بَس ابـ بطن امي

ما چنت مجروح

ذنيچ الـ تسعة اشهر صَدگ حلوه
.
#زيد_السومري
.
.

من حبيتك تمنيت اگل للناس
بس اني الصدك عاشگ
ومن فاركتك تمنيت اگل للنوگ
احن من عدچن مفارگ
.
#زيد_السومري

اونن واني مامجروح
واضحك واني مافرحان
هيج مخلص ايامي

#زيد_السومري🌿

انه انغشيت بيك عيونك كبار
بس عيوبك اكبر ماشفتهه
.
#زيد_السومري

روحي تلوگ بس للگلبه مملوح
من عشرة الماصخ توبتها

انه انغشيت بيك عيونك كبار
بس عيوبك اكبر ما شفتها !!

شنو من دنيا تبدي وتنتهي باااخ
وشنو من ايام صافن خلصتها

هذيچ العشرة والدخان والليل
حب من طرف واحد ضيعتها

ترة اللچمة تسوي الفاهي رجال
لذلك كلها هاي اتحملتها

#زيد_السومري🌿

❤
احنة جينة لحضرتك ندعي ونتوب
شو رجعنه ويانه تمشي ذنوبنه

هي شامة ويندل الله يحطها وين !
بالمكان البي يعذب گلوبنه

#زيد_السومري🌿

❤
احنة جينة لحضرتك ندعي ونتوب
شو رجعنه ويانه تمشي ذنوبنه

هي شامة ويندل الله يحطها وين !
بالمكان البي يعذب گلوبنه

#زيد_السومري🌿

من يجيك الليل وحدك
حتى جرحك يستغلك
من تگلب بالصور
عينك تفشلك
تبدي تتخيل حبيبك من يذلك

شلون يذلك ؟

تجي گاطعلك مسافة
رايد تودع عزيز
توكع تراب المحطة يغطي شكلك
تمد ايدك عل قطار وهو يمشي
وماكو واحد يلتفتلك
هيچ كسره خاطري يمعود شگىلك
شاوروني بروحتك لو لقنوني
مدري شافوا گلبك اسود
عافوا الكعبة على بيتك
چبلوني
وخيطوا حزن الثمانينات ثوب ولبسوني
والعطر يخنكني عكبك
والورد ما گمت اطيقة
تدري ما يعبر الليل بلا جگارة ولا موسيقى
تدري احس الوطن مذبوح علـ صدري
تدري حلقات الجنود الماتوا بكل الحروب
كلها احسن بيها مشلوعه من اصبعي
هاي امس بس اني امس ما سولفتلك
اني عگبك باب عاچر بالحرب محد يذكرة

ومشهد غيابك خرابة
وصوتي مبحوح شيصح
الشوارع كلها مسكونة
وصفير وصوت ريح
والهياكل والجماجم ملحمة
والناس ميتة
ووحدي اعثر واطيح

ولو خبر منك يجيني

الناس تعدل من جديد
ضوه يبين من بعيد
مطر ينزل
شمس تضحك
المشانق تنصب مرجوحه
لاطفال الشهيد
الورد يطلع بالجماجم لو تجيني
واقدملك اعتذاري وانكساري وكل حنيني
لو گلت هذا خطية
وياما گتلك من اديه تروح
بس مو من اديه
وياما گلتلك شوفتني جنازه امي
من ثگل وجهك عليه
.
#زيد_السومري