بعيوني لمعة دمع ...
ومنين ما ألتفت الگــه العمر ذبلان ...

#حسين_الحبتري

طاحلك كلش هواه
ومن طحت مامدلك ايده
لوم روحك
دوه العار وجوه و ولايه جديده

#حسين_الحبتري

اعذرني رسمتك بالمطر ع الجام
من يبرد العاشق كلشي يتصور
ماخذ غيبتي وعايفني بس مرتاح
عندي المهم كلبك بعده يتذكر
صدكني اليتيه عشه يكضي الليل
مثل طيفك براسي للصبح يفتر
لا والحلوه عنك انسأل مرات
واحتار بدمعتي بسالفه اتعذر
واجنت ادري رسايل تنشك وديت
وابررلك واگولن ردك تأخر
ومو هسه متت لا موتتني وياك
من كتلك احبك ماكلتلي اكثر

#حسين_الحبتري

و مدري اعـيش بـ راحتي
وما ادري امـوت
صبر يرادلـهـا
بس جيب الـ صبر !!

#حسين_الحبتري

❤

اضحک لليشبهك و اصفن شگد بيك
حتى البي شبه منك و لا ينمل !!

#حسين_الحبتري🌿

ومايعـرف النار بـس الثـوبه شـب
وبالمحـطات الهـوى شـابع عـتب


#حسين_الحبتري🌿

ومرة اضحك واكولن فرصه وتروح
واتاني الثانيه تعوض الخسارات

واتاني الثانيه وتمر السنين
وارد أندم واكولن لا حرامات

المهم ياهو ليعرف شبيه وارتاح
انه مو زين ساعه وزين ساعات

#حسين_الحبتري

❤
منين افوت ..

بـ راسي حيرة عاشگه لچتال اخوهه

بـ هدمي ريحة سالفه ثار وحجوهه

#حسين_الحبتري🌿

گالولي انساه بعد

گتلهم يحن الي

وادري انه ما اهمك

#حسين_الحبتري

شمدريني العيون شماحلت تنباگ
جا ضميتك بنص گلبي من اول

#حسين_الحبتري

بروحي الخضار شكثـر
والخاطرك صوفـرت
حتى ارهـم لنـارك ... !

#حسين_الحبتري

❤
هيه مقسـومتلي هاي العيشة گوة
وماحچيت
ولا عشت دور المسافر
لا لگييت بنادم يگلي بطيت

#حسين_الحبتري 🌿

چا ليش اختنك باوقات الغروب!؟
ودور حجه حته ابچيلي دمعات ...



#حسين_الحبتري

هسه انت مو قسمتي ..
چـا ليش ما تنسي وارد اعرف اخبارك .. ؟!

#حسين_الحبتري

مرة أبچي وحدي ومرة أغنّي..
ما صحلي واحد يفتهمني!

#حسين_الحبتري

تدنالي..
ولو زلة جدم بالطيف!
يمعود تدنالي..
يكتالي!

#حسين_الحبتري

المثلي مقصر ومافهم معناك
ويعرفك بس سجن لو تنطي المراد..

يمن صوتك براس الظلمو يفور
ويطيح بعينهم طاريك ارماد...

صح جنت بسجن مولاي مكيود؟؟؟
حاشه بجفك انت الطاغي ينكاد...

اجي للتاريخك وماشوفن سيوف
ابشط حجيك وبي لحت الابعاد...

كبتك ذيجه بس الحاربك وين
فرق ماي العيون وماي الاركاد...

ءنه منك عرفت الجنح شيفيد
اليبقى على الغصن تاليته ينصاد...

ياموسى ابن جعفر طافح الشوك
اجيتك والحزن بالروح ينعاد...

اجيتك ردت اكلك امي بخير
وتزف للمكابر ذيج الاولاد...

يابرد وسلام الوكت نمرود
وبختك للعراق اليوم يراد...

الحمامه بحظرتك محسوده مولاي
بوكت مابيها امان عشوش بغداد..

ياموسم الخير على الفلاليح
وياغيمة الفقره التمطر اعياد...

غشيم المانخاك بساعة الضيج
العكس الريح يبحر شابع عناد...

اليفهمك بس ضريح هواي غلطان
الورد بس اليشمه يعرف شراد...
.
#حسين_الحبتري

وآضحك لـ اليشبهك وآصفن شگد بي ..
حتى البي شبه منك ولآ ينمل !

#حسين_الحبتري🌿

انته بروحي و يشوفوك
دگة بوجه عُربّيّة!
.
#حسين_الحبتري

هاااا يريح !
بهيدة وي مكفاي عينيني يريح .

#حسين_الحبتري
.
.