.
لا تشيل وياك خنجر لو مشيت
ولا تأمن الليل لو شفت الشموع
لا تصدك حتى دمعك لو بجيت
هواي ناس انباكت بسد الدموع
ولا تدنك لو ذهب طايح لكيت
الذهب يصعدلك اذا شافك قنوع
بركن تمثال الثلج لا تستراح
تدري من تطلع شمس لازم يموع
ولا تعاشر ذيب وتأمنه وتنام
الذيب لحم الذيب ياكل من يجوع
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
شوف شلعبت بروحي
بالنوح اسكت نوحي
خبال ما ادري عناد
المفروض احطلها ضماد
النوبه جبتلها جروح
حطيت فوك جروحي
شسويت شوف بحالي
برجلي اعتني ل كتالي
جتفت ايدي بأيدي
و ب احزاني ادور عيدي
والنوبه جبتلها جروح
حطيت فوك جروحي
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

تعرف غلاتك لو بعد ؟
محتاج ابينها اكثر !
يالبيك لهاني العمر ما ركزت بي من مر
يمكن اذا كتلي شكثر تهواني ...؟ راح اتحير
الليلة اعد محبتك بس باجر تزود اكثر
الادري بي من تبتعد مدري شحس بحيرتي ؟
صدري حفر بي خنجر ... ؟
مكطوع شريان ابهر ... ؟
يندفع شباچ الجفى وبالروح شي يتكسر
اشتاكلك بس الحجي المضموم الك يتبعثر
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

• .
عامان مرن قد اخفيت احساسي
على اهلي على صحبي على ناسي
اصير كبالهم اسكت وما يدرون
شنو هاي المصيبة الضامها براسي
تناديني جموع الناس يا ثملآ
وما بصروا نزول الخمر في كاسي
تاليها وعرفت الزين للموزين
وكلمن گلبه طيب يوكع بقاسي
مرت عليه من الايام اصعبها
بها ندمي وخذلاني و وسواسي
راح ومن وكت هالجفن ممغمضه
ولحد الان حاير بيمن اتوضى
اضم بصورته وخايف عليها تضيع
ومدري شلون ذب كلادة الفضه
من فاركني علمني المحبة حظوظ
مو كلمن وحبه كلمن وحظه
.
.
.
.

#شعراء_وذاوقين_الشعر_الشعبي
#مهند_العزاوي
#ابو_تراب

.
ملكاك امس مو خوش ملكه
ما حاجي بس شميت فركه
بيك من اجيت اثار شبكه
اعتب عليمن ياهو احكه ؟
ريحة غريب وياك تفتر
أول وتالي الخان يعثر
شماله الملح وياك قصر
وي الغريب بساع غزر
بعينك غدر مولود توه
ماريد جيته الجاي كوه
رايدلي صاحب بي مروه
گلبي من اطيح يطيح هو
من عيني غدرك طير النوم
كسره عظم ومفاركه اليوم
كدامي روحي تطيح وتكوم
ما بيها حيل تشيل الهدوم
.
.
.
.
#شعراء_وذاوقين_الشعر_الشعبي
#نور_اللامي
#ابو_تراب

.
هو الرايدك يعرف ضرف واسباب ؟
بس كلي اكو ثاني بحبك محشمة
الحب كلما صعب يغلى اعلى اليحبون
ترى يضحك علينا اليحجي بالقسمة
المصيبة انت حلو وتمطر علية بوسات
وانا كالتلي امي اعلى المطر رحمة
لا غصبآ على القداح يهوا الشم
وانا مو من فراغ وياك كمت احلم
بعيونك المفضوحه تريد احتار
انا مفسر شمكتوب بالطلسم
اجيت مواعد الوردة ام نوايا البيض
على يا اساس ارد ثيابي تنكط دم
.
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
من تجيني لا تكلمني بغرام
وعفية عوف الشوك لا تحجيلي
انا ليلي بلايا واهس ما انام
شلون لو صرت انت واهس ليلي
شلون لو حبيت شكلك والخصال
شلون لو باجر تروح وتعتذر
هم ترد لمن اكللك تعال
وتنتظر لمن اكلك انتظر ؟
الدنيا مو دنيا عشك يا ابن الحلال
ولا تخلينه بمحبتك ننجبر
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
يا نهر تنزف عليمن ؟ ياهو اليحس بنزيفك
الناس عطشانه بصدك والماي صدفه
وعيرو عيني ولكوا تارسها طيفك
عمري ركبه وشامره الروح اعلى سيفك
ارد اموت ويا حلاه الموت لو صار اعلى كيفك
ارد احط روحي ورا الشباج خزامه ربيع
وكون اضيع بنص خريفك
.
.
.
.
#شعراء_وذواقين_الشعر_الشعبي
#صابرين_الكعبي
#ابو_تراب

صاحب صحيبك سنة وبعد السنة جربه
واحجي معاه في زعل وبعد الزعل جربه
ولو شفته ما ينزعج
منك ولا ينحرج
تكدر عليه تعتمد واكثر بعد جربه
صاحب صحيب الوفي ولا تصاحب الطماع
بالشدة ما يختفي وما ينسى ربعة بساع
صاحب الگلبة سمح
والما يدور ربح
تكدر عليه تعتمد واكثر بعد جربه
صاحب الما يعتذر من توكع بشدة
من كيفه الك ينتخي والعايل يردة
وارجوك لا تلتقي
وي الذي مو نقي
مو ثوبك المو نقي يتعبك من الصحبه
صاحب صحيبك سنة وبعد السنة جربه
.
.
.
.
#شعراء_وذاوقين_الشعر_الشعبي
#جبار_صدام
#ابو_تراب

• .
انا الخواف يا دنيا انا الخواف من كلشي
ولو احلم حلم مو زين انا ارجف قبل رمشي
يهزني الليل الف هزة
وافز بالليل الف فزة
وتعز روحي واكل للخوف ضل بالبيت وانا امشي
انا الخواف يا دنيا وحال المبتلي حالي
اعبر على النهر عطشان والمي مو على بالي
من اولها وجفيت وياي شترجاج من تالي
تعز روحي واكل للخوف ضل بالبيت وانا امشي
عيوني وجذبن وياي وين الكى الصدك عدمن ؟!
بس طيور تعبانات يمي بلليل يلتمن
سوالف همي و دنياي بيمن هالگلب أمن !؟
تعز روحي واكل للخوف ضل بالبيت وانا امشي

.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
سهرنالك دهر ما اجيت
ورزة وباب وشبابيج خضرن من مدامعنه
وكون الدهر بس وياك
بلياها الاوادم كلها والجنه
وزه توازينه موش تراب
بچانه القفل بالباب
لكينه السلف متغير مثل ديرة غرب
خلف الله چنه احباب
ردينه نتعارك وي بواچينه
ولا اشبيبيج يحاجينه
عساها بالكصب يفلان حوبتنه ومدامعنه وتراجينه
عساها تخضر التينه
ونمد بفيها السواليف
راحه بال وخبزة واستكين چاي يكفينه
.
.
.
.
#شعراء_وذاوقين_الشعر_الشعبي
#مظفر_النواب
#ابو_تراب

.
حلو تمثيلك وممنون على المشهد
تعبتك وياي اجر الاتعاب شكد ؟
خليت اليحب من نظرتين زغار
على الماكل وياهم عمر يتمرد
جنت من القليلين الگلوب البيض
الك كل الفضل سويت گلبي اسود
وكلش تنحسبلك علمتني شلون
أوصل مرحلة ما انصدم بأحد
هن اول ايام ثكال على المسجون
بعدين بمرور الوقت يتعود
بس ما عودتني شلون اخلص الليل
ولك ما اعرف انام وماكو يمي احد
غرفة بدون وجهك غرفة التحقيق
اطبلها مشي بس اطلع امدد
.
.
.
.
#شعراء_وذاوقين_الشعر_الشعبي
#مهيمن_الامين
#ابو_تراب

.
عفت امي مريضة وهل تعنيت
ما لحكت بالدرب صليت
يا اهل البيت اريد اقرالكم بيت

هلا يالبيك ريحة هلي ... و اصلاي
غرامك حرك نص حشاي ... وصلاي
ان جان انا كطعت وياك ... وصلي
السبب انت الكطعت الوصل بية
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

• .
رديتلك مستحي مضفور بية العتب
ماريدك اتفله
ورديتلك ما ردت دنكلي راسه واجى
ياهو اليجي تكله
رديتلك مستحي من ناس ما تستحي
فلاحتهم الذله
ينباك تعب المشط لو شاف طول الزلف
بجفوف تتسلى
ولا تكلي كلي الك شضل بيك ... ؟
ياهو اليمر دنيتله السله
شمدريني طبعك نهر ما تلتفت لو رحت
من نيتك وفرزنت مو كل حلو بشكله
ومو كلشي اسود حزن
لو يرضى كلشي الجفن
جا بارت الكحله
مو كل فرح بي صفك العريس حنته بچي
الما صاير لخله
من الجرف للجرف كاضيها فزعة البلم
وبجيبه من النهر بس الحبل خله
هيج انا تعبي انهب مرات احسدة البلم
غزر دلال النهر حنه بطرف رجله
رديت ب أيدي الك لا تفتخر بالجنح
الصياد عمره خلص لابد ورا النبله
.
.
.
.
#شعراء_وذاوقين_الشعر_الشعبي
#حسام_الحمزاوي
#ابو_تراب

.
الما يكسر ضلع بالشبكه ما مشتاك
الما يشلع جلد بالبوسة ما مهتم
الما شم نحر ولفه وصاح بي افيش
لو يشتم هوا الله كله ما مشتم
الما باچي عشك وحده بتوالي الليل
ما محسوب باچي كون يبچي بدم
الما هم بحبيبة يخون لو ميخون
لو مديون دنيا هذا مابية هم
الما صافن هدوء الليل والتمثال
بس بداخله وي داخله يدردم
ويسلم على الطريق الفات بي ويا
رغم وحده بدربه بس وفى يسلم
.
.
.
.
#شعراء_وذاوقين_الشعر_الشعبي
#علي_الفريداوي
#ابو_تراب

.
انا بغربه وهلي عني بعيدين
شعجب من دونهم ع البال مريت ؟
انا مفتح ابوابي وما يطبون
وانت بلايا باب بعيني طبيت
بعيد وجنت اشوفك مثل العيون
وأقرب من سواد العين حسيت
تنكل صورتك تدري العصافير
ويصفطنك بعيني لون حنيت
طرت حد ما تلاشه صورة الكاع
وشفت وجهك سما وكباله صليت
بس كلي شكطع خاطر انساك
دشوف شكم گلب من صدري جريت
اخلي بخاطرك من جنت احاجيك
وانت بخاطري ما يوم خليت
كلي الخالقك جم نسخة سواك؟
اشو يا بيت اطب الكاك بالبيت
ترى انا من كثر متولعت بيك
جن وتلبست بعظاي شكيت
جابولي اليطلع يعرف الجان
غلط طلعني انا وانت ضليت
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
الماي شال تراب لو مر بالتراب
ولو جره بين الصخر كلش يطيب
احنه مثل الماي صفانا العذاب
ولو شرب من ماينه معلعل يطيب
امتحنه سنينه مية امتحان
وماعرفنه شتمتحنه سنينه
نغطها ساعه والعقل عند العنان
وساعه بظهور الليالي تغيرنه
مدري احنه ندير دولاب الزمان
مدري دولاب الزمان يديرنه
.
.
.
.
#شعراء_وذاوقين_الشعر_الشعبي
القصيدة ل #صاحب_الضويري
#ابو_تراب

.
اخنك مشتهاتك حط ملح للراي
المصخ طبعه بعد ميفيد لا تملحه
عبر راي عمرك خاف يركض بيك
بيد ابليس بالك تنحسب سبحه
كاروك الوكت بالك تأمن بي
واذا مجبور نام عيونك مفتحه
.
.
.
.
#شعراء_وذاوقين_الشعر_الشعبي
#عبدالله_الشاوي
#ابو_تراب

.
انتهينا
وانتهى الما ينتهي وخلَّص حجينه
انتهينا
وبقت كَطرات الوفه المذبوح تتناثر علينه
وبقت للمجفين كوم اسرار عد روحي الامينه
وكون ندري بالعتاب يفيد بيهم عاتبينا
وكون يسوون البجي جا بثنعش ناظر
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
ما متوازي احب بس شو توازيت
غصب بية الوداد يطول ويزود
شما افردك وابعدك ضال وياي
مثل فرده ابهام من ايد مفقود
على ترابي كتبتك جانت عياي
كلام الله يمين وشاهد العود
وصلت بية اغارن منك اعليك
لحدر ضلعي يخفك وعليك ممرود
اذا نفرض مخير انت لو عين
انا ارضى انعمي بس جفك يكود
احبك من الى وانطيك تفسير
يعني من الجدم للراس مريود
علية عيون سود يمرن هواي
مثل ذني البوجهك ما شفت سود
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب