غيـب حـتى اليشتهـي عيونـك يجيـك ...

سعود الخفآجي

.

بمنام و بيك نحلم .. تونه غافين
فزّينه وسمعنه اعله الدرب جيت

طشّينه الچفوف لعين ملگاك
ما لحّگنه بيها نّجيب چكليت

وشلعنه الباب خاف ايأخرك الباب
وطلع يركض گبل لا نطلع البيت


بارق العاشقي

تعذرني اذا تيّهت ويّاك بحّچايه ..
هذا الگلب من يرفّ يتخربط هوايه ..

وبكيفه يسحگ درب
ما ماشي بي گبلك ..
ويشد سوالف الك
ويفلهن لغايه ..

تدري؟ النفس بس الك ويريدك تضمه ..
يلهث يخلص الليل ويجيسك ويايه..

ضلت بعد لو الك
خطوة محب تصدگ ..
وتشيل صرح الزعل
وتدني المرايه ..

كبرت ملامح الي
من شال مني الطيف ..
مكروه طاري العشگ
لو صحله شرايه ..

ياخذ اطباع الورد يذبل كثر شمه ..
ويشوف روحه عله مي صفصافه مو مايه ..

وادريك انت المري الشافتني وانكسرت ..
مو حمل هاگد ضوه معذور يا ثايه..


ركزان

يسمسم لاتطش روحك ...
اخاف تروح
ضميرالماي مونفسه

شرب روحه
وترس وجه الثنايا اجروح

اخاف تروح ...
وانه (المالهمتك)بس حلفت اعليك
سمسم (والمسهي)ايلوح

مالحتك ...

يمسموح ...وكلت للروح
مامسموح ...

عدنان البركي

منين ما صحلك مجال
اترس صفنتي
كلشي بيك استاحشتله
.

لــ احمد المياحي

اليعمن عيوني گبل لو فارگنها
انه ما ضوجهه لكن ضوجنهه

الغارن امن ابعيد منها
كربت روحي عليها وگلت لايهمچ حچيهن ؟

هو بس خيط من القماش اليغطي اجزاء جسمج
-بعيني استر من عبيهن !

احمد ابراهيم

صحبآني انصدمو بـ افعآلي
گآيم مآ اهتم بـ المآضي !!
و لآ ينزل دمعي اعله اغنيه
سألوني شبيك ؟؟ و گلتلهم
احلى إحسآس المآ يتوَصَف
مآ اريد اعرف شنهو البيه !!
حسين السعيدي

يناهي لاتميل الحطب..وجرا
بروحي وأكل جفني الدمع وجرا
يلو تدري بجفاك شحصل وجرا
حتى الموش زلمة يعيل بيه

الشاعر مالك البطلي

عله عكلي اشتكول الناس شتّم
ثكل واعليه من اهواي شتّم
مره المست خده اوكام شتّم
شكو ميت يربطه النسب بيه

كرار العبودي

ألم ينخر بلب عظمي والم راض
والم ماينلجم غاير والم راض
طريح جفاك خلاني والامراض
غدت تتواجر بكل كتر بيه

امشبه؟ لو عِرف! لو شاك..لوحان؟
لو شايف عيوني ابدمع لوحان
صحت بضلوعي من مريت لوحان
ضلوعه وناوشنّي الگطع بيه.

علي عماد

حبل فرگاه يرني والفير حل
الله يعين كلمن ولفه يرحل
ذكرته بليل هندس والفيرحل
فير ليل اهدعش بالغاضريه

حسام سباهي

شوي ابو ذيات ❤️

للي يحب يتونس وي الابوذية 🌸♥️

واختاريت شكم وحدة عجبتني ..

واعتذر من اللي داز بالبوت علساس ناشرهه من قناتة
هنا شفتهه ونشرتهه ❤️ ممنتبه على نشر القنوات البقية

زعلني بس ابتسم
و اتصنت اعله الگلب تلگاه صايحلك

-وصدگني گبل الزعل حتى انه طايحلك!❤️

احمد ابراهيم

جبنـه

كل أعمارنه نداري مزاج

وما شكينه لـ غير ربنه علومنه

وآه تتبـع آه

والـ الله كريم

تزيح كل آه أعله طرف هدمونه

لـ حسن_الأسمر