخلتي لبيتي مو بس لحياتي
وانا المفروض اسولف رسمي وياج
واضل محمي بغروري ومفرداتي
احيانا غرورك والله يحميك
تواضعتلها بس خسرتني ذاتي
دنت نفسي لان ما شايف عيون
كلما ترمش تقرب وفاتي
الفرق بينج وبيني ... احلامج فلوس
وجانت شوفتج كل امنياتي
عيشتيني صدمة عمري والله
احمد الله مو منج بناتي
.
.
.
.
#شعراء_وذاوقين_الشعر_الشعبي
#علي_ناظم
#ابو_تراب

.
وحك طولك وحك عينك ... ورمشاك
اضل طول العمر امشي ... ورى مشاك
عندي بالگلب منك ... ورم شاك
يهيد الورم لو مريت بية

#حمزة_الحلفي

احبك ما احب على الارض ... سواك
سبحانه الذي من طين ... سواك
بشر لكنه وي الكمر ... ساواك
واحد فوك واحد بين ادية

#صباح_الهلالي

كالوا روحله كتلهم ... شروح له
كالوا باع كتلهم ... شرى احلى
مو ذنبة اجى فاهم ... شرحله
افهم مني يعني الخلل بية

#احمد_الذهبي

تعال وشوف بالدلال ... شيبات
كبرنا وصار اسمنه اليوم ... شيبات
اعاين بالمراية وشفت ... شيبات
كلت يا روح هذا انذار الية

#الكاطع
.
.
.
.
#شعراء_وذواقين_الشعر_الشعبي
#ابو_تراب

.
الله خالقني احب كل البنات
حتى اذا مو حلوة اموت عليها
وما يهمن كاشخات مبهذلات
التفكة مو بالشكل من سركيها
انا ما ادورهن الا مكيجات
سمرة بيضة بكلشي اذوبن بيها
لا تحبسوهن بحجة قاصرات
الوردة مو تكطعها ماي انطيها
البنية انخلقت تحب وتعيش
الله مو للمطبخ مسويها
.
.
.
.
#شعراء_وذواقين_الشعر_الشعبي
#زيد_السومري
#ابو_تراب

.
ليش وياي وجهك ... ماله اجانب
مال اليوم اعوفك ... مال اجانب
شغلتي وياك صارت ... مال اجانب

تمشي الصبح وياي بالمغرب تخون
مو واحد الكى وياك ستمية يمشون
.
.
.
.
#شعراء_وذواقين_الشعر_الشعبي
#علي_البديري
#ابو_تراب

.
شغيرك يا حسن ظني؟
مو جنت عايش غصن وبشجرة عاجر
وردة شلتك بالتبني
ليش كل هاي القساوة الگاهه منك؟
يابعد هذا 🫀 وهذني 👀
كون احط گلبي اعله ايدك
واترسك حنية من دگته لوريدك
انته يالچنك صلاتي
شما اشكن بيك اعيدك
انته ما تنراد بس كلش اريدك
.
.
.
.
#شعراء_وذواقين_الشعر_الشعبي
#حسين_المطوري
#نور

.
انه البيك اذكر وانسى بيه
وانه الونيت بعدك ون سبيه
لون حط الله جنه وانسه بيه
هم يضل فراغ الكون بيه


عاف الخان گلبه وزع الحان
واجه وكت المفارك والزعل حان
على المايسوه صوته وزع الحان
وترك نوح امهات الحشد بيه


غشيم وسلمت ايدي بدينه
وعشت حرگة نبي وكفرو بدينه
اتفقنا الفرگة نبديهه بدينه
تك عين اندرت واشتاگ اليه


من يمروني علگم مر حلا انته
ولون اشكال اجوني مرحل انته
أرق من نسمة واصل مرحلة انته
تشهگك عيني ما تحتاج ريه
.
.
.
.
#شعراء_وذواقين_الشعر_الشعبي
#حسين_المطوري
#نور