حن گلبي وادوت بي حريجه
على اليذكرني وي فكاك ريجه
دموعي زودن ماي الغميجه
انه المطبوع خده بجف ريفيجه
.
#اياد_الاسدي

تغمّض عيونك
و احس تظلم حياتي
هنَ اليضوّنلي خايب
رغم كل الدنيا يَمي
و كلشي من دونك وان موجود غايب
يا أعز و اغلى الحبايب

رادوني ما أشوفك أبد
ضموا تصاويرك عليَّ
شالوك حتى من الحلم
وحلمك يجيني بلا صور وبلا خلك
ولمن أفز يبچي الحلم
وأثنينه أعله الراس نتگابل ندگ
رادوني ما أشوفك أبد
ويا حال من بعدك صرت ؟
غصن وخذوني من الشجر
وذبوني يم نار الهجر
واليوم باچر أحترگ
عشت بطرگ روحي وسوادين العشگ
وأسال عليك وتيهت
اسال منو وبيمن أثق ؟
وأنسدن بوجهي أحس كل الطرق ..
وألكه الأسأله وكيفت
وألگاهن الچلمات ويضيع الحلگ
يا واهسي وغيرك منو ؟


#جبار_رشيد

حتى انساك لازم ينلغي الليل
اذا بليل اذكرك چا شسويت


#ايهاب_المالكي

كُبر سوء الفهم واتحول فراگ
وانتهت ذيچ العلاقه العاطفيه
وصارت بيه خوفه من العلاقات
حتى الچنت اسميهه القويه
لأن من تنخذل من اقرب أنسان
الثقه تفقدهه بالناس البقيه .

عاشرنه التعب والآه والحرمان
كلها لخاطرك ولخاطر عيونك ♥️

أحبك بإزدحام الناس
موش آنه اليحب أنسان عالفاضي ،

منين ما أگلبهن كبار
عيونك والجروح وذيچ الأسرار

اعايـن للضـوة الملمـوم حـدر البـاب
هلبـت ضلـك يكسـره

خسرتك وخسرتني وماكو ربحان
بس انت الردت هاي الخسارة
وعفتني وما كرهت ايامي وياك
الگلب ثابت ولا غير قرارة
وگلت اخر جگاره اشربها وانساك
وذكرتك من شربت اخر جگاره

لَا حَوْلَ وَلَا قُوَّةَ إِلَّا بِاَللَّهِ الْعَلِيِّ الْعَظِيمِ..
لُطفًا قراءة سورة الفاتحة و الدُّعاء بالرحمة
والمغفرة لضحايا الحريق في الكوت،
والدّعاء بالصبر والسَّلوان لِذويهم.

گدام رَبعي آني السبع
بَس يا سبع گدامچ ..

في هوى حُسنها أنا وقلبي مبتليِن.

تعطشني وأجيلك ماي والتم بين اصابيعك
سلعتي انت!وتضل غالي
بحصار الواحد وتسعين ما أبيعك

وجم مره يعتني انت!

جم مره بعتني انت واردلك طيف
وجم مره تموتني واشبگك سيف

واكول أنساك بالسكته
وتجي ابالي وأشوف الناس كلها انت

#فواز_رشم

وعدتني ترد يناهي وگلت وعدال
حر دين ويساوي سلف . . . وعدال
گمت ليليه اموت عليك . . وعدال
خبل ومسلسلين اثنين اديه

#أياد_الاسدي

منو الباب...؟

... هاي انه

شنو تريدين..؟

... اريد الله

أريدة احچيلة عالذباح
التوضة بدمنا من صلـه

اريد احچيلة عالبصرة
شـما ربت نـهر ينباع
كلشي و لا تبيع الگاع
كلشي و لا تبيع الگاع...

چا شنبيع..؟
بيعوا خور عبدالله..!

اريد الله...
اريد اشكيلة من الناس

الگلبهم بارد أعله المات
ابرد من ثلج بالكاس..!

اريد احچيلة البروحي
ياهو الغيرة احچيلـه...

راس البي وعي وعناد
فراغة يصير للچيلة ...


سجاد التميمي

وحق اعَيونك الحَلِوات
وداعَت كَل رمش بيهن
طيَوفك من يجن بلِيل
افز من نومي احَاچيهن