ترفه وعيون البشر متشوفهه
النده لو يوكع يأذي ازلوفهه
انه بين اجفوفي خليت الدعاء
شوكت اشوف اوليدي بين اجفوفهه

#كامل الكعبي

انه أنساك اذ ب اسود. رشمات
بغيابك حته وي نومي. رشمات
صدك ياناس علاوي رشمات
وبقت حضنة املاگه ادور بيه

للقريب #كامل_الكعبي. الذكرى السنوية لن ننساك

صديجي ومن كلامه الگلب .. بچاه
عتابي طفل توة صار. .. بچاه

على الخله جرح مفتوگ
على العافاني نص السوگ

على الخله جرح ما طاب
اعتنيته بوجهي سد الباب

صديجي الي حسبته سلاح
وي شماتي صار رماح

گال انه اعتنيتك جاي
جايبلك هدية وياي

جايب خنجره وبالظهر .. بچاه
وضحك فاگدات الشرف بية

#كامل_الكعبي

شسالفه وبگتي الفرح من جيتي
حفلة تخرج بس خذت عافيتي

٤ اسنين وراح بيهه المحبوب
حتى الهواء بلحفله ماطب ريتي

انظر لربعي اشلون عني يروحون
ومحبوبتي الماكملتهه امنيتي

مو صوره مال اوداع ناخذ ضنيت
صورة عرس وياج بت كليتي

#التخرج
#كامل_الكعبي🍃

ب اول ابتدائي وحيل نحتاج
النجاح وجان حيل ابالنه يدور

الم طلاب صفنه بلهفه ازغار
واكلهم عدي الكم خوش دكتور

ماينطي ابر ينطينه حاجات
وعلشباجه مايحتاج طبشور

وعلي يمه النجاح و اول نصير
اذ للكاظم اتعنينه ونزور

#كامل_الكعبي🌿

💔
منجل من تمر سويهه مرني اهلال
يل چنت اعتنيلك زمزم بصحره

يجونك جية الحواف بس بليل
وتجيك بحلقه لمن تعشگ الفقره


جديد المبدع
....
#كامل_الكعبي🌿

💔

تره طول علينه..الجوع ابو حسين
انگطع حته الهوه ومختنكه الانفاس

ابابك نوح ...ضلع الزهره مذكور؟
نباوع بس دمع بس صرخة الناس

نمشي ونسمع الوادم يصيحون
الخبز يسجد واجته الطبره بلراس

#كامل_الكعبي🌿

💔

جرحوني مايدرون مشتاگ اون

الگصبه ناي تصير من تنجرح


#كامل_الكعبي🌿

شنهو السبب يوم اجفاك وضحه
اون اعليك نص اليل وضحه
عفتني كبل عيد الفطر. وضحه
غداً يأتي .. و ولا مريت بيه
#كامل_الكعبي.

هنا يالريحتك چن ريح عنبر
شسولف عن بحر بجفاك؟ عنبر؟
بعد ضيم الحصار وصرت عنبر

بعزيمة وبّيسوا معدان بية

#كامل_الكعبي🌿

گالو صوفرت ما درو بيها انجاز
تكثر هيبته امنيصوفر السنبل

#كامل_الكعبي 🌿

💔
عيد الحب اجانة بهاي الايام
وكلمن جايب لخله هدية

لكن نسة العيد بحال الفراگ
المفارگ حبيبه شگد خطية

المفارگ حبيبه مفارگ الروح
لهفتة تزيد اذا صارت مسية

كلمن كاعد ومحبوبه وياه
وانه ويا الدمع گاعد سوية


#كامل_الكعبي🌿