❤
أنه

أحب حَتى سكوتچ

الناس لو سمعوه صوتچ

ما يظل بـ الكون شايب

گالو أم كلثوم چانت كوكب الشرق بـ غناهه

وبسكتچ صرتي أم كل الكواكب


#احمد_ابراهيم 🌿

❤

وهذا گلبي
امنين ماصديتلة يرجف عليك
او لاترس عينه الخضار

يشبه ابيوت الفقيرة الجابهه حظهه على ادروب القطار

#مثنى_كامل🌿

#صباح_الأمل❤

💔

جرحوني مايدرون مشتاگ اون

الگصبه ناي تصير من تنجرح


#كامل_الكعبي🌿

حالي
حال الـ ماي أمرهم
بيّه صوبين الگهاوي
ومحد يگلي إستريح!
غيب
يـ الفاگد عزيزك
ياهو الـ بظهرك يصيح"

ضرغام لطيف

❤
مصوفرني

شحم رمان

يـ بيض يا بحت معدان


#علاء_المغشغش🌿

احـلى شي من يبدي گلبك
يكتب الباچر حچي
تنام عاشگ
تصحه عاشگ
زين ليش اليصحه عاشگ يثلم خدوده البچي
مره اخذني
صيح بيه بأي سعر بس كون افيدك لو بعتني
هي شتفيد الاحبك وانت ماتعرف تحبني

#محمد_الصالحي

أنه
نيشان المتيهيّن الأغراب
أنه مَثله أصبحت
للما حِضه إباب
أنه
العايزله لچمه و يرجع إتراب
أنه
الدم التوسد حلگ الأصواب

احمد_العبيدي

ما گلتلي الدنيا انته
وانته بارح
لاسمي رنته
كلشي راهملي بسمارك
بللتني
وعافيه لروحي خضارك
صرت اغار من السكر وآنه ادري كاسك ..

#ركزان_الشباني

أحـسك مدري شنهي أنتَ

بحر بچفوفي يتبده ،

وآريد اشرب ولا گطره

#الگاطع

المو حلوه بيك تريدني ومستحي
گتلك تعال
وگتلي إي بس شكو
افرش احساسك خل اطيحن نده
و دور بـ روحي وأخذ كلشي حلو

#صادق_الجهلاوي

وحرت اشيل ذيال ثوبك لو مشيت

مدري اشيلن شعرك اليسحل وراك

غـاد مـن بابـك لگـونـي
امچـان دم

#عمار_العبادي

يطويني الحزن طوي الغـــزل للصوف
وابعد عن طريجه ويظل بـذيــالي

انا بياهي ابتدي واسنيني كلهن سود
بأولهن بديت ومالهن تالـــــي

#عطا_السعيدي

من راح وجهك عني ولهذا اليوم
أتراوس ويه المگبرة راس براس

والمشكلة مو بيك ، حتى أتلافاك
لا چان گد حچايته وجدمك شال

المشكلة ، بالما يريدنّي أنساك
بالتايهات الما يمرن عالبال

بالينحچن گدامي وأبدي أرجف خوف
بس لا يريدك دمعي يمهم تنگال

• همزين ضگتك ، چا لهسّه أتشهاك

زيد الهاجري

يا حبيبي
لاتلوم تشوفني معاند رفچتك
ما أريد الناس تدري
خايف من اسهامهم تگعد بـ ظهري
خايف من الماي لا يتمشه حدري
ما مبينلك أحبك
بس أحبك

#حسن_وصفي

❤
تـچويـنه نـعم
نـگطع هـوآهـا تـموت !!

كـآفي تظل عمر بچـفوفنه ألجمره

#سـمير_صـبير 🌿