احنه اهل الغزل والحب
منگضي وقت
نسهر لهاي وذيج
من نعشگ گبل نخطب


👍

عِندَما حاولت فِعلَها طَرَقوا البابَ!
لن يَتركوني أَتَلَذَذُ حتى بِانتِحاري

- مالك البطلي

هنيالنه
انتانيك غبشه من الوطن
هنيالك
آعله عيونه الـ منك بچن

#عزيز_عسكر

اضيعك بين اصابيعي
يخطوط الدرب لبراحة جفوفي

والكاك بصدى البيبان
من تنسد صلافة وينده خوفي

الك بيه شكثر؟
رمشات من شوفي ...

#تقى_صبيح

❤
عمر الماي ما يزعل

لو يزعل يسافر للسمه مجبور

ترد واطيح

ترجعلي

واغنيلك ❤

#نضال_عبد_الفتاح 🌿

گادوني گلت النهر
من يموت ما ينشاف
تابوته وجه النهر ومتون ناسه اخفاف
رديت اغني العصر
بيّن المغرب خجل
لميت ضحك العصر صوغة اعله وجه الزعل
ضگته التراب الصدگ
اسمر تمشطه الشمس
واگذل شلبهم شگر والطوگ يلچمها
وغربة الصورة وجه يا حايط يلمها ..

#محمد_الشمري

ياغريب
السافرت بجناح نجمه

استاهلتني
ياتعب حيل الشتل عمره شمع بعيون ظلمه

يا ذنب يعثر بطولك

والحياطين التعبر الشوف لچمه

#احمد_عزيز_السماوي

شحلاتك من ترد نادم
تبوس دموعك جروحي
وأمسح دمعك بخدي
وأگلك يابعد روحي ...

#القصآب

گتلك الله وياك ما گتلك تعال
ومن رفعت أيدي اودعك مو اصيح
اني أحبك بس اصيحك مستحيل
من اشوفك ويه غيري ومستريح
گتلي تخسر گتلك الدنيه تدور
والطريح أيگوم ما يبقه طريح

#حسين_الحاير

وکـل خـصر مـحبس عـرس ...
ویـگلك البس !

#النواب

وصارت الشامه بصحن خدك ضريح

غني ياشماتي غني
اني مو جنه وخذو تفاحه مني💔

بعدني علة الهوه اتطشّر واگول انتة
يطعم التين بأول طيحتة ولذتة


ركزان الشباني

انته علمت الشفايف
بالغنه اصوغ الگلايد

#زامل_سعيد

شگلك يا نبي جروحي
شگلك و انت تدريها وحيده بكل درب روحي

شگلك و العتب يگضي قبل كل صوت
ولك حيلي اعله گد الصوت
جرس وبلايه صوت يموت من وحده
لا تدعي عليه بموت

#احمد_ابراهيم

لمحتلك الف مره وأنت تعرف غايتي وما طاوعتني
وسولفتلك سالفة عاشگ خجول
وانته تعرف هوه اني ، ما عرفته وخجلتني
ليش من گلبك رجف ما صارحتني

#جبار_رشيد

اهج من ذگرياتك وين
گل شارع الك بي صوت
زحمه العشره تگضي بزعل
كون بمـوت
#آحمد_المرشدي

ليش تغيب
ياصوغة يتامه اول ايام العيد
ليش تغيب ..من تبعد
يلولحني زماني بنار ويجتفهن ايد بإيد
يما تدري الحزن لو راد يخلص كلهه صاحت عيد

ليش تغيب..
ياكطرة نده وضاعت برمله وليل
والوادم تلوم وبالملامه تزيد
وشكد دمع طيح ليلي شيخ وبعد مني يريد

ليش تغيب....
ياغنوة سكارى وياحجي العشاك
ماكصيت جف كلبك أما تدري من روحي شباك؟
يفاكهة الحسن ياهو المجذب عليك
حلاتك موش تبعد لا لمن تنضاك

#علي_شعلان