عودتني
الدنيا ازغر…
واحني روحي اباب حلمي
گبل لا دنگ يحدب ظلي يمي
ناقصه وكلي غوه بميزان ديني
منين ما خاوي الضوه…

اششششش ..
يعميلي عيني
من حواريتي بنوا جنه وخمرها
وكلشي يتشرع دغش

يگصي بخصرها
گالت القاروره انتي
وكسرتني…

#ركزان_الشباني
.
.

يَ ماشيني
سچچ وضلوعي غربتهن
يَ شاتلني فشل يم عتبة متونك
گطعني الخوف ....

وداني وره عيونك ... وره عيونك
يشاربني بسواجيك
غفت نهراني وتعدت نحيلة ظن
يَ فارشني خريف اشواگ
ذبحني فصال غربتهم
وأنه مگابل نياشينك

شسولفلك
ندهني بساطك وسكتت تراتيلي
صرت روحي وهويت الريح

وانه ادري الماشبگله جناح
لو غره حلاة الطير من عالي ويرد يطيح
واخبرك كبرن چفوفي وانه بلا صوت
وخانكني النشاز بصوت هاي الناس
وعرفت شبيه مابيه وشجاها الناس
شسولفلك
كل البلهوة الغربي يخنگ ريتي
.
.
#ركزان_الشباني

ولا نواعيره اشربتني وبللتني
ولا على الناگوط شدني
هذا مرواح المِزن لهواه زتني ..
كبرت اغصانه عله طيني
وفززتني .. ..

#ركزان_الشباني
.
.
.

.
.
.
وزغّرَت بيّة الاغاني هدوم ونّي ..
وعلمتني ..
امراوف اويه ذيالهن الظم خنكتي ..
وبيهه اغني
بادت دروب العتب والليل عتني
ل كحلة الضمو حزنهم
ثاري تحله ال لو لو بسكوت عنهم

#ركزان_الشباني
.
.

لا نواعيره اشربتني وبللتني
ولا على الناگوط شدني
هذا مرواح المِزن لهواه زتني ..
كبرت اغصانه عله طيني
وفززتني .. ..

وزغّرَت بيّة الاغاني هدوم ونّي ..
وعلمتني ..
امراوف اويه ذيالهن الظم خنكتي .. وبيهه اغني
بادت دروب العتب والليل عتني
ل كحلة الضمو حزنهم
ثاري تحله ال لو لو بسكوت عنهم

ثاري ببريسمهم مخاشن صدى وميلة ضوى
ثاري عدهم راهمه ويتبلل الصفصاف بمرورة هوى
ثاري رمليه السوالف من اخمها…
وبيّه تجسي ..
النِفَس ثاري ايعيش من ينعگد عدهم
.
#ركزان_الشباني
.
.

بعدني اعلى الهوه
اتلفت
واگول انته
يطعم التين
بأول طيحته ولذته...!
.
#ركزان_الشباني
.

مو ذنبي وهواني الضيم
تراني مسنّبِل مراضاه ،،،،

#ركزان_الشباني

اظن طبعك برد يدَّفه عالچلمات
وانه مغيّم عشگ وين امطر وشسگي ..

#ركزان_الشباني

عالدرب من مريت فرهدني طاريك
وآنه بسبع لفّات متحزم عليك ..

#ركزان_الشباني

من گد ضفرتي عليك والفلّْ مصيبه
شفت شملذ وجعات متن الگصيبه

#ركزان_الشباني

إمن ادورني بصوانيك ..
اطيح زغير من عندي
ادنگ واختل بسدي
وأغنيني ..

#ركزان_الشباني

ضوه العميان يندل
والگلب عكاز
وانه معلم على ال ها وين مدّ الشوف
يعثرني النفس واتسابگ آنه وياه
مثل مناحر المجذاف والمشحوف
وامد عيني عله سمرة طيف
مبيوگه من اهلها وغاليه بحدهم
وارد مخنوگ عبره بصيحة الوهواس
خايب روح كل حگ ما الكم عدهم ..

#ركزان_الشباني

ثاري ببريسمهم مخاشن صدى وميلة ضوى ..
ثاري عدهم راهمه ويتبلل الصفصاف بمرورة هوى ..
ثاري رمليّه السوالف من اخمها
وبيّة تجسي…

#ركزان_الشباني

بعيوني شلتك كحل
لمّيتك من الهوا
لايذ انه بغربتك
متعلگ بلا ضوا ..

وَهّدِنّي اريد انضنك
عاجبني اشب واعتلگ
درب النفاهه انفگد
هاوَينه درب الخنگ
.
#ركزان_الشباني

هنيالهم
لا طـرّ فجر عايز ضوَه

ولا ليل عـتّ خيالهم

لا سافروا وي النجم شفع ووتر

لا فَت غطاهم بالبرد

لا شمعه هفتت بالبعد

شچم دوب ارد بحمالهم ..

نام الندى ..

وغطيته بعيون الامس

نوم العوافي الما لفت

ليّة وسحني فصالهم ..

هنيالهم ..

#ركزان_الشباني

ما گلتلي الدنيا انته
وانته بارح
لاسمي رنته
كلشي راهملي بسمارك
بللتني
وعافيه لروحي خضارك
صرت اغار من السكر وآنه ادري كاسك ..

#ركزان_الشباني

خمّت چفوف الهوا حديثات بيّه
ابيش احلفك من تمر دبرلي ريّه
العَتّگّن چرچف ونسهن
من يشمهن
من يفكلهن شبابيچ ومسيّه
بس شهگتك
الاماكن ندَّت عيون وغنا وسلطنت بيّه

#ركزان_الشباني

مَرّ وجزاني الفرح خيعونه من شمّه
ال الك بالك تظن غيرك يجي يلمّه ..

يدريني مالوگ اله .. وزَل وتعداني ..
وبگلبي فَرَّعّله چف يدعي بولف ثاني

الحزن مكتوب الي مو بيدي واستنگي
مو وكتي هذا الصدگ كون اقنع بحگي ..

#ركزان_الشباني

واستغربت ..
مو چنه عودين بغصن ..
مو منه صاغوا كل حضن ..
شو همهمت بيك النوارس يا جرف ..
شو طينك بماي الغريب انداف مرسال بظرف..

#ركزان_الشباني

ومعذور اذا تيّه جناحك دنيتي ..
مني الذنب ..
ما شگّبنتها عله الهوا ..
براگ الجفا..
تبدينه بأول عشرتك ..
وتعجبت ..
كلشي غريب عله الدرب ..
حتى الاماكن مو الك ..

ولا چن حچتنا ودندنت بينا وخذتنا بلا ذنب ..
ودّوهنت ..
شفت الفجر مو ذاك الابيض شو بهت ..
ماريد اردلك يا .. ولك ..

بس ردلي روحي التيهت نگلة جدمها بعثرتك ..

شو ردها الك ..

#ركزان_الشباني