" يالمضيعين عمري هنا يالوكاح
نمت وگفه شگف عن لچم الاصفاح .. "

محسن الخياط

كون نتريگ عطركم لو صحينه ...

ما متعوّد أگضي أيامي مو يمك
لو رايحلي كلشي ولا حلات أسمك

يريت الناس كلها تعوفني بحالي
وبس أنته وحلاتك ترهم گبالي

ماسميها عيشه التنگضي بدونك
خل يطفالي كلشي ولا ضوه عيونك

زيد الهاجري

لو أدري
الدموع تجيب وتودي
لـ افتحلك بياض العين
لحد ما يغرگ البردي

عباس چيچان

وانــه
ياهــو الماعرفني اشــگد احــبك ؟!


الحلفي

عودتني
الدنيا ازغر
واحني روحي اباب حلمي
گبل لا دنگ يحدب ظلي يمي
ناقصه وكلي غوه بميزان ديني
منين ماخاوي الضوه

اششش
يعميلي عيني
من حواريتي بنوا جنه وخمرها
وكلشي يتشرع دغش

ركزان الشباني

هذا الليل وانته بكل حلاتك جيت
متنمر عشك شايل خلك صياد
ومحمل قصايد واحنة باول بيت

هاشم العربي

ولا تشيد قصــر يـم خيمـة فقير
وحرمة عاجر لا تراويهه الجهال
ولا تبوس ابنك اذا يمك يتيم
تجرح الحرمان بوسات الدَلال
المهم گلبك, شنهي مال وشنهي لون
المسلمين هواي ويأذن بلال


حسين السيد نور

عطّشتني

بـ ماي حُبك خاف ربك

مظفر النواب

لا تهدني
الوطن حيطانه بعيدة ، وما يلّـم الينتچي
انه من تغيب
يستفحل على عيوني البچي
ياحبيبي
شلون لو شحّت مكاتيبك علية ؟
الغيم مايودي حچي ..


ياسر الانصاري

هـذا اخر حمـد بـ الـروح
اذا تردونـي

غـــنـــولي

ابراهيم الرائدي

وانه من ياهي اشتكيلك ..
و انت كلهن !

سيف العتابي

اشتهيت آتمر وآشمّنّك ولو دخان
اشيضرّك من تجي آسويعه ؟
ولو جيّه بوجه زعلان
ولو تكَعد آمغمْض العين
ولو نتكَابل بسكته مثل حيطان

القصاب

‏أريد أن أتسكّع بين خصلات شعرك
ماعادت الشوارع والمقاهي تلهمني ! ❤

أنه المامش خيال يوالم خياله
أنه الضحكن جروحــه بوجه چتـالـه


ذياب گزار

معصب عيــونـي
منيـن يطلع طيفك

هـا يا ربيعي الكاسرت
بالدم شتاك و صيفك

#سجاد_التميمي

ويا حــزني
كِحِل لونك
تجيني مكاسر بـ ليلي..!!

ويا لــيلي
حضن دافي
اجيك اشكي
وتغنيلّي وتلوليلّي


ويا صبــري
متن لـ الاخ
بس انتَ الـ تتچيلّي ....

ويا عمــري
نهر ما يگدر ايتاني..

ويا شوگــي
لهب تنور
من يثگل بصدري يصير
لجروحي وجه ثاني ...!!

.
.
.
علي عجيل الخفاجي