#TashkentLawSpring2023

Adliya vaziri Akbar Toshqulov Xalqaro xususiy huquqni unifikatsiya qilish instituti Bosh kotibi o‘rinbosari Anna Venetsiano bilan uchrashdi

Toshkent shahrida bo‘lib o‘tgan “Tashkent Law Spring” III xalqaro yuridik forumi doirasida adliya vaziri Akbar Toshqulov bilan Xalqaro xususiy huquqni unifikatsiya qilish instituti (UNIDROIT) Bosh kotibi o‘rinbosari Anna Venetsiano o‘rtasida uchrashuv bo‘lib o‘tdi.

Uchrashuv chog‘ida xorijiy mehmon bilan ikki tashkilot o‘rtasidagi hozirgi hamkorlik holati va uni istiqbollari muhokama qilindi, xususan O‘zbekiston Respublikasining UNIDROIT tomonidan ishlab chiqilgan 3 ta xalqaro shartnomasidagi ishtiroki hamda istiqbolda yangi shartnomalariga hamda UNIDROITga O‘zbekiston Respublikasining qo‘shilish masalalari bo‘yicha atroflicha fikr almashildi.

Shu o‘rinda, A.Venetsiano bu borada amalga oshirilayotgan ishlar yuzasidan ijobiy fikr bildirib, Xalqaro xususiy huquqni unifikatsiya qilish instituti hamda O‘zbekiston Respublikasi Adliya vazirligi o‘rtasidagi o‘zaro manfaatli hamkorlikni yo‘lga qo‘yish istagini bildirdi.

@adliyangiliklari

#TashkentLawSpring2023

Intellektual mulk ekotizimini yaratish bo‘yicha ilg‘or xorijiy tajriba va undagi dolzarb muammolar muhokamasi
 
"Tashkent Law Spring" III xalqaro yuridik forumi doirasida “Intellektual mulk ekotizimi – O‘zbekistonning innovatsion va sanoat muhitini shakllantirish vositasi sifatida” muhokama sessiyasi bo‘lib o‘tdi.

Muhokama sessiyasida intellektual mulk sohasi bo‘yicha bir qator xalqaro tashkilotlar, xususan, Butunjahon intellektual mulk tashkiloti, BMTning Oziq-ovqat va qishloq xo‘jaligi tashkiloti, Yevroosiyo patent tashkiloti vakillari, xalqaro miqyosdagi taniqli ilmiy-tadqiqot muassasasi ilmiy xodimlari, xorijiy davlatlarning intellektual mulk idoralari mas’ullari (CNIPA, Xitoy), huquqshunoslar hamda patent vakillari o‘z ma’ruzalari bilan qatnashdi.

Sessiya davomida ma’ruzachilar tomonidan intellektual mulkning zamonaviy tendensiyalari bilan uzviy bog‘liq bo‘lgan qiziqarli ma’ruza va taqdimotlar namoyish qilindi.

Xususan, ma’ruzachilar tomonidan intellektual mulk ekotizimini yaratish bo‘yicha ilg‘or xorijiy tajriba va undagi dolzarb muammolar, intellektual mulk sohasidagi xalqaro hukumatlararo tashkilotlarning o‘rni, vazifalari va afzalliklari, zamonaviy intellektual mulk huquqi va siyosatini yuritish, intellektual mulkni samarali himoya qilish bo‘yicha davlat tashkilotlarining o‘zaro hamkorligi, mamlakat brendi sifatida intellektual mulk obyektlari, xususan, geografik ko‘rsatkichlarni targ‘ib etish masalalarida ma’lumotlar berildi.

Sessiya yakunlangach, ma’ruzachilar va qatnashchilar o‘zaro aloqlarni mustahkamlash va kelgusidagi hamkorlik to‘g‘risida kelishib oldi.

@adliyangiliklari

#Adliya_xabari

Yaponiya Adliya vazirligining delegatsiyasi bilan uchrashuv bo‘lib o‘tdi

Adliya vazirligida joriy yilning 19-may kuni boshqarma boshlig‘i A. Saydaxmedov boshchiligida Adliya vazirligi vakillari bilan Yaponiya Adliya vazirligining Tadqiqotlar va malaka oshirish instituti mutaxassislari o‘rtasida uchrashuv bo‘lib o‘tdi.

Yaponiya delegatsiyasi joriy yilning 17—18-may kunlari bo‘lib o‘tgan “Tashkent Law Spring” III xalqaro yuridik forumida ishtirok etish uchun O‘zbekistonga tashrif buyurgan.

Yaponiya delegatsiyasi bo‘lib o‘tgan Forumning xalqaro yuridik hamjamiyatni birlashtirish, huquq sohasidagi muammolarni yechish bo‘yicha fikr almashish hamda yuridik olamning yangi trendlarini muhokama qilish uchun yaxshi platforma sifatida xizmat qilganini qayd etdi.

Uchrashuv davomida O‘zbekiston Respublikasi Adliya vazirligi bilan Yaponiya Adliya vazirligi va uning huzuridagi Tadqiqotlar va malaka oshirish instituti o‘rtasidagi hamkorlik masalalari atroflicha muhokama qilindi va kelgusidagi rejalar belgilab olindi.

@adliyangiliklari

#Adliya_xabari

Adliya fuqarolarni qabul qiladi

Murojaatlarning qabul qilish hamda muammolarning batafsil o‘rganishning samarali usuli bo‘lgan shaxsiy qabullarni tashkil etishga ham Adliya vazirligi rahbariyati tomonidan alohida e'tibor qaratilib kelinmoqda.

Holbuki, har bir murojaat zamirida insonlar taqdiri yotadi.

Xususan, joriy yilning 19-may kuni vazirlik binosida adliya vaziri tomonidan 30 nafarga yaqin jismoniy shaxslar va yuridik shaxslarning vakillari qabul qilindi.

E'tiborlisi shundaki, qabulda Farg‘ona va Buxoro viloyatlaridagi fuqarolarning video-konferens-aloqa vositasi orqali murojaatlari eshitildi.

Bu esa fuqarolarning uzoq hududlardan poytaxtga kelib-ketishlari uchun vaqt va mablag‘larining tejalishini ta'minladi.

Qabul jarayonida vazirlik faoliyatiga tegishli murojaatlarni o‘rganib chiqish hamda qonun doirasida hal etish uchun mas'ul tarkibiy bo‘linma rahbarlariga tegishli topshiriqlar berildi.

Vazirlikning vakolatiga kirmaydigan masalalar yuzasidan esa, fuqarolarga huquqiy tushuntirishlar berildi.

@adliyangiliklari