انصدمت بشوفتك
جان الافراك احلة

جنت لوحدي
بس ما شفت ذلة

جنت تجرحني
ما تدري بغلاتي تزيد

بس الجندي
كلما ينجرح يغلة


احمد عاشور

لو كايلي
دكات الكلب تنباع

جا بسطت
بيك بأول الزعلة

بس انت
بحياتي ما جنت ختلة

جنت اتصورك شايلك البدلة

حتى الهوة
اتغير ما يهب وياي
كبل جنت امن اجيك يحرك الكذلة

احمد عاشور

چم مره

كتبنه اجروحنه بسكّته وجزن چم شجره مذبوحه ..

رادوها منصّه وتالي كل بسّمار بيها اندك…. كره روحه

رسمنه الكل جدم دربه.... واتّمادت اساميها !!

شمدرينه الكلوب اغروب

بوّشالة شمس مخنوكه اغانيها ..

صفينه وكلشي بينه انشاف

وباكوا كل صدگ عدنه ..چيه گلّنه الشمس جذبه



حيدر ألكناني

استحيت
ولبدن اجروحي
وغفت بية سوالف غيم

فزيت
وحدر شفتي
عتب بايت ولا مرسوم

فزيت وصرت
صوب الحزن نيشان

اسابك
بالنجم ليهم
والاكيها النوايا الوان

علي محسن

ها .. اي فدوه الك تستاهل الروح
دستها انته وعفتها اكراما الهم ..

وانه بنزّات لچمك بين الجروح
اهوّد روحي واتگبگب ضعنهم..

واچذب عيني بس گلبي شيجاريه
الذبحني انت دخيلي ولذت عدهم

روح اموفق انت..بكلشي خيّال
وابريك الذمم ومهنّه يمهم

مو حصّة عتبتي ولا رزق باب
ولا بأسمي انكتبت انت بأسمهم

ركزان

دوريتك
بين شذرات الگلايد
مالگيت هناك وجهك
شنهي سرك ?
منهو انته
ياوطن تستوطن انته
وشنهو امرك ؟
چم گلب علگته يمك
وچم حرز
ضل اعله نحرك

نور رعد

على رموشك
نثرني الليل
واعتازيتلك شباج وين انشد

صابرين الكعبي

ليش اتاني
لا تواعدني اعله باجر
وانه شفتك شگگت موعد امس


للـ زامل الخفاجي

لتخلّي بالحايط ورد
تنصحني بس آني الچنت ..
كلش بهاي عنودي

حد ما
مشيتو من ألسلف
و فطور حايطكم مشن ..
و تحوّلن بخدودي

لـ محمد سعيد الطائي

وآشتهيتك
ولنفس ذاك المكان
ادري ما ألكَاك لكن
كَلبي آخذني وما لكَيتك
ورحت لمراية صفنتي
اتخيّلت ألكَه اليشبهك
ألكَه آليكَابل دمعتي
وما لكَيت
ضاج صدري
وكَابلت روحي وبجيت

#القصاب

چا غير الـ بنفسك يظل
كون انت باقي ابنفسه ..

غير اللي ينطيك الظهر
تنطيه گفاك وتنسه !

والله اليحب وينكسر
فاتحته تسبك عرسه '!

#نهاد_الخيكاني

اربع مواسم !!!

ظل خريفج يجي

طاحت ملامح وجهي مثل الشجر

#علي_رشم

و شيبني
شيبني بفركتك
يطي هيبة الشيب
التجاعيد التسوي الهيبة للمبرد


حسين السيد نور

وين ودنك شبابيج الضمير

بيا وطن واتبدلت صوف بحرير

بيا خصر شدوك يل صيتك علگ

وانت گلبي شما تخيط موعد ايبين فتگ

وانجفيت بيا وجه روجة نهر

بيا درب بستان دنگلك عثگ

عوف كل اذان مايروي الضماير

وعوف كل ثائر رفض صوت المنابر

منين مافز الضمير ايموت شاعر

يوسف الحلفي

وحتى الجنت أحبهم مادري شبيهم
يسموني قديم الفات وكته وراح
وأنه الحب الاول جنت أسميهم
صورهم عالكلب ودموعي بالحيطان
من انشغ هنا مناك أبجيهم
وأكلهم
ليش ...
هالمره صدك زعلان
يا دنيه صدك زعلان ...
هو انه فقير
وفقط يم ألفقره أحس بروحي خوش انسان

زيد السومري

تلگاني
و اخذ كل المفاتيح القديمة
انطيني مفتاحك
مفتاحك اعله كل وجه
ابيض ينشتل شامه .. !!

#القصاب

الضوه من يضيع
نتعنه ونجي لبيتك

ل عمار العبادي

ضگت العناگيد وشفت
ما تسوه اجيب سلالي

ل مصطفى جبر