Inklyuziv davlat xizmatlari sari: Latviya tajribasini o‘rganamiz

O‘zbekistonning Davlat xizmatlari markazlari huzuridagi Xotin-qizlar maslahat guruhlari ekspertlaridan iborat delegatsiya gender tengligi, ijtimoiy inklyuziya, fuqarolar ishtiroki va inson manfaatlariga yo‘naltirilgan davlat xizmatlari bo‘yicha ilg‘or tajribani o‘rganish maqsadida Latviyaga tashrifni boshladi.

Yevropa Ittifoqi tomonidan moliyalashtirilayotgan hamda BMT Taraqqiyot Dasturi va Adliya vazirligi hamkorligida amalga oshirilayotgan “O‘zbekistonda davlat xizmatlari ko‘rsatishni yanada takomillashtirish” loyihasi doirasida Latviya Tashqi ishlar vazirligi hamda Latviyaning “Marta” markazi ko‘magida tashkil etilgan tashrif davomida ishtirokchilar quyidagi yo‘nalishlar bo‘yicha tajriba almashadilar:

🔹 Xotin-qizlarning qaror qabul qilishdagi ishtiroki va yetakchiligi;
🔹 Davlat xizmatlari ko‘rsatishda inklyuzivlikni kuchaytirish;
🔹 Davlat organlari va fuqarolik jamiyati hamkorligi;
🔹 Raqamli davlat xizmatlari va fuqaroga yo‘naltirilgan boshqaruv;
🔹 Xotin-qizlarning iqtisodiy imkoniyatlarini kengaytirish tashabbuslari.

Tashrif davomida olingan bilim va tajribalar O‘zbekistonda yanada qulay, inklyuziv va fuqarolar ehtiyojlariga mos davlat xizmatlarini rivojlantirishda Xotin-qizlar maslahat guruhlarining rolini mustahkamlashga xizmat qiladi.

#BMTTD #YevropaIttifoqi #O‘zbekiston #Latviya #XotinQizlarMaslahatGuruhlari #GenderTengligi #InklyuzivBoshqaruv #DavlatXizmatlari #HechKimOrtdaQolmaydi