ياحبيبي
الناس مدري
شمالهه تباوع وراي

يمكن أمن اكشخ
وجيك أتبين الطعنه بكفاي


عباس طالب

وانـه المتعـوب .. ادگ يا باب

أدگ يا باب ما ينسد

عرفت البوب كلها وما عرفني أحد
.



عامر عاصي

وانته تدري
النهر لو عرس يزفنه النوارس

وتدري
بالجمار شيب من النخل

وتدري بالبرحي
سوالف ماتطك بعثك يابس

واني ادري
بلايه جفك فاهيه عيون المحابس

احمد الزرفي

وناطرنه السچچ ذمه بتعب ملهوف
كل ريل الحضه بعشاگ يجزينه

عزيز واثق

آني
من گد غيرتي مرات انشدك
آني
أغار اعليك منك !!

و انت
تدري خدك اعتبره حلالي
هاي شامه
شبيها و شعدها اعله خدك ؟؟
..
..
( احمد العبيدي )

شيفيد اشوفك ضوه
بشبّاچ حلمي تمر

وشيفيد أشم بهوه
ماطاف ريتك واجه !

و منك ولا بي نفس
لا بي ..اثر لا عطر !

باسم البديري

ما لاگـي؟....
لا والله اكو
غيرك اكو وشكثر

يحضنّي بي واشتعل
كاغد بحضن الجمر

مو مثل من نلتقي
ميّت عشگ من صدگ
والگاك حضنك گبر!

باسم البديري

واذا يمج حجو بعزاز اذكريني
ولو حنيتي تالي الليل وي البدله تلكيني

دوري بكل زويه انه
بهدومج..على الحيطان..تلكيني اعله كل خانه

بكل ضلمه اسير اعليج
مو دمعج على زلوفج توالي الليل..هذا انه
اتبده وي كل غروب يفلانه

#فواز_رشم

گلي بيا وجه بعدي تسد عيونك و تغفى ؟!
.

آه لـو صيـف العمـر ماينطـي نسمـة !!

زهير الدجيلي

سد عين الشمس وارتاح

يا گلبي الجرح چتالته السكته

كاظم ألركابي

وديتلك ويه الگمر
ديرة هلا
ورفة خواچي و مستحه
وريحة نثايه مهلهله
وردتك تجي

عبد الوهاب الحمداني

جــا وأحـنــه؟
نسيـتينـه ولا جنــهَ
على العشـره تحـالفنـهَ
نسيـتينـه !
وعلى الشفتـين مـاتت كل سـوالفـنه َ
فلا ضلت
ولا جلــمه
ولا نظــره
ولا بسـمه

عبد الاله منشد

عندي اعتراض و والدچ گلوله
اسمه وره اسمچ هاي ما مقبوله
لا يعترض ويخلي روحه بدربي
خل يمسح اسمه انتي بنته لگلبي!

احمد ابراهيم

احسك تاكل بروحي وتگلبني وتشگگني

وانه بنادم ياهو الگالك دفتر

امجد الحلفي

كل مواويل التغنن مو لطولك
ذني ون

كل وطن
ما طره جدمك ابد ما سمي وطن

انته يالمنك شگو بگلبي لحن

عمار العبادي

لا والقاسمه الله يبين شما غاب
لا والماي ، ما يحلالي عگبچ بس عطش وتراب

• أفك حزني عليچ بيا وجه ؟ يا لون ؟

كل أمّة محمد ما تجي بعيني
أذا بالصدفة أسمّچ بالطواري أنجاب

زيد الهاجري

لاگمر يشبه ضحكتك حتة اغني
ولا ضوة الوادم يبعد الوادم الحلوة
شربني
ردت اكلك
لاشعرهم جاس كلبي
ولا اغانيهم خذتني
انته بس انته الخذتني


حسن الترابي

انا ادري بيك تريد تعتب يا گلب

ودي والله… ودي اعتب مثلك واحلف ينگضني الگطع وابچي شكثر

لاچن وداعة بياضك والمحنة البيك والدم اليوصلك حسرتي من اجرها

الصحبة اذا وصلت لحد باب العتب حفرت گبرها
وليش نصبغ بالگبر

وك يا گلب يا گبر

وك يا گلب چا حيلك گبالي تطلعه

هو هيج الخايف يدگ عل ربعه

.
.
موسى الحمامي