.
.

اخاف تلوحني ايديهم

واخاف من الحجي البيهم

وانه المگيود والخايف اكول البية واتمرمر

خايف احجي البگلبي وابچيهم ..

خطية شگد تمنوني

وانه المشدوه برسومك ولارديت..

من صاحن معانيهم.

جف الحيرة ساطرني
ويمر كل مغرب يطش المضن بية
وانه شبيدي اعله امر الله
انه شبيدي واذا حبوني شعلية..

يمن ردتك تضل وياي يمهم اضل رادوني
لهفتهم علة ملگاي
تشبه لهفت عيوني

خطية شكد يشبهوني

خطيه شكد تمنوني

#علي_عماد
.
.

بالعافيه ومو عرضه ..
لا شايف خير
وانت الچنت تعرض بـ التنفسته

وادعيلك ...
بكل نفس محتاجك بي
كونك تحصل مثل گلبي العفته

واتركني انه وعازتي
وهاي الـ ليش !!
الكل ما يذكرون أسمك املازمته

#علي_عماد
.
.

مــــن توادعنــــــه ..
الدمــــــع لاح التــــــــراب
و الشمــــس حمــــــره
مثــــل لــــون الدمــــــع

و كلمــــــة ( الله ويــــــــاك )
معنـــاها إنتحــــار
و يــــــاهو بيــــــنه يگولــــــها
و هـــــوّ السبـــع

و گتـــلي لا تحچـــي ..
و گلتـــلك ما حچيــــت
و گتــــلي صــــــوتك
و إنـــت ساكــت ينسمــع

و مــــن درت وجهـــــــــــك
درت گلــّـــــي وراك
أو ويــّــــه كـــل نگلــــة جــــدم تكســـر ضلــــع
.
#علي_عماد
.
.
.

لاتعــب غزر بعينك لا دلال

لاغيـّار شكولنه الضلت رسم

بينت طبعـَك

طبع حيّة حِمْـــاد

إنضملك المحصول وتضملنه سم!!!

#علي_عماد
.
.

آنه حدر الماي واتنفس هواك
وضيعت كلشي وحسبتك حصتي..

شوفني اشكد استحي لو مر جفاك
حته حدر الماي تعرك كصتي!
.
#علي_عماد
.
.

ليلك ترسني
حزن والجفن عاف الجفن وتمَوّت السكته
أتمنه عندي صبر واتمنه عندي خلگ
واتمنه عندي انته


#علي_عماد

الـّـزم صـِورتـٰگ واتـِرسهـُا صفنٰـِه
ولــيش

#علي_عماد

هنا يمن صم ذهب هديتني من ايدك
لو يستقر النفس جا كلت ماريدك

موسم خضاري بده
توه بده ونشفت مواعيدك

من تسمع تعودت عــ الفركه هز ايدك
شتريد اكلك كضت
وكلادة صغت العمر وتعلك بجيدك

اركض وانا المختنك
نسمات الم الهوى واعزل بالتفيدك

شفتك بصحرة ورد وتحزمتلك صبح
لميت كل الندة اليكسر تقاليدك

جا من شفتني طحت جا كلت مافيدك

انثر دموعي شذر
ودوسهن من تمر
واضحكلك بــ عيني
هو انة حتى الضحك بعدك يبجيني

شيطلع من ايدك هني
تكتلتني تحييني
لنارك ردتني حطب
كيفت ما صدكت

معقولة مهتم صدك وتريد تجويني

معقولة عندي جفن
هم حالي حال الدمع
لو زعل يجفيني

غيرك شتل ما شفت
يتشاهد بكل جرف ويخضر بطيني

رحال اتيه النجم وانت التدليني

وياك اضيع العمر بسكون تلكيني

يالشارد من الكلب
نبضة وخذاها العشك
فرها بشراييني

يابو اللكاط الصدك
مر خل اهزلك عمر
واكطفلك سنيني

مر يالعفت كلشي مر
بلكي الهوى من تمر ما يعثر بريتي

#علي_عماد