يولاية رهاوه و كيّف ؟
يا اخر شطر عد قيس
حجاه و اتبسمت ليله

يا اخر حبه بالعنگود
بيها وشالته و حيِله !

يعنگودي ..
تره الما لايحك
عنك يسولف بالحلاه و ازود
يـ شامه اطرز الوجنه
بلاها ينث فهـاوه الخد ؟

يكلشي انت

يا من صرت ..

لجفن لحديثه المعرسه كحل مرود
يا اول غار بي ضويات يم بابه الحمام يجد

ليش احتار ؟
اهو نفس الخضار البيك بـ الريحان !
و على گد الملاگه البيك
سميتك نبي الذرعان

يا لاگيني بـ عرس دخان
اعزب لليجي بنسمه..
اهو زواگ السمه بـ نجمه
الشاف الميله البـ خصرك
اخو الـ مبخوت يتسمه !

و هنيالك على عيونك ..
و هنيالي على جفي البات
يتغطه بـ دفو بجفونك

و يهنياله الگاله انسان
ماخذ لونه من لونك !!

#مصطفى_المكصوصي

امسح ذلتي بخد جفك البردان
واسكتها الوراك اتنوح واتلوب

ذنب بس ياذنب هاگد معزتك ليش
واليعشگ ذنب مو شيمته ايتوب

خدرانه السواجي الدمع رخه الگاع
افرفح عافيـه بكل ساعة اغروب

تعبت الورق والحجي ايريد اوجوه
ثگل بيه العتب مومال مكتوب .. .

لـ ضياء كريم

مشوا واستغربت روحي
حزنهه اشماله ظل ينشاف

وعرفتلهه ولكيت العين
من تفكد عزيز اتخاف



سيد وليد العوادي

بين شفتي ورگبتك
شمرت گلايد
وبين شباچي واديك ابليس گاعد

ولاتعاند تدري مااگدر عليك
وانت جبت وياك شامك
وانة واحد

لـ حسين علي مهدي

يقولون:تهوى القلوب من كان حاضرا
و تنسى الذي عن العين يغيب
و أقول: كم من حاضر لايستطاب به
وكم من غائب عن العين حبيب.......

.
انه
مفارگ واعيش بلا ضوه ولا شوف
ومتاني الرسايل تطلگ احچايه
وترف روحي
اعله دگه من الهوه اعله الباب
وتصعد عبرتي فوگ الگلب بايه
واگولن
ها اجو وانسه الركض واحتار
ادور عـ المشي واعثر بگشايه

روحي تلوگ بس للگلبه مملوح
من عشرة الماصخ توبتها

انه انغشيت بيك عيونك كبار
بس عيوبك اكبر ما شفتها !!

شنو من دنيا تبدي وتنتهي باااخ
وشنو من ايام صافن خلصتها

هذيچ العشرة والدخان والليل
حب من طرف واحد ضيعتها

ترة اللچمة تسوي الفاهي رجال
لذلك كلها هاي اتحملتها

#زيد_السومري🌿

يـا مـا نسينـه اعتابنـه بـساعـات العتـاب .. !!
#زهير_الدجيلي

ما غثني غدرك لاتهم مغثوث من أفراگك
الله يوفقك من صدگ ويديمك لعشاگك

#عقيل_العرد

احب حزني

الأشوف الفقره من عنده

واحب ريل المحطة الجاب ماوده

واحب الناس

بس اللي توافي الناس

واحب چفوف كلمن ماقطع ورده

وكلمن صاحب الصبخه ومشى وياها

وعليها تلملم بكل واهس ونده

احب كلمن يضحي الغيره حتى يعيش

احب تنورنه وطينه

واحب خده

#حسن_الاسمر

من ذبلت شواطيك

مشه بروحي النخل جناز

واشتاكيتلك تابوت !!!

ميثاق الهلالي

شگد ملامح بيك احبهـا وماحچيت

# ميثاق الهلالي

ليش ما تكسر صفنتي بچلمه منك
حته لو ( مليت منك )

# عاهد الابراهيمي

الخيبة دائما تأتي من الذين قدمنا لهم كل
شيء. !!!
:-) :-)

سير يا هوى الله اصويحبك غرگان ٠•

# نهاد الخيكاني

شماله الليل يحرگ كل عمر عشرين ...!

# زرازير البراري

وداعت عيونك

فلا بيهم بشر يعرف يحبك

وداعتك بس أنه اودك

طارق بريسم