شعرچ أول ليل طايح !!
لا تگليلي احبك
مو حچي الحب بالملامح
وانتي چنچ گمر عاجل !!
صرتي سالوفة بحلگهم
شلون وادم
ابد متحب الفضايح !!
.
#قيس_الربيعي

عله شباچكم من عيني طابع لون
و شباچ اعله وجهي انرسم من صبري

ما چذّب عليچ و حلّفي العصفور
عله وجهي يحط من دون ما يدري

#قيس_الربيعي

الچانت مني تترخص تروح السوگ ..
بحضن غيري غفت من دون متگلي !!
.
#قيس_الربيعي

شمعرّفهم اصلاً انتي تنحبّين ..
الـمو ريفي شيعجبه بگيمر السدّه !!
.
#قيس_الربيعي

اكتب المن !!
شنهي رايد ؟؟
و اچفي بحساسي بورق ابيض عليمن
مو سمارچ تارس جروحي قصايد

ليش اغني !!
و ليش اتعب روحي
بس كلمة احبج
تسوه كل هاي الأغاني
.
#قيس_الربيعي

و دورتهن

ليله ليله

وما لگيت لشعرك مرايه و مشط !!

#قيس_الربيعي

صارت فتره و ما نتلاگه

و الروحه لوجهك مشتاگه

گرگيعان الليله و فرصه

وي الاطفال ابابك اوگف

بلكت رقمك بالعلاگه
.
#قيس_الربيعي

شكد قصايد شگگتهن
الما تجيبك من عنادك
صوب حضني
مو قصيده !!
.
#قيس_الربيعي

كلهه تموت بس مو هيــچ !
ابّيــــــــت اللــــــــه
بشهـــــر اللـــــــــه
لوجـــــــه اللــــــــه
الهوا اليعثر ابريّته يصيحله اسم اللــــــه
الـهيـــچ ايمــوت مـا يندفــن
جــــوّه الگــــــاع
كون اندفنــــه يـــمّ اللـــــه !!!

#قيس_الربيعي

💔
اهو بكيفه علي وگال اشتهيت الموت
كض سيف اللي راده وچفه اعليه دمه

علي ورده علي الما شمّه مو ذوّاق
العنده اربع حواس بروحه يشتمٌه

ل #قيس_الربيعي🌿

بكل محطات الملاگه
تلگه الي شوغة تذاكر

لا رفيجي و لا حبيبي

صرت چن شامه اعله خدك

وين ما تهواني اسافر !!
.
#قيس_الربيعي

و اااخ من اصفن عله شفافك تسولف
چنك اخبار الجريده
بدون ما تحلف اصدگك ..!!
.
#قيس_الربيعي

گلبك امسيجه
بـ احبك
فوك احبك
فوك احبك

گلي چا هذا الغريب
منين طب من يا احبك ؟؟
.
#قيس_الربيعي

و اليگلي شبيك
ما گله
اتعبت فوگ تعبت

بس افك صدري و اشوفه
مچوي گلبي
چويه ..
چويه ..
ما أحن
بس ما تبت ..!
.
#قيس_الربيعي

. شجاچن ياسهام الـ آآآه
و لا واحد عبر عالريش ..
الما عنده ولف يتفگده من يغيب
چا شنهي
و عليش ايعيش !!

لـ #قيس_الربيعي🌿

احسهن ما يصيرلّي

الهوى هذا التشمّه الناس
فيروز و سوالف ياس
المواعيد
الورد الاحمر
الضحكه الـ من گلب و عيون
الـ من اشكي و لا يبچون ..

(صباح الخير ) چذابه !
صوچ اهلي ولا گالولي روحك طير
و عشت كل عمري بالغابه
.
#قيس_الربيعي

عطشان
و خدودك جرف شابگ نهر !
بعده الصبح توه بده
و طالع گمر !
رِد ياگمر
لغروب وكتك ياگمر !
.
#قيس_الربيعي

يا حنيني

بوسة موادع ابوسك من تجيني
.
#قيس_الربيعي

وين ما حط ايدي
اهيّس لچمه منك

ليش احبك !؟؟؟
.
#قيس_الربيعي

صار الليل نام الگلبه بارد
و بقه كاعد الولفه بگلبه كاعد

بين احساسك و عقلك حرب چان
صعب بيناتهن توگف محايد

حدود بروحي ماكو اجمعهن شلون
گلبي بصدري لكن عقلي شارد
.
#قيس_الربيعي
.
.