.
بعد طابت جروحي عليمن احجيلك
ولا تلتفت خاف دموعي توميلك
هاك الما مردهن غير طاري جفاك
اخاف تموت وتدور اليبچيلك
غير الما يكسرن خاطري شخليت
وغير الما تحبهن ما مخليلك
النهر مو شك واكولن على الكناطر خيط
الجرح جازي العذر لمهن تواسيلك
شلونك لا تكلي شلوني بيا حال
ناقص عافية وبالعافية ادعيلك
.
.
.
.
#شعراء_وذاوقين_الشعر_الشعبي
#عقيل_العرد
#ابو_تراب

.
شد عصبة ابوها وياي ولغيري فلها
وصب استكان الچاي بيدة لرجلها

مسورة لمن خاط چاية وخطبها
دنيتي افترت هيج بية وگلبها

لو ما ابوها وياي ينزع كبرته
جا هسة عدنا وليد توجع ضربته

الما اخذ واختار ولفة اليريدة
من يمشي خل يشيل كافورة ب أيدة

خلها امها ما تنطيش خلني بسريري
وشيلوني من يشيل بركعها غيري

مو جنه متفقين لو عرس لو موت
بچرباية تالي تنام وتگلي تابوت

من درت وجهي عليك والويت الاصفاح
لو ما هلك صاحوك فص عيني جا طاح

.
.
.
.
#شعراء_وذاوقين_الشعر_الشعبي
#حسين_العميدي
#حسين_العجيلي
#حسام_الحمزاوي
#ابو_تراب

• .
حالف اسوي وياك وحدة بوحدة
حالف اوصلك مرحلة المطلوب دم تحسدة
ذليتني بس انا الك والمثلي مو هسة ترى
بعدين يلا تفكدة
تشتاكلي من تغمض وما تغفى
من تكتب اسمي وتجي تنام بصفة
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

• .
انا شكد جذبت على الناس اكلهم زين
اذا سألوا شلونك تزرك الشفه
قصة منتحر تعرفني كلها تريد
من يمي اليشبهك لو عبر صدفه
ام جندي بحرب موعد نزوله اليوم
واتأخر واجاها .... تخيل اللهفه
والله لو ترد هيج اطلع اتلكاك
انا المشتاكلك يا عيب يا عفه
صيف جفاك اجى ونشفن البيهن ماي
بس جفني المبلل جيتك تنشفه
.
.
.
.
#شعراء_وذاوقين_الشعر_الشعبي
#حسين_المرياني
#ابو_تراب

• .
كالوا بالعرس طشيتي جكليت
فرحانه وترستي بركصج البيت
المهم بعدج بجينه
انجرحنا وما حجينه
اخاف احجي وتكول الناس مليت
كالوا بالعرس طشيتي جكليت
كالوا بالعرس لبست تراجي
الهي بيا ذنب يومية باجي
احب الما يحبون
عليهم تبجي العيون
اخاف احجي وتكول الناس مليت
كالوا بالعرس طشيتي جكليت
.
.
.
.
#شعراء_وذاوقين_الشعر_الشعبي
#علي_البديري
#ابو_تراب

.
خلي شوية عندك ذرة احساس
ورفقآ من تمر مرة علينه
بعد ما راوي عودك .... شيب الراس
وكضينه من الفرك راحات أدينه
مصيبة بهالعمر ومدوخ الناس
اذا تكبر سنة شتسوي بينه
.
.
.
.
#شعراء_وذواقين_الشعر_الشعبي
#عماد_العكيلي
#ابو_تراب

• • .
الما حطيتهن حطن على البال
مدري منين اجن وصلن بلا ريش
وسفينة تكول طيرة بغير جنحان
تركض على الجرف جن رايدة تعيش
وانا بنص هذا كله تمرني ذكراك
واحس العاصفة يسكن زعلها
وانسى حبال ب أيدي وانسى الشراع
وربك جنت افز والا انا احلها
اضن من صورتك ضل چلبت بي
بس جانت ضلام شلون ضلها
وارد انوب اشوفك مو مثل ذيج
الشوفه الگبل لحظة لا مثلها
لا ثلث القصايد تنكتب بيك
لا نص القصايد والله كلها
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
دربين صار الدرب
والعين تفزع دمع كون الخشم ينطك
المطلوب دين و وفي
جف اعلى صدره يدك على الباب من يندك
وبركان عندي الحجي
بلساني اذا ينفجر ابقى احجي طك بطك
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

• .
شكد جنت محتاجك ردت بس تسأل
من جنت ادور بالصور صورة حل
راجعلي متأخر بعد وكتك راح
بذاك الوكت لو جاي كتال اقبل
تموتني بيدك مرة وحدة وارتاح
احسن ولا كل يوم اموت واعدل
من كتلي رايح طحت وي دمعي الطاح
مبتسم بس بگلبي جنت اتوسل
ويومية جاي بجرح وانا اتحمل
واربع مواسم وانا وياك اذبل
بجيتني لحد ما طحت من عيني
أذيتني وما عاش الي يأذيني
بس انت كتلك روح انت وربك
وهواي اجوني توسطوا رادوني ارجع حبك
جا هو اعز منك منو ؟ ولخاطرة اغفر ذنبك
.
.
.
.
#شعراء_وذواقين_الشعر_الشعبي
#عصام_كريم
#ابو_تراب

.
جنت بالروح هسة اطلع الروح
كرهتك كد معزتك كبل واكثـــر
خط كحلة جنت من عيني لليل
قبل من جنت بالراس تفتــــــر
رجلك بالرمل شحة نخل بيك
اذا تمشي بحديقة الورد يحتـر
صوجك صوفرت بجيت فلاح
لو تشرب نهر ماترجع اخضــــر
مبلل بالزعل متحلف انساك
دمعك ع الكلب لتضنة اثـــــــر
وفة العباس بية ناوي اشلعك
مثل ماشلع حيدر باب خيبــــر
كلتلك خلي خلي بظهري حملين
وانتة بلا حمل خليك على البــر
خليت الحمل رديتة بالكاع
نكتت ايدك كمت خليت خنجـــر
.
.
.
.
#شعراء_وذواقين_الشعر_الشعبي
#علي_الشمري
#ابو_تراب

.
دليتك اعلى الفرح يا العلمتني البچي
لو تدري يا صاحبي صدري شكثر بي حچي
من كثر ما مبتلي لساني بسكوته اكتفى
ومشكور ما قصرت فضلك بيش انصفه ؟!
بصدري غرزت الرمح
وتحطلي سم على الجرح وتكلي بيه الشفى
بكل هذا ما يقتنع گلبي ويحسبك وفي
شكد غشيم الگلب يترجى منك وفى
.
.
.
.
#شعراء_وذواقين_الشعر_الشعبي
#شاكر_التميمي
#ابو_تراب

.
الحفظ ماي الوجه رديت عطشان
و الا جان بمكاني اشرب البير
القفص طيب گلب ضم عبه عصفور
بحيث ضلوعة اذا طكيتها يطير
لحد هسة وحياتك حسرة بالروح
ما احجيها اخاف اعلى العصافير
بحيث دموعي اذا تلضمهن بخيط
علية اعتب اذا مو مسبحه تصير
اذا ناوي اعلى غيري تروح مبخوت
الله وياك روح بدون تبرير
ما متوازي الزمك بس اوصيك
لا تختار واحد مو وجه خير
.
.
.
.
#شعراء_وذواقين_الشعر_الشعبي
#سيف_زبون
#ابو_تراب

.
يا حلوة الزعل طول ... صاحبينه
وبهجرج ما ضل عظم ... صاحي بينه
چنه برضا وجانت ... صحة بينه
وزعلتي وزعلت الصحة علية
.
.
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
خناجرهم عكل وبظهري جم ديوان
وملكاية هلا وملوحة المعدان
يتلوى ترى ما يركص الفنجان
جبروا على الفركة ويتلوة
ما احب الجرس جة يحجي من ينطك
وعشك شايب جرحي بعمرة ما يعتك
كضى عمرة ركض بس هو ما يلحك
الميل شمالة يذل روحة
صحباني لسنهم وي ظهري رموش
وانا ظهري عصب مو زرع حتى تحوش
طحت مامش ايدهم والعيون تروش
على الكاع وكالوا شيلوحة
.
.
.
.
#شعراء_وذاوقين_الشعر_الشعبي
#علي_خلف_الدريساوي
#ابو_تراب

.
شفت عصفور ميت كل جرح مابي
كلت هذا المنية شلون واصلته ؟
شلت راسي وشفت على الشجرة عش محروك
كلت هذا السبب والحركه كاتلته
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
كرهوني وكلتلهم احبها ضربوني وكتلهم حيل
بالشارع طردوني اخواني وصلبوني اعلى شباب التيل
محد يسمع ضحك السجة من تدغدغها جدام الريل
جوة الشال السر يأمن سر شعر اختي يضمه الشال
وشحدهم يلكوني بشعرج ما شايف شعرج رجال
شال الحرمه الحوك يبين من تغمزلة يصير عكال
اهلي واهلج مدري شبيهم ما جاي الكى بحبنه اشكال
ترفى وياي وصلبه وياهم يمج ما يتدنى خيال
يا بير احفظ مايك واسكت الحب ما بي لعب عيال
من عافك يوسف ضليت تشمر طين اعلى الشلال
.
.
.
.
#شعراء_وذاوقين_الشعر_الشعبي
#احمد_المطوري
#ابو_تراب

.
ما شهكت من السموم كدار نسمة
ولا توازيت بنشد
ولا فكدت الما تعدولي بغربتي
ولا بچوا لي من انفكد
ولا تدنيت اعلى فيهم
والشمس موسم صدك ما ينحصد
تايبة من ان شاء الله يرد البعيد
تايبة من الكلشي مغشوش وجديد
تايبة من اليركض وحبله بركبته
وما درى الموت شيريد
وحشة روحي اعلى كل شي انباع صدفه
وسيرت يم الكمر شمعة بواچي وردته يدفى
ثاري حزني بكد الولاية العفتها
ثاري بية من الدروب شكد سفر بس ما شفتها
وثاري كل خطوة تعب يركض بعمري
وما كلتلك شيبت حسبالي تدري
ما كلتلك على الكحل لو طاح سكته
يرسم بخدي مواسم والكبل غامض عرفته
.
.
.
.
#شعراء_وذواقين_الشعر_الشعبي
#صابرين_الكعبي
#ابو_تراب

.
علية تعبر اذا حطولي سم بالزاد
وما تعبر علية وجوه مسمومه
ناس تحب خراب وكل طشاش اثنين
يحسدون الكصيبة شلون ملمومه
شردت من السجن مو حكمي جان طويل
ولا مضايك من الكعده والكومه
واحد مختلف يرضى اعلى نفسة شلون
هدوم السجن كلها مشابهه هدومه
وبس انت العزلتك بين هاي الناس
ورممتك وانا بيوت اهلي مهجومه
لا تلچم جروحي التوها ملچومه
عصافير السوالف جالات بزور
بس تشمر حصى يكومن فرد كومه
وبس انوي الرحيل البس طويل الثوب
حتى امسح اثاري التبقى مرسومه
.
.
.
.
#شعراء_وذواقين_الشعر_الشعبي
#سعد_شميل
#ابو_تراب

حلم عيون تَوصيفَك
ياقرآن گلب الــروح
يالمَمنوع تَحريفَك
لا أكدَر أجيبَك وكت ما اشتاگ
لا أكدر امر ضيفَك
ولا أكدَر اردَك من تجي بكيفَك
.
.
.
#شعراء_وذواقين_الشعر_الشعبي
#حسين_علي_المطوري
#نٌےـوُُرََ

.
هنا گلبك اغلقة ونام مرتاح
لا تغلط بعد وتفتحه ل احد
وشايف لمن جرحك يجي من هواك
وتضطر تمشي بس ما عندك احد
وعمدآ تنسى هدمك خاطر يصير
عذر بي ترجع من الشوك يصعد
ترد وتلكى عذرك غاد مشمور
البيها الروس من تنوجع تنشد
شيبة براس نورس تعبك يضيع
وترد بوجهك البيبان تنسد
.
.
.
.
#شعراء_وذواقين_الشعر_الشعبي
#مهيمن_الامين
#ابو_تراب