وجهي يشبه
كل رصيف اتبيعة خطوات الدرب

الدنية مجنونة
وتعب روحي لهب

انا طبعي اوي الحزن ما عندي باب
منين ما رايد يطب

#غانم_الفياض

ياحبيبي
الليله من بعد النعاس
كَبل غيرك مر عليه
خدّر آعصابي بحلم
حتى أشبع نوم دافي وما أفز
ياحبيبي
آنا من كل طيف آفز
الّا طيفك
من يجي آيدثرني بسوالف حرير
بريحة آمي وما أفز

#القصاب

اعذرني وداعتك
مابية شي يسوة
شتسوي ببشر ينشاف بالكوة

شنو احساس المحب
من يرد للمحبوب
يلكاه مو اتغير
صار مو هوة


احمد عاشور

انصدمت بشوفتك
جان الافراك احلة
جنت لوحّدي بس ما شفت ذلة
جنت تجرحني
ما تدري بغلاتي تزيد
بس الجندي كلما ينجرح يغلة


احمد عاشور

اعذرني النهر من يسكت يجامل
ترى غير الـ احبك كلشي ماگايل
واحرگ صورتك كلما يغثني الليل
ألبومك نقص بس الجرح كاامل
.
#علي_حسن_علوان

هو العنده خدك كفرة من ينعاف
يلـ تخبل مثل لعابة الجاهل
شحلاتك من طحة
طيحة شمس بالماي
يلـ مايل مثل ماحاجبك مايل
بس وصلت وياي لدوسة الچكليت
مو دوم اليحب يعيش متنازل
من انكت جفوفي تراب تعبي يطيح
مثل ذاك التشوفه بدلة العامل
.
#علي_حسن_علوان

اعذرني رسمتك بالمطر ع الجام
من يبرد العاشق كلشي يتصور
ماخذ غيبتي وعايفني بس مرتاح
عندي المهم كلبك بعده يتذكر
صدكني اليتيه عشه يكضي الليل
مثل طيفك براسي للصبح يفتر
لا والحلوه عنك انسأل مرات
واحتار بدمعتي بسالفه اتعذر
واجنت ادري رسايل تنشك وديت
وابررلك واگولن ردك تأخر
ومو هسه متت لا موتتني وياك
من كتلك احبك ماكلتلي اكثر

#حسين_الحبتري

ليش هيج تلاگي ولفك
ياهو المعلمك على ملگه الفواتح
وانته نورس
ليش گلبك ما يشبهك ليش الگاك بضباب الجام كاتب
مـا احبك
ليش مو اني احبك

#مرتضى_الغرباوي 🌿

ارسمك .

واستحي من التعب بعيونك

واحظنك واشتم جفوفك

واشم صباي بمتونك

عشت بديره

كله الوان بس ما غيرت لونك

امنشوف خيالك اتنخاك

واشهكك سالفه وغنوة

يلمعلمني حزن العين لليسوة

شجم ليل ع ليل يموت

وانت السالفه بصدرك

تسد عين الشمس عن لا تجوينه

يفي احلامنه شكبرك

كل طير اشتهه يرتاح

بنه عشه علمتونك
وكل تايه لكه دربه
لمن شاف الهلا من بعيد بعيونك

روايتك والمرايات

ما شافن صدك روحك

وضحكت بوجهي وتعديت

ودفنت الاخ بجروحك

بكل هبت هوة اتلكاك
بكل فزعه ظمير الكاك

بكل ضيجه التمر بيه
اسد عيوني واتنخاك

شگد وجووة بهتت وانت ذاك انت

نهر ويموت حزنك بيك

انه ابنك وما شفته

لسنهم تايه علبوب

وانت حجايتك تومي


خميت ولكيت الناس

بهتت كل ضمايرهم

الغريب التاه دربه عليه
عثرته بنص كناطرهم

ولا بيهم اسم الله تفز
ولا بيهم ظمير يفز

تطشرني الليالي ع المحطه جفوف
وارد باصيتك اتلملمم

انت اول وطن ينشم

وانت اول ابن آدم مشه بروحي سنين
مثل ممشه النفس بالدم !

#محمد_عباس

قصيدة الاب

مثل كحله الضوء البل عين هم ينزاح
لو طول مزنهه وبس دمع تشبج

عباس الحمداني

أحنه. بينَه
الجَرحــه بيـــين من خياله
احنـــه بيــنه ...
مبيــن بوجــهه تره الفاگــد حلاله.
أحنه. ناس گلوبنه تعيش برساله

حسين علي

❤
على شوگي ونفس جفن اليتانيك
احن وللزعل ما منطي لزمه

بموعد جيتك كون اندل الميل !!!
و اسطي إعلى الدقايق حتى اقدمه

انه مناطرك نظرة غصن چان
اخضر بس قبلت تعوفه يضمه

بررلي سبب عطر البلا روح
وليش الشمس تطلع بيها عتمه

حرت وجهك اليتراوالي مرات
واقع لو لان مشتاگ ارسمه

#ايهاب_المالكي🌿

سامريني

ليلي وحشه وكاسي فارغ

وكل شي بيّه يريد يسكر من حلال

#القصاب

و اليگلي شبيك
ما گله
اتعبت فوگ تعبت

بس افك صدري و اشوفه
مچوي گلبي
چويه ..
چويه ..
ما أحن
بس ما تبت ..!
.
#قيس_الربيعي

لا تتعب تدور على غيري
آنه غيري
وك آنه من أول عمر لآخر عمر ..

#جمعة_الحلفي