#Adliya_xabari

Surxondaryo viloyatining Denov, Uzun, Sariosiyo tumanlari adliya bo‘limlari faoliyati o‘rganildi

Bugun adliya vaziri o‘rinbosari X.Meliyev boshchiligidagi ishchi guruh tomonidan Surxondaryo viloyatining Sho‘rchi va Oltinsoy tumani adliya bo‘limlari faoliyati o‘rganilganligi haqida xabar bergandik.

Kunning ikkinchi yarimida ishchi guruh viloyatning Denov, Uzun, Sariosiyo tumanlari adliya bo‘limi, davlat xizmatlari markazlari, FHDY organi hamda yuridik xizmat ko‘rsatish markazida bo‘lib, bu yerda jismoniy va yuridik shaxslarning davlat xizmatlaridan yanada qulay, oson foydalanishlari uchun yaratilayotgan imkoniyatlar ko‘lami bilan tanishdi.

O'rganishlar davomida ko‘rsatilayotgan xizmatlar sifatini aniqlash va mavjud kamchiliklarni bartaraf etish bilan bir qatorda, tizim masʼullari faoliyatini jadallashtirish, fuqarolar uchun yaratilgan sharoitlarni yanada yaxshilash, xodimlarning fuqarolar bilan muloqot qilish ko‘nikmalarni oshirish kerakligi ta'kidlandi.

Ishchi guruh tumanlarning Davlat xizmatlari markazida fuqarolarga yaratilgan sharoitlarni ko‘zdan kechirish bilan bir qatorda DXMga tashrif buyurgan fuqarolar bilan ham muloqot tashkil etildi. Muloqot davomida aholining davlat xizmatlarini olishda duch kelayotgan muammolar bo'yicha murojaatlari tinglandi va ayrim masalalar yuzasidan joyida huquqiy tushuntirishlar berilgan bo‘lsa, o‘rganib chiqish muddat talab etadigan murojaatlar ish yurituvga qaratilib, ijrosi alohida nazoratga olindi.

@adliyangiliklari

#Adliya_hudud

Qiziltepaliklarning murojaatlari tinglandi

Navoiy viloyatining Qiziltepa tumanida adliya boshqarmasi va ichki ishlar boshqarmasi boshliqlarining sayyor qabuli tashkil etildi. "Mustaqillik" mahallasi binosida o'tkazilgan qabul mobaynida 30 nafarga yaqin fuqaro murojaatlariga yakka tartibda yechim topdilar.

Sayyor qabul jarayonida uy-joyiga kadastr kitobi shakllantirish, ta’lim, tadbirkorlikka kredit olish, meros masalasi, yo‘llar ta’miri, ishga joylashish kabi murojaatlari yuzasidan kerakli tavsiyalar berildi. Kelib tushgan murojaatlarning aksariyati joyida hal qilinib, ayrimlari tegishliligiga ko‘ra yo‘naltirildi. Оʻrganish talab etiladigan 10 tadan ortiq murojaat ish yurituvga qabul qilindi. Мoddiy yordam olish, aliment undirish, imtiyozli kredit olish hamda boshqa masalalar bo‘yicha murojaatlariga joyda huquqiy maslahatlar berildi.

Bundan tashqari, qabul mobaynida mobil ofis orqali aholiga sayyor tartibda FHDY, notarius va davlat xizmatlari ham ko‘rsatildi. Sayyor xizmat jarayonida arxiv hujjatlariga murojaat tashlandi, yakka tartibdagi tadbirkorlik subyektlari davlat ro‘yxatidan o‘tkazildi, uy-joyiga kadastr kitobi shakllantirildi, fuqarolarning 11 turdagi murojaatiga davlat xizmati ko‘rsatildi.

@adliyangiliklari

#Adliya_xabari

Faoliyat samaradorligi tanqidiy tahlil qilindi

Davlat xizmatlari koʻrsatish jarayonini oʻrganish, tahlil qilish, sohadagi muammolarni aniqlab, ularni bartaraf etish Adliya vazirligining asosiy vazifalaridan biri hisoblanadi.

Joriy yilning 21-sentabr kuni adliya vaziri o‘rinbosari X.Meliyev ishtirokida 2023-yilning o‘tgan davri mobaynida Surxondaryo adliya boshqarmasi tomonidan davlat xizmatlari ko‘rsatilishi ustidan nazorat qilish sohasida amalga oshirilgan ishlar bo‘yicha davlat xizmatlarini ko‘rsatuvchi vakolatli tashkilotlarning rahbar xodimlari ishtirokida seminar tashkil etildi.

Ma’lumot uchun: 2023-yil davomida Surxondaryo viloyatidagi Davlat xizmatlari markazlari tomonidan 340 mingdan ortiq davlat xizmatlari ko’rsatilgan.

Shu o‘rinda, Adliya vazirligi tomonidan davlat xizmatlari ko‘rsatish axborot tizimi orqali monitoring qilinganda vakolatli tashkilotlar tomonidan ushbu davrda fuqarolarga davlat xizmatlarini ko‘rsatish sohasida jami 20 024 ta muddat buzilish holatlariga yo‘l qo‘yilgan.

Tadbir davomida bu kabi salbiy holatlar, aholiga sifatsiz xizmat ko‘rsatilishiga, sohada korrupsiya holatlari ortishiga, vakolatli tashkilotlar tomonidan arizalarini asossiz rad qilinishi natijasida fuqarolar tomonidan DXMlarga takroran murojaat qilishlariga va buning natijasida markaz xodimlarining vaqti cheklanishiga va markazlarda navbatlarning ortishiga sabab bo‘layotganligi ta’kidlandi.

Uchrashuvda davlat xizmatlarini ko‘rsatishda yo‘l qo‘yilgan kamchiliklar sabablari bo‘yicha rahbarlarning izohi eshitilishi bilan birga shu kabi qonun buzilishi holatlarini oldini olish, davlat xizmatlarini ko‘rsatish sohasini takomillashtirish, mavjud muammolarni bartaraf etish borasida aniq chora-tadbirlarni belgilab olindi.

Shuningdek, huquqbuzarliklarning sabablari tubdan o‘rganib, aybdorlarga tegishli chora qo‘llanilishi belgilanib, yo‘l qo‘yilgan kamchiliklarni oldindan ko‘ra olish mumkinligi va kelgusida yo‘l qo‘ymaslik bo‘yicha ko‘rsatmalar berildi.

@adliyangiliklari