هآي عيون
لو دجله و عليها مچلچل الزيتون

عريان سيد خلف

وانت اكثر الوادم ( عِرف )
تعرفني ابن ذيج الأمس سألتني عنك وانخطف
لوني .. وخذتني الخيبه

گلتلهه يمه المو زلم
حطّو على ضلوعي خشب بسماره لاح الطِيبه !


احمد عاشور

هذوله احنه
بلايه كلوب
من دور علينه الموت
لبدنه بسد رسايلنه


لـ ناصر البدري

اليا كتر يا شوگ روحي تريد بيه اليا كتر
لعبت بحالي الليالي وما لگه ولاية العمر .. !!

عريان

نيتك تبتعد ..

حسبالي بعدوك

دمعك ، والعتب ، والخوف ، حجه ...!

مصطفي الصباح

عايفني وركة ب هوه
لا طايح ومندفن
ولا جف يردني لغصن
والله طريقي صعب
.
عبد الله الحجامي

هذا انا چنی بلم بایگنی روج البحر
الموجه مجنونه
والدنیا غنة الی
الله یرحمه العدل والمات خیعونه
یرگص ابعینی حلم بس انه میت سهر
الجوع یغمز الی بس غمزه بسنونه

سيد حكيم الشبري

‎عينچ غفة بنصهن كحل

‎طبگه رمش تكتل كـــــتل

‎كـــل نظره تـــذبح عـــشره

..
‎بيچ الجمال يشد عَــــلــــگ

‎وجهچ حرام اعله الخلگ

‎مــــُذهب عقل ك الخــمــره

‎صــــــــــوتچ اذا مر عـــــالاذن

‎تتـــــــبهذل احــــــوال الحزِن

‎للـــــفــــــــرح يِـسـْلَـم امـــره

..
‎شعـــــــرج اذا وَصفه بشعر

‎يــنراد اظل اكتب شــــهــر

‎طرگاعة سوده وگـــــشره

‎يبو وجه الثلج ......لا تطلع بتموز

‎مو خاف الخلكـ .. خاف الثلج يبرد

‎واذا لا مو ثلج .. كل هالبياض امنين !؟

‎معقولة العضم فوك الجلد يصعد ؟؟

الگاع تبرد من تگود الغيمه ريح ..
النجمه تشرب مستحاها وتزغر بعين الشمس حد ما تطيح ..
وانت ذاااك ..
اشما جزيت بروحي ليله الصفنه تاخذني اعله رسمك واستريح ..

كاظم الركابي

سافر بروحي وٱخذني بلاية روح 💜

بلاية بغداد الحزينة..
حبني كونك سندباد
وأني ٱصيرن ياسمينة

غفران طالب

صباحكم سعادة

ناري تـوّج ، واشتعل
واضويلك بكل درب
وانچوي ، خيمـه بشمس
كل هذا مَـ ينبهـك !

و ادريك گصبـه بـنهر
مـا ينـعـرف وجـهك

اي روح ، بس ، انتظر
عـلـمني اضم الـدمع
گـدام الـ يـشبهك ..

ياسر الانصاري

شامتك فختايه تغفه بوطن خدك
صوتك ايسافر بروحي خدر والطيش ندك!
لهفتک
عكدة الحاجب غيض عينك
زعلتك حنيت جفوفك اعنادك
شما طفح بيك الغضب ليليه اغفه انه علـ زندك
انت يسمر
انت اودك!"

#شجن_الربيعي

تلآگيني
و اگل لـ عيوني شبعن شوف
خآفنچن تعيلن بيه تآلي الليل !!

لـ عزيز عسكر

تصغــّر الدنيَا وتكبريًها بـ ضحكتچ ُ ..

،
،

علي القيسي

ناس التنگط ولو ماي الزلال
لا تحط حلگك حدر ناگوطها
ولا تنجس حلگك ابچيحة اوشال
موت ضامي ولا ابعود اتخوطها

عبدالكريم القصاب

غريبه عيونكـم مـو ذيـج العيـون
الحنينـه الدافيـه المتروسـه ملگه؟

شعجب صاير طبعـكم بس تعتبون
التـاركلــه حظــن عايـفلـه شبگـه !

سجاد الغريب

من عفتك عرفت العافيه
اله بخل يله تبين بوجهي
جا يمته تحن وتفوت
ولا ادري
ولا ادري العنب يرتاح
من يسمع بسله تموت

ل ميرزا عباس

من اربع اسنين المضن وديلي عآم
و لَو ما محتآجه بس رجع الخلِگ !!
هنيآل كلمن بس يحط رآسه و ينآم
لا يفكر لا يجي ابـ بآله العشگ !!

لـ علي السآعدي