حتى چلمات التغثني أستاحشتهن ..

#علي_مهدي
.
.

شنهي گلبك ؟
حتى ع العآفوك حَّن !!
وشنهي صبرك ؟
گآعد اتآني الموآعيد الجِزن !!
روح عيش !!
المنتظرهم عآيشين
وذني العيون آنسنّ !

نآس ملتهيه بـ فرحهآ ..
ونآس ملتهيه بـ حِزنهآ ..
وكُل الگلوب التهن !!
روح ..
بس تنسى جرحهم آحسب جروحك گضّن !
يآ غريب !! آرضى بـ قِسمتك ..
عيش وحدك .. لآ تدورلك وطّن !!

#علي_عجيل
.
.

أجيسك روح مملوحة ، وغريبة
وإصعد بالحنين وياي گلش فـوگ
وأگلك هذا المفارك حبيبة
.
#علي_الشباني
.
.

.
گالت شبيك و چنت صافن بيهن
هاي الشفايف من شنو مسويهن
گالتلي حبيتك و وحدك بـ البال
و الرجفه رجعت بيه من گلتيهن
و گالت شجاك شبي لسانك معگود
وين ابو لسان الما يحسب ليهن ؟؟
بـ الگوه طلعت مني كلمة حبيت
وحدچ و لا تشبهين المحاچيهن ❤
.
.
#علي_حاتم
.
.

كون الهوه الطخ بقميصك ينباع
وكون التمر من عدها تنضم الگاع

مو شايلاتك تيهتهن .. شبساع

امنيتي الاگيك ابدربكم مرّه
ملگه الخيوط المشت بيهن ابره

اكتب رسايل .. عود منّك ، واقره
.
#علي_تاج_الدين
.
.

العيد من يصير محبوبگ نصيبگ
#علي داود

العيد
من تصبّـح
وأول مراسيل المعايد من حبيبك

العيد
من يصير محبوبك نصيبك

#علي_داود

الوادم الحلوة اشتهتني ومارضيت
انه احبك من عفتني ودنكت راسي وبجيت

منين اجيب اخوان يواسف حافر بدلالي بير

ليش ماتقبل احبك ؟ بيه عيب
عذرك احنه اكبار صرنه ! الموت مايعرف جبير

ياهو ماخاين حبيبه
وياهو ضال بكلبه طيبة
هسه ابيع عيوني وامشي منين مايطلع اجيبه

المسلم يزوج بناته ابيت وشروط ومهر
واليهودي المايعرف الله ابحلقة ينطي جفوف بنته ويركص وياهم شهر

ياهو كال الدين يكمل بالزواج ؟
ياما وادم عشكت وسكرت سكرها اتحول لحبهم علاج

#علي_البديري

وثنينه بنفس المخده اثنينه
ماكو ثالث الله چان ابينه

چانت سوالف حلال
شلون شنسمي الجهال
الله حاط شگد محنه ابدينه

عصرت إچفوفي وباوعتلي وغمضت
مثل جاهل من گلت رايح بچت

حتى ما تسأل سؤال
عدها بس كلمة تعال
بين الحب الأصيل بعينه

#علي_البديري

.
گالت شبيك و چنت صافن بيهن
هاي الشفايف من شنو مسويهن
گالتلي حبيتك و وحدك بـ البال
و الرجفه رجعت بيه من گلتيهن
و گالت شجاك شبي لسانك معگود
وين ابو لسان الما يحسب ليهن ؟؟
بـ الگوه طلعت مني كلمة حبيت
وحدچ و لا تشبهين المحاچيهن ❤
.
.
#علي_حاتم
.
.

لاتصاحبلك لئيم ولاتصاحبلك سياسي
وعيش وحدك صير ناسك واترس اجيوبك جناسي
ولاتكول بضهري ناس الدنيا عاهر تحترم بس الكراسي
وموت وحدك وندفن بالغربة زين
الوادم ادور ثواب وليش مات وهسه وين

وعيش شاعر جذب وكول بقصيده ابنيه حبتني واحبها وهسه كاتلنه الحنين

احنه غلطة دين وشيوخ اهل
احنه حتى وي النفس عشنه بأمل
عشنه تابوت بتناقض لا رضا الميت علينه ولازعل

ياهو ماخاين حبيبة ايمر علينه انحبة ونعشكة ويخون
عدنه حتى الموت غايب حاله حال المايجون

#علي_البديري

الله خالقنه دقايق للطغاة
خلصونه امباوع وضحة ونكات
احنه اخر شغله تسوه بهل حياة
احنه مانسوه عمرنه ومايهمهم ياهو عايش ياهو مات

مرة وصلتنه الرساله حسين ثائر
كمنه شككنة الرساله حسين ماودة الرسايل مسلم امخلص الدفاتر
حسين بعدنه بضهر جدة حسين باجر

ومره طبينه بحرب خال وعمام
ماكو ساتر ماكو تل
سني يذبح
شيعي يرمي
الريس ايباوع علينه يصيح حل

ومره حبينه وعشكنة وغنت ام كلثوم حبنه
والاذان ايصيح حيهم
والإمام يصيح خلهم
والعشاير رفضت الحب الحقيقي وحللت بالتفكة دمنه

احنه ناس ابنص حفلهم صرنه كاس
يسكر الريس كسرنة
يسكر الريس شمرنة
يسكر الريس شربنة
واحنه مثل اجفوف الأخرس لاكدرنه انصيح كافي ولاكدرنه انغني ياس

#علي_البديري

محزم احزام البدو رايد تشيل ؟
وين عايفني يبعد امي وهلي ؟

خذني حاجه وياك
احرسلك
دليل
ولا تخليني بحزن وحدي انولي

#علي_ننه

العالي ينذم ..
حتى لو شايل حلات
انگله مر ..
انا اموتن ع گصر 🙈
خلهم يذمونچ اهلج انا احبج
حتى لو طولج شبر ..

#علي_جمال_الكعبي

يا قميص اليرهم اگدار لجفاك ومااشمه ؟

ياعمر مـآ ردته مـآ طشيته الك خرزات كهرب وانت لمه ..

يا درب ياخذني ليك و مـآمشيته ؟؟
جان حتى اترابه اشيله بجرحي اضمه
حيرتني ؟!
تعبت حتى الحدايق من كثر ما گاعد ابفيهن عفتني
وأملتني الگاك من احتام اشمك
بس مشيت بلا وداع وغربتني ..
سنين ادلل بالشجر واكتب عليهن

هنا احبك ..
هنا عفتني ..

هنا لمتني ..
هنا گعدنه وواعدتني
هنا مشيت بلايه موعد
ياحبيبي وعطشتني ..


#علي_الشيباني

أمس
دورت الرسايل
والشبابيچ وصفنتي
ومالگيتك وآنطفيت !

#علي_الصفار

اريد افهم دفهمونه
خسرناكم خسرتونه ؟

ياهو البينه ضل مرتاح ياهوا النامت اعيونه
انتم احنه حاجونه ؟
ياهو البينه صب ادموع
ياهو الضحكت اسنونه ؟

#علي_البديري

كـِٰارهّ بيتنهَ الـ ما تـِٰارسـهُ بطِولك ..
وخلصّو نـِٰاسي گِد ما فدوَّه راحِولك !

#علي_مهدي

أشمك جاي ..
بس أطلع سراب الگيك
وأردن ردّة المكسور وأگعد وألتهي بطاريك
تعال أرجع وأحنيلك گناطرنا
وألملّك هلا الوادم ..أگللك أمس صرنا
تعال العشگ ما خلاش بحبال الوكت شرنا
اشو شحيت يهوايّة!! ..
الشجر من ينشتل عالگاع موش بكيفه وبرايّه ..
انا اخلافك بشر متعوب ذلّت وجهه المرايّة
حالف لو تمرني بيوم اجديلك ضحك بطران
أدگلك بوب الولاية ..
وألم سنين طيش الفات
وأراوس عمري بحجاية..
يحسرة موكب متانيك
لكن ماكو مشايّة ..
تعال أطغى أشتهيتك خل اضوگ الذل
تدري البير لمته يموت ..لا رد الدلو اموّشل
وتدري الصحرا يمته تعيش اذا شمّت مطر مجبل
وتدري الـ اااخ يمته تموت من تتشابگ وي الخل
شبشرك صوفرت بجفاك
والمنجل وصل للزيج ..
وانا حجايات خرسة وياك ..
تتماطل تظل بالريج ..
مـ انا براسي محطة عليك
تاخذ ناس وتوّدي ..
واطــيح وطيحتي لوحدي
جم اسبوع تانيتك ..
وأردن للسبت وأبدي
طبع رحّة جبتها وياك من كل كتر متبدي
يعندي وكلشي ما عندي
وانا الطاسة .. لجن ما طب گلبها الماي
تشبه طاسة مجدّي
وانا ادموعي اعلى باب الله
مثل معتاز دوم اتدوّر بخدي
حلم خرسة .. دفنت أسرارك بصدري
وعشت وياك بين الـ اااخ والمو ااااخ والمدري
تعال أتدفى بـ أعذارك ..
مو دلّة واعاشر دوم بس نارك
تمنيت بغرفتك روحي يدة باب
يالمالك بعد جيّة ..
تدري الصيف يكشخ بيش؟
من نگعد سوة بـ فيّه ..
وهذا انا جبتها وياك
مُدّة تصبر بمُدّة
صرت ﭼـنّي حبل تابوت
هذا يصيح جِرّه وذاك اليشدّه
يـ كوز اشگد توزع ماي بس بالتالي تتبده ..

#علي_الصفراني

هنا يمن صم ذهب هديتني من ايدك
لو يستقر النفس جا كلت ماريدك

موسم خضاري بده
توه بده ونشفت مواعيدك

من تسمع تعودت عــ الفركه هز ايدك
شتريد اكلك كضت
وكلادة صغت العمر وتعلك بجيدك

اركض وانا المختنك
نسمات الم الهوى واعزل بالتفيدك

شفتك بصحرة ورد وتحزمتلك صبح
لميت كل الندة اليكسر تقاليدك

جا من شفتني طحت جا كلت مافيدك

انثر دموعي شذر
ودوسهن من تمر
واضحكلك بــ عيني
هو انة حتى الضحك بعدك يبجيني

شيطلع من ايدك هني
تكتلتني تحييني
لنارك ردتني حطب
كيفت ما صدكت

معقولة مهتم صدك وتريد تجويني

معقولة عندي جفن
هم حالي حال الدمع
لو زعل يجفيني

غيرك شتل ما شفت
يتشاهد بكل جرف ويخضر بطيني

رحال اتيه النجم وانت التدليني

وياك اضيع العمر بسكون تلكيني

يالشارد من الكلب
نبضة وخذاها العشك
فرها بشراييني

يابو اللكاط الصدك
مر خل اهزلك عمر
واكطفلك سنيني

مر يالعفت كلشي مر
بلكي الهوى من تمر ما يعثر بريتي

#علي_عماد