‎الـ بياض الـ صابغ خدودچ ،
‎گمر يضوي بليالينه ..

واتٌمناك
واتوازه اويه روِحي اعليَك
واگسر حاجٍز الجرحيَن
وِاتــ عناك وِأوصل وِارجٍع بِليَاك . . ّ،

”
لِـ _ َّسعودِ ألخَفاجِي .

اثـاري ابنادم امن يـطيح..
بس چـفوفه لـتعينه..

وليد حافظ

انشالله بخير وعسى عيدج امبارك
و التهاني وطبع اديهم فوگ چفي

ذني من غيرج ولا احس بطعمهن
وانت منج بس الشلونك يبعد الزين بيه هواي تكفي!❤️

احمد ابراهيم


كل عام وانتم بخير حبايبنا 🌸

شنهو السبب يوم اجفاك وضحه
اون اعليك نص اليل وضحه
عفتني كبل عيد الفطر. وضحه
غداً يأتي .. و ولا مريت بيه
#كامل_الكعبي.

العيد .... من تصبّـح
وأول مراسيل المعايد من حبيبك _

العيد _
من يصير محبوبك نصيبك

علي داود

و مآ تگليلي احبك تستحين
اله اغمض عيني و اتگوليهه
اشعندچ اتخآفين اذا گتلچ اروح ؟؟
تنحچي بس جِيبي اليسويهه !!

لـ حسين السعيدي

للمرأة العراقية ،
ليس بوصفها ( خايبة ) ولا بوصفها ( زلمة ونص ) بل بوصفها
امرأة عراقية فقط .
.
.
عراقيات

اسمهن حرز للنسوان

راية شرف معكودة

وحجيهن بلبل البستان

اذا جاس الندى خدوده

عراقيات

كصيبتهن تصير عگال

لشيوخ العرب وحزام

للبين نگص زوده

عراقيات

لم الله ال ( لعد ) و ( الچا )

وخلق بيهن الحور العين

وشوف انت شكثر ترفات

الهوه اذا فكر وما فات

تلكاله اثر خطوات

عل خدين


موسى الحمامي

دوريتك
بين شذرات الگلايد
مالگيت هناك وجهك
شنهي سرك ?
منهو انته
ياوطن تستوطن انته
وشنهو امرك ؟
چم گلب علگته يمك
وچم حرز
ضل اعله نحرك

نور رعد

عفيه گلبج بالافراك شكد جسر ؟؟
بسهري كاسر خاطر المايدري قصتي
وخاطرج ماينكسر !!

#علي_آل_جعفر

بالظلمه المضويه آبطيفك الكَمري
تجيني آمحاسنك ترفه
وآحبسك بين ذرعاني ودفو صدري
اشبكَك ضي على طولي وكَمر شذري
كَمر عن الحسد شذري
اغمْض آعيوني،آمصّن لونك الخمري
وتسيل آنفاسك بروحي خدر عذري
خدر مدري شني طعمه ،وبعد ما آكَول
بعد بيه حجي ،وما آكَول
بعد هلكَد حجي!! ،وما آكَول
لأنــــــك بالحجي تدري
.
#القصاب

حركت البيش حته اندل نواياك
وندهت افيش كلبي بزفة جفاك

وركد ثوب الضوه الماشايفه كصير
طال وحشميته يهيض وياك

الماعنده نذر شور بالعيون
نذرتك والحلم حلفته ينساك

اهي مرورة فداوي بنية الها
بعيد وجاب نشد الآخ طرواك

#عباس_الغالبي

گذلتك للهوة مرايه ،،، وتراچي العافيه اسنينك

جزاني العيد

چا وينك ؟؟

#علي_تاج_الدين

تستفزني
آتحاجي غيري ، آتريد أزعل ؟
بعد ما أزعل عليك
گبل جنت آزعل لأن گلبي بديك
هسه ما آحبك آشلون آزعل عليك

#القصاب

كبل كل ايام ربك عدنه عيد
وصدفه من نسمع مناحة ونايحــة
هسة عيد وعيدك مبارك نشاز
وندخل بكل بيت نقره الفاتحــــة

#عبدالحسين_الحلفي

شكثر سولفت للشمعات
بلكي تجيب طاريهم
شكثر وصّيت
حتى المالهم خبرة وعرف بيهم
شكثرفوگ النهر خلّيت
چم دمعة ورسايل شوگ
واِتعذرني ساعي الماي مايندل شواطيهم…..
شكثر… وشكثر
لمّن راحن ويه الروج
دمعاتي ورسايلهم واساميهم …

ميثاق الهلالي

اعذرني وداعتك
مابية شي يسوة
شتسوي ببشر
ينشاف بالكوة
شنو احساس المحب
من يرد للمحبوب
لكاه مو اتغير صار مو هوة


احمد عاشور