.
مو گلتيلي
آنه ويـاك نگضي العمر راي عيون نَفس الطيف
حَلمانه؟
ومن افتَح چَفچ الخَجلان تطشَر حَلات البيج
چن فاتحلي رمانه..
شجاج؟
شجاج وصرتي چَنچ ريح
تاخذ عطر ياهو الچان من تعبر على مچانه💔
شجاج وكمتي تتلَونيـن..
من اطشَن وجهچ اعله الريش
الون منه چم طاووس؟
أرد چَم ورده ذبلانه..؟🥀
.
.
.
.
#شعراء_وذواقين_الشعر_الشعبي
#حسين_علي_المطوري
#نٌےـوُرَ

.
تقريبآ الكل ما وفى ومحد سأل عن حالي
وأخرهم انت للاسف راح التعب على الخالي
والي من اولها غدر ما يوفي الك بالتالي
هسة انا محتار گلبي شيصبره ؟
وبظهري طعنات عايفها ذكرى
خليني وحدي ارد ابجي بلكي ارتاح
تعبني وكتي الراح ما خله شي عندي
فرصه سعيدة ما كلت فرصتنه مو سعيدة
والي يعيش لوحدة بهالزمن عاشت ايدة
والكال عن روحه وفي هذا الكلام يفيدة
من عكست وياي محد بچالي
صح وحدي ضليت بس راسي عالي
.
.
.
.
#شعراء_وذواقين_الشعر_الشعبي
#احمد_عاشور
#ابو_تراب

راضي بعشرتك لو تبقه بس نضرات
احس ذني اليه و هذا يكفيني
مبارك عالجرف بس كون اشوفك ماي
صخره الروج فوك و لا ترويني
بعد ما ضل ذهب حتى افرك المصباح
و المارد طرته اشعنده ينطيني
حركتي البالكلب تطلع عليه بساع
شما الزم جمر ما احسه يجويني
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
متندم لان ما نايم الليل
ولا مستقبلي الطايح بنيته
ولا عندي وسيلة التقنع الروح
وارد وامسح المشوار البديته
هذاك الحجي الزين الضامه سنين
متندم لان يمك حجيته
وانا فوك العمر مداين ايام
وعلى الما يكضي كل لازم كضيته
المواقف ذيج مثل خدود ادية
بس الدود يمسحهن الية
مو هسة ترى بعد المنية
بفراش الغريب شلون غافي ؟
وانا دمعي غركت منه الجفافي
ليهسة وگلبي يتمنالك الخير
نام براحتك نوم العوافي
.
.
.
.
#شعراء_وذاوقين_الشعر_الشعبي
#حسين_العميدي
#ابو_تراب

.
.
ضاع الهوى ..
امسيت جمراً في جوى
في اجفني
دمعٌ اذا انزلته الكون ارتوى
ينتابني حزناً
كما حزن الذي يمكث مريضاً ابنه
واحتار في ثمن الدوى
فتشت نفسي باحثاً والله لم يبقى سوى...

باقيلي بس روح ونفس
يـ فلان ابشرك من رحت وياك اخذت العافية
والنار حركتني ومشت بجفاك ظليت انسحك
مثل الجكاره الطافيه
معروف لو صب الدمع ينشاف بس ما ينسمع
ليش اني دمعي بغيبتك فزز الناس الغافيه ..؟
وليش من اصيحك ما ترد مو تدري
كاتلني البرد
واتلمس حلوك البشر وين الحجايه الدافيه ..؟
خايب احساسي البيه نقص لو روحك المتعافيه..

ودعت ليلي مقمراً امسيت والقمر
اختفى
غيري سعيداً يحتفي ما همني فيما احتفى
اكملت دربي بائساً في خطوتي بان الجفى
حقاً كفى ..

جم دوب اكابر وانتظر سنت المضت مو كافيه ..؟
مهموم كل ساعه انجرح
وبريتي يتمرجح تتن
وافكاري ما متصافيه
صديت وآنه بلا عقل مشدوه ومسودن
مثل أم سمعت وليد انخطف طلعت مفرعه وحافيه
لك اني اخاف الياخذك ما عنده
نيتي الصافيه
لا يحتسي خمرآ أذا يومين ظل
ما شايفك
لا يشتعل جمرآ أذا عافت الضحكة شفايفك
مو مثلي يكتبلك شعر
بلسانه من يحجي الغزل لا بي وزن لا قافيه
وخليني اكلك ع الحصل
يـ فلان ابشرك من رحت وياك اخذت العافية.....
.
.
.
.
#شعراء_وذاوقين_الشعر_الشعبي
#مهند_العزاوي
#نٌےـوُرَ

.
انا كلي تناقض وانقسامات
وصراع وفوضوية ومو جد وجد
بحيث انشطر شخصيتين وياك
اكرهك واليحبك يمي يكعد
احط موعد لنسيانك واجي اردود
احط للموعد البي ننسى موعد
بأشد حالات زعلي اتصالح وياك
سماي نجوم بيها وغيم يرعد
واجيك و بأعتقادك جابني الثار
وانا من ابعد عليك يجيبني الود
واثور بدمعتي ويتراجع الشوك
وطعم شفايفك بالريج يصمد
بعدك وافتهمناه طيفك شبي ؟
كبل ما سامع اني الطيف يبعد
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
ضمني بلليل ثاني وحل حلال الخل
شحيحة افراحنه ودكانهه معزل
الضحكة نبوكها من الاه والياويل
وصياد الهموم بدفترة يسجل
يا گلبي شبعد ومعكرات الكيف
زمن توزهن ما ضن بعد تحمل
يورنك ضواري مهذبات الناب
لا مخلص يعينك لو ردت تجفل
طالت والعمر كلما تلف بي طول
غم ذاك العمر من ينكضي تعلعل
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
مرسومه بجلدنا ذيج الانياب
الجرح لو طاب هم يترك نياشين

#الكاطع

جروحك من تطيب تعوف نيشان
مثل حنه جوامع على الحياطين

#سمير_صبيح
.
.
.
.
#شعراء_وذواقين_الشعر_الشعبي
#ابو_تراب

.
خذني يمك بعد ماضل كل عذر لاتعتذر
ليل عمري وعمرك مخلص بعد مابي صبر
خل نلم احلامنه ونحفظ صورهن
قبل لا ياخذهن بدربه الفجر
وخل نلم الباقيات اسنيني واسنينك نسويهن عمر وهن ميكفن عمر
ونبدي من جده وجديد
بواهس اسنين الزغر ولو وازانه الكبر
خلي تمشي ايامنه بخطوة العاقل من عثر مرة ورجع يمشي حذر
وخل نعيش الحب ستر
خل نضم ارواحنه ابيناتنه
ويه اسرارنه ولا نشتهر
وافتخر بيه ويه روحك
وانه وي روحي اضل بيك افتخر
وخل نسوي العشرة ورقة
ونصنع من الدمعة والضحكة حبر
حتى كل لحظة التمر بالجاي نكتبهه شعر
وخل نگول الماضي غلطة
وذنب يتسجل ذنب من ينذكر
حبني...
حبني لتضل تعتذر
حبني واجبرني اعله حبك
الروح ماتعشگ لون ماتنجبر
.
.
.
.
#شعراء_وذواقين_الشعر_الشعبي
#جبار_رشيد
#نٌےـوُرَ

.
سهمك صابني وللحين ... بعداه
بدليلي وكمت اجرن اه ... بعد اه
غيرك ما يسوي هيج ... بعداه
ولا يعمل عملتك هاي بية
.
.
.
.
#شعراء_وذاوقين_الشعر_الشعبي
#ابراهيم_ال_طلب
#ابو_تراب

.
هدايا الشوك يمك ... يابه ردها
وعلية سيوف هجرك ... يا هو بردها ؟
ايا ليلة وداعك ... يا بردها
متت لو ما لحك حضنك علية
.
.
.
.
#شعراء_وذواقين_الشعر_الشعبي
#سمير_صبيح يقرأ ابوذية للاهواز
#ابو_تراب

.
لمن تحن بالك تجي
يمك رسايلنه اعتقد تگدر تگلب بيهه
وأعترف انته اكبر سبب كل القصايد الانقرن چان اسمك محليهه
وبالمدرسة اتذكر گبل كل رحلة اغيرهه چنت تنعرف چانت ذيچ الي
مكتوب حرفك بيهه
وكل الحجي الگلته الك
من عنده راح اختصرك
ذمتي اشكبرهه برگبتك
الله يساعد نحرك
هاي انه رايح منسحب
وصدگني مانرجع بعد لو يبقى يوم بعمرك
.
.
.
.
#شعراء_وذواقين_الشعر_الشعبي
#حسين_صلاح
#نٌےـوُرَ

.
تفارگنا ...
واجه ابالي
وتذكرني وتذكرته
وگضت مدة اعله هالمنوال
الى ان وصل بينه الحال
وتلاگينا ...
بال وبال
.
.
.
.
#شعراء_وذواقين_الشعر_الشعبي
#حسين_علي_المطوري
#نٌےـوُرَ

.
نحاجي الروح لا تجيبين طرواهم
هذول الناس من البال شلناهم
جا غير انتهينا شبي گلبنه يفور ؟
لو شفنه بشر بالدرب حاجاهم
ونشتاقلهم وكلما يجينا الليل
نطلع بالصور ونسولف وياهم
يا كون الگلب بي باب لو شباك
جا من الگلب كلهم طردناهم
.
.
.
.
#شعراء_وذواقين_الشعر_الشعبي
#علي_المنصوري
#ابو_تراب

.
ولتگلي كلش نادم
يوم العفتني انته ورحت
صدگني ماشايف بشر تكتل حلوگ الوادم وماحاس بيها انته اعتقد
بالغرفة من تبجي الفجر
والباب من يندگ غفل وتسوي نفسك نايم
من الاغاني اتمرضت
من عدهه كلشي البية
چان العلاقات انست
بس التردها اغنية
.
.
.
.
#شعراء_وذواقين_الشعر_الشعبي
#حسين_صلاح
#نٌےـوُرَ

.
طاحتلك الفركة موردة الخدود
وانا طاحتلي كلش دمعة العين
واشو طالع تخبل من الفراك
وانا طالع مخبل بالدرابين
كل هذا واكول مقصر وياك
وانا الباچي بچي يسواله شطين
وما تبچي واعذرك حقك بهاي
دمعك ما يعرف خدودك منين
.
.
.
.
#شعراء_وذاوقين_الشعر_الشعبي
#علي_نجم
#ابو_تراب

.
اعرفك ما ترد بس ما طبكت الباب
مثل ميت عزيزة يعود ينتظرة
سهل من تبتعد بس صعب تلكى انسان
شايل طيبتي ويهواك على الفطرة
باجر من ترد ما تلكى شي موجود
تلكى الورد ذابل والارض صحرة
تلكاني مدينة مسددة البيبان
بيها الكمر ميت والشمس حمرة
وتمسح ذكرياتك شجرة الصفصاف
خافن من ترد تشتاك للشجرة
.
.
.
.
#شعراء_وذاوقين_الشعر_الشعبي
#جبار_العبادي
#ابو_تراب

.
ما تاجرت بأسمك بس تعاطيت
بيني وبين روحي وهجرك اعدام
شفتك بالحلم فزيت مرعوب
ما لحكت اشوفك مسرع اجدام
نذر لو ملتفتلي جا تحنيت
من اطراف جدمي لشعرة الهام
ملثم من تمر ما اعرفك تريد
اعرفك لو تحط اعلى اسمك ألثام
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
تدريني بعدك جاي اعيش بسكتة
بالصبر عايش لچن متعلمته
وتدري الصبح لمن افز من النوم
أول بشر احتاج احاچي انته
وتدري شكبر هذا الهوى وما اشتميت
وانته الهوى اليخنگني واتنفسته
وصدگني من ماابچي مو ما مشتاگ
لكن غيابك لسة ما استوعبته
ليهسه انسى وارد اجي واحجي وياك
ويلچمني گلبي البي جروحك عفته
.
.
.
.
#شعراء_وذاوقين_الشعر_الشعبي
#حسين_السعيدي
#نٌےـوُرَ

.
جنت احبه وخاف اخسره وخاف اضيع
وجان هذا براسي ليلية الكلام
واطلع من الدين ويردني اليقين
واطلع من البيت ويردني الظلام
والشمس تطلع والف راسي واكوم
انا اذا ما روحي تطلع ما انام
.
.
.
.
#شعراء_وذاوقين_الشعر_الشعبي
#حسين_السلطاني
#ابو_تراب