داريني..
تراهه اعثوكَـ حيلي اتطيح
من توصل شبابيچك
....
لعلي_ناجي

لگيت الغربه بعيونك

ويمر طيفك وافزز كل ضوه بلونك

ولا چني تبت منك

يچتالي الهوه شماله واشمنك ؟

مرتجى سعدون

يهلبت بيك زلّة شوگ ويحنن مراسيلك..
يهلبت طيف وتسيّر علي وتگلّي شدحيلك..
چا خضّرت من اجديد..
چامشّيت المرايه و عزمت المشط و الحنّه..
چا نشّيت كل نورس بحجة عيد..
يل امتعّبني مامِلّك..

عارف هاشم حزباوي

الحلقة اللي تحير شتنزل منهه

كلهه حلوة ، تتونس بالشعر وتضحك ♥️

كل عشگ بالدنيه من يكبر يشبهك
كل شمس تعله بـ حضن بستان
ترجيه لـ شبابك
كل سجن يشبه غيابك
كل فجر يشبه طلعتك
غني بيه
وقل أوذ من المحطه التاخذ عيون الحبايب
وقل أعوذ من الرساله الـ ماتجيبك

حيدر خاطر

عيـونهم عشگ الربـيع
الغض على الدنيـا حلاته بروح ترفه
ارموشـهم ليل الطويل
اليشـرب عيـون الضوه وبهدابه تغفى


غازي ثجيل

اشتهيت ارسم عله اخدودك عصافير
و الـمّك سيسبان امتاني الغروب .

يشهگة طافح من الماي للراگ
بعيونه الشواطي امحمله اذنوب

انه ابعينك لگيت الليل مأمون
وشفافك جمر ومغطيه حالوب

هاشم العربي

تصغر الدنيا وتكبريها

بضحكتج ..

علي القيسي

آبد ما تنحسب عاشگ ، من تشتاگ دون إدموع

للـ زامل الخفاجي

لمني بجفوفك محابس
ضمني بطراف السهر تيهني بيك
صنطه وادمنه شتسولف
شستلذ الا بحجيك

غزوان المحمداوي

يا غريب الـ گال
محراب القصايد ما يشور
ياحريمه وتايبين وحاسبينك
ذني ذمه بـ كل مناره
ذني تاريخ بسماوات العشگ

ناصرالبدري

وانه
كتلك
علـ المشو
من غير موعد
مايقدرون العيون
الصبتلهم دمع صادگ

لـ مرتضى المغامس

شجاهة سوالفك بردن ..

بنص تموز

لـ محمد الدراجي

چفي بارد

مامش بچرچفنه واهس
وانت مامش

والخلگ غربه
وحچي عيونك ترف
ومالي واهس

ياحبيب مالي واهس
رمشك الناعس ثجيل
يمشي عالوجنات بسكوت وينس
ياونس
ي سمر
ي بو روح الشمس

ايات التميمي

دعلگنه ولو شذره بتراچيك
بعدنه الكاع تاخذنه لٓون ينجاب طاريك

بعدنه نشم مراسيلك
وبعدنه شما يكضنه الليل نبچيلك
فواز رشم

ردت ألملم كل ضوه عيونك
واطشه بــ ليل عيني التشتهيك ..
وردت ارسمك روما
حتى منين مايحلالي اجيك .

لـ حسين الثويني ...

يالساكت و التحچي طيوفك

نتدافع أنه و كل گلبي أنريد نشوفك

لـ مظفر النواب

اعرفها من العطر
غارت ومن گربت گالتلي خيولي

و أي ريحة فوگ النحر لا تخلي يا خلّي

تهتملي والمشكلة
ادريها تعشگ صدگ بس تستحي تگلي !

احمد ابراهيم

وانه حاير لو هداك الله ..!
وزرتني بـ طيف شـ البس ..؟