#TashkentLawSpring2023

Adliya vaziri Akbar Toshqulov xalqaro forumda fundamental huquqlar himoyasi haqida gapirdi:

— Barcha odamlarning qonun oldida tengligi va hech bir tafovutsiz qonun bilan teng himoya qilinish huquqi amalda ta'minlanishi kerak. Mana shu masalalarni hal qilish O‘zbekistondagi huquqiy islohotlar asosiy mag‘zini tashkil etadi.

Biz yuristlar bilamizki, davlatlarning siyosiy va huquqiy tizimlari turlicha bo‘lganligi sababli fundamental huquqlarni talqin qilish yoki ularga amal qilishda farqlar bor. Bu farq yaxshi yoki yomon tarafga bo‘lishi mumkin. Lekin har qanday jamiyatda ham progressiv fikrlovchi, fundamental huquqlarning fidoyi himoyachilari ham bor-ki, ular vaziyatni yaxshi tomonga burishga doim harakat qilishadi. Men bunday rolda yuristlar ko‘proq bo‘lishini istardim. Chunki, biz yuristlar muammoni kundalik ish jarayonida doim ko‘ramiz va ularning yechimini ham bilamiz.

Shunday ekan forum davomida huquqning mana shunday fundamental masalalarini professional va chuqur yondashuvlar asosida muhokama qilishga chaqiramiz.

Bugun butun progressiv jamiyatlar insonning fundamental huquqlarni har qachongidan yuqori darajaga ko‘tarishga intilmoqda. Bu fundamental huquqlari har bir shaxsning qadr-qimmati va tengligiga asoslanadi.

Ulardan inson huquqlarining asosiy qadriyatlari – shaxsiy huquq va erkinliklar, siyosiy, iqtisodiy va ijtimoiy huquqlar kelib chiqadi. Ushbu fundamental huquqlar Inson huquqlari umumjahon deklaratsiyasida mustahkamlangan bo‘lib, hamma joyda bir xil himoya qilinishi shart.

@adliyangiliklari

​#TashkentLawSpring2023

Inson qadrini ko‘tarish uchun nima kerak? Singapur Ichki ishlar va huquq vaziri 3 ta omilni sanadi

Odamlar yaxshi yashashi uchun nima kerak bo‘ladi? Yaxshi ta'lim, farovon yashash va ishlash sharoitlari, qonun ustuvorligi, fundamental inson huquqlarining ta'minlanganligi. Buni hamma davlatda amalga oshirib bo‘ladimi?

Toshkentda bo‘lib o‘tayotgan “Tashkent Law Spring” xalqaro forumida Singapurning Ichki ishlar va huquq vaziri K. Shanmugam shu haqda gapirdi. Uning fikricha, taraqqiylashmagan mamlakatda inson huquqlari ulug‘lanishini kutishning hojat yo‘q. Ammo hamma davlat o‘z imkoniyatlaridan kelib chiqib buni amalga oshirishga urinib ko‘rishi kerak.

“Men sizlarga Singapurning yutuqlari haqida emas, uning imkoniyatlari haqida gapirmoqchiman. Balki sizda ham bunday imkoniyatlar bordir va insonning dastlabki, fundamental huquqlarini ro‘yobga chiqarish uchun o‘z mamlakatingiz miqyosida buni qo‘llasangiz bo‘ladi”, — deydi vazir.

Vazirga ko‘ra, inson resursi birinchi o‘ringa chiqishi uchun:
1. Kuchli markazlashgan hukumat kerak (u ta'lim, sog‘liqni saqlash – inson huquqlarini ta'minlash bo‘yicha boshqa barcha majburiyatlarini to‘liq bajarishi shart).
2. Kompetentligi bo‘lgan — kuchli bilim va ko‘nikmaga ega bo‘lgan davlat xizmatchilarini ishga olish kerak.
3. Mamlakatda yashaydigan millatlar birlashuvi kerak.

Shanmugam Singapur qayerdan boshlanganini, hozir qayerda ekanligini va keyinchalik qanday boshqarilishini gapirib berdi. Uning ta'kidlashicha, bir paytlar Singapurning malaylar bilan qattiq nizolari va ziddiyatlari bo‘lgan. Bu shahar-davlat Malayziyaning tijoriy markazi bo‘lgan va tabiiyki, mustaqil bo‘lish uchun davlatning tabiiy resurslari yo‘q edi. Singapur davlatchiligini qurish uchun ham kuchli va yetarli asoslar bo‘lmagan.

Bundan tashqari mamlakat Britaniyaning koloniyalaridan biri sifatida o‘zining identifikasiya qiladigan biror bir asosiga ham ega bo‘lmagan. U yerda ijtimoiy, diniy, siyosiy nizolar ko‘p bo‘lgan. Jinoyatchilik, korrupsiya avjiga chiqqan. Aholida oddiy yashash sharoitlari, kommunal xizmatlar umuman yaxshi bo‘lmagan. Shunga qaramay mamlakat bugun juda shijoatli insonlar yashaydigan, zamonaviy davlatga aylandi.

@adliyangiliklari

#Adliya_xabari

Taklif etilgan qonun loyihasining qabul qilinishi ijara va lizing munosabatlarida firibgarlik jinoyatlarini oldini olishga xizmat qiladi

👉Batafsil

@adliyangiliklari

#TashkentLawSpring2023

300 dan ziyod korrupsiyaviy omillar aniqlandi, 7 trln so‘m asossiz saarflanishining oldi olindi, lekin bu kifoya emas

Shu kunlarda bo‘lib o‘tayotgan "Tashkent Law Spring" xalqaro huquqiy forumda muhokama qilinayotgan masalalar qatorida qonunchilik hujjatlarining tartibga solish ta'sirini baholash hamda korrupsiyaga qarshi ekspertiza qilish mavzusida adliya vaziri o‘rinbosari Alisher Karimov nutq so‘zladi.

Nutqdan muhim raqamlar:
2022-yilda 144 ta qonunchilik hujjati loyihasining ta'siri baholanib, ulardan 150 dan ortiq talab, majburiyat va cheklov o‘rnatuvchi norma chiqarib tashlandi. Natijada aholi va biznes uchun 7 trln so‘mdan ortiq asossiz xarajatlarning oldi olindi.

Amaldagi qonunchilik hujjatlarini korrupsiyaga qarshi ekspertizadan o‘tkazish yo‘lga qo‘yilib, 2026-yilga qadar 21 mingdan ortiq hujjatni ekspertizadan o‘tkazish belgilandi.

Dastlabki yilda 1800 dan ortiq hujjat ekspertizadan o‘tkazilib, ularning 12 foizida 300 dan ziyod korrupsiyaviy omillar aniqlandi hamda bartaraf etish bo‘yicha tegishli qonunchilik hujjati loyihalari ishlab chiqildi.

“Tartibga soluvchi gilyotina” usuli orqali qonunchilik bazasini ixchamlashtirish amaliyoti yo‘lga qo‘yildi. Buning natijasida bugungi kunga qadar 3 mingdan ortiq Prezident va hukumat hujjati bekor qilinib, milliy qonunchiligimiz deyarli 10 foizga qisqartirildi.

@adliyangiliklari

#TashkentLawSpring2023

Alisher Karimov, adliya vaziri o‘rinbosari:
— Norma ijodkorligida “aqlli tartibga solish” modeli keng joriy etiladi. Bunda barcha hujjatlarning ta'siri baholanadi. Har yili hujjatning samaradorligini o‘rganish, ijrosini ta'minlash hamda baholash uchun statistik ma'lumotlarni yig‘ish maqsadida monitoring o‘tkaziladi.

@adliyangiliklari