#Adliya_xabari

Joriy yilning 5-may kuni soat 15:00da Adliya vazirligining navbatdagi kengaytirilgan hay'at majlisi bo‘lib o‘tadi.

Videokonferensaloqa shaklida o‘tkaziladigan yig‘ilishda
2023-yilning birinchi choragi davomida adliya organlari va muassasalari tomonidan amalga oshirilgan ishlar va kelgusidagi vazifalar muhokama qilinadi.

Unda vazirlik markaziy apparatining tarkibiy bo‘linma rahbarlari, «O‘zarxiv» va Personallashtirish agentligi rahbarlari, adliya organlari va muassasalari rahbarlari, shu jumladan tuman (shahar) adliya bo‘limlari va mas'ul xodimlari ishtirok etadi.

@adliyangiliklari

#Adliya_hudud

Xalqimizning ulug‘ qadriyatlaridan biri yoshi ulug‘ insonlarga, keksalarga hurmat-ehtirom kо‘rsatish, ularning kо‘p yillik hayotiy va mehnat tajribalari asosidagi qadrli maslahatlaridan bahramand bо‘lish va duolarini olib yurishdir.

Qashqadaryo viloyat adliya boshqarmasi tomonidan 9-may — Xotira va qadrlash kuni munosabati bilan uzoq yillar davomida boshqarma  tizimida faoliyat olib borgan mehnat faxriylarini xolidan xabar olindi.

@adliyangiliklari

​#Adliyadan_javob

❓Ommaviy axborot vositasi sifatida faoliyatni amalga oshirish tartibi qanday?

— Jismoniy va yuridik shaxslar ommaviy axborot vositasi sifatida faoliyatni amalga oshirish uchun davlat xizmatlari markazi yoki Yagona interaktiv davlat xizmatlari portali (YIDXP) orqali ariza yuboradi.

Arizani ko‘rib chiqish muddati 10 kun. Arizani ko‘rib chiqish uchun yig‘im undirilmaydi.
____________


❓Ommaviy axborot vositasi davlat ro‘yxatidan o‘tkazilganligi to‘g‘risidagi guvohnoma olish uchun ariza to‘ldirish uchun qanday ma’lumotlar kerak va qaysi turdagi hujjatlar ilova qilinishi lozim ?

a) ariza.
Arizada quyidagilar ko‘rsatiladi:
▪️yuridik shaxs uchun — nomi, STIR, pochta manzili, elektron pochta manzili (agar mavjud bo‘lsa), xizmat ko‘rsatuvchi bankning nomi va hisobvarag‘i, telefon raqami;
▪️jismoniy shaxs uchun — F.I.O., JSh ShIR, pochta manzili, elektron pochta manzili (agar mavjud bo‘lsa), xizmat ko‘rsatuvchi bankning nomi va hisobvarag‘i, telefon raqami;
▪️ommaviy axborot vositasining nomi, tili va turi;
▪️maqsad va vazifalari;
▪️ixtisoslashuvi;
▪️tarqatilish hududi (veb-sayt bundan mustasno) va shakli;
▪️davriyligi;
▪️moliyalashtirish manbalari;
▪️tahririyatning joylashgan joyi (pochta manzili) va tahririyat to‘g‘risidagi boshqa ma’lumotlar;
▪️hajmi;

b) ommaviy axborot vositasi (shu jumladan, Internet jahon tarmog‘idagi veb-sayt) tahririyati yuridik shaxs bo‘lmagan hollarda tahririyat to‘g‘risidagi nizomning elektron nusxasi;
v) muassis ikkita bo‘lgan taqdirda, ta’sis shartnomasining elektron nusxasi.

Asos: Vazirlar Mahkamasining 2022-yil 22-fevraldagi 86-son qarori bilan tasdiqlangan “Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risida yagona nizom”.

@adliyangiliklari

#Muhim

📣📣 OAV vakillari, jurnalistlar va blogerlar diqqatiga!

Adliya vazirligi tomonidan ertaga, 8-may kuni OAV vakillari, jurnalist va blogerlar uchun “Islohotlar davrida ommaviy axborot vositalarining roli, jurnalistlarning axborot tarqatishdagi huquq va majburiyatlari” mavzusida davra suhbati tashkil etilmoqda.

Davra suhbatidan ko‘zlangan maqsad — malakali mutaxassislar tomonidan axborot olish, qayta ishlash va tarqatishda jurnalistlarning huquq va majburiyatlari, ommaviy axborot vositalarida shaxsga doir ma’lumotlardan foydalanishning tartibi va shartlari, ommaviy axborot vositalarining jamoatchilik nazoratini o‘rnatishdagi ishtiroki haqida ma’lumot berishdan iborat.

⏰ 8-may, soat 11:00–13:00ga qadar

🏢 Manzil: Toshkent shahri, Sayilgoh ko‘chasi, 5-uy — Adliya vazirligi binosida

@adliyangiliklari

#Adliyadan_javob

❓Ommaviy axborot vositasi sifatida faoliyatni amalga oshirishda ruxsat etish xususiyatiga ega hujjat berilganligi uchun undiriladigan yig‘im miqdori qancha?

— OAV sifatida faoliyatni amalga oshirishda ruxsat etish xususiyatiga ega hujjat berilganligi uchun undiriladigan yig‘im miqdori:

a) davriy bosma nashrlar (gazeta, jurnal, axborotnoma, byulleten, almanax va boshqalar) — bazaviy hisoblash miqdorining 12,5 baravari;
b) tele, radio, video, kinoxronikal dasturlar, Axborot agentliklari — bazaviy hisoblash miqdorining 15 baravari;
v) mahsulotlari Internet global axborot tarmog‘i orqali tarqatiladigan ommaviy axborot vositalari (gazeta, jurnal, axborotnoma, byulleten, almanax, tele, radio, video, kinoxronikal dasturlar va boshqalar) — bazaviy hisoblash miqdorining 50 foizi;
g) asosan bolalar, o‘smirlar, nogironlar uchun mo‘ljallangan, shuningdek, ta’lim va madaniy-ma’rifiy yo‘nalishdagi ommaviy axborot vositalari (gazeta, jurnal, axborotnoma, byulleten, almanax, tele, radio, video, kinoxronikal dasturlar va boshqalar) — bazaviy hisoblash miqdorining 2,5 baravari;
d) reklama xususiyatiga ega bo‘lgan ommaviy axborot vositalari (gazeta, jurnal, axborotnoma, byulleten, almanax, tele, radio, video, kinoxronikal dasturlar va boshqalar) — bazaviy hisoblash miqdorining 25 baravari.

Asos: Vazirlar Mahkamasining 2022-yil 22-fevraldagi 86-son qarori bilan tasdiqlangan “Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risida yagona nizom”.

@adliyangiliklari

#Adliyadan_layfxak

Pensiyaga chiqish tartibidan xabardormisiz?

Orangizda pensiya yoshiga yetganlar bormi? Pensiyaga chiqish tartibini-chi, bilasizmi? Qayerga borish, qanday hujjatlar topshirish kerak?

Ayrim hollarda fuqarolar muddatidan oldinroq ham pensiyaga chiqishi mumkin. Ushbu huquqiy layfxakda pensiyaga chiqish tartibi tushuntirilgan.

Batafsil 👉 https://youtu.be/6jyjCFZmF1g

@adliyangiliklari