#Adliya_tabrik

Hurmatli opa-singillar, adliya ayollari!

Sizlarni 8-mart Xalqaro xotin-qizlar kuni bayrami bilan samimiy qutlaymiz.

Adolat yo‘lida biz bilan yelkama-elka xizmat qilayotganingiz, ham oilaga, ham farzandlarga, ham ro‘zg‘orga, ham ishga ulgurib, barchasini teng uddalayotganingiz tahsinga loyiq.

Oilangizdan tinchlik-xotirjamlik, fayzu baraka, baxt-quvonch arimasin!

Qadringiz va qaddingiz hamisha baland bo‘lsin! Sizlar bizning faxrimizsiz!

Hurmat bilan
Adliya vazirligi jamoasi

@adliyangiliklari

#Adliya_tabrigi

Aziz ayollar!

Sizlarni 8-mart – Xalqaro xotin-qizlar kuni bilan chin qalbdan samimiy muborakbod etamiz.

Sizlarga sihat-salomatlik, oilangizga tinchlik-xotirjamlik tilaymiz. Doimo e'tibor va e'tirofda, aziz va mukarram bo‘lib yuring! Bayramingiz muborak bo‘lsin!

Hurmat bilan
Adliya vazirligi jamoasi

@adliyangiliklari

#Adliya_xabari

O'zbekiston Respublikasi adliya vaziri o'rinbosari Aktam Muxammadiyevning Jomboy va Toyloq tumanlaridagi sayyor qabullari tafsilotlari

@adliyangiliklari

⚡️“Vasiyatnoma va meros bilan bog'liq huquqiy masalalar” mavzusida audio-podkast tashkil etiladi!

🎙Suhbat spikerlari:

🙍‍♂️O‘zbekiston Respublikasi Adliya vazirligi, O‘zbekiston Respublikasi Notarial palatasi xodimlari va notariuslar.

⏰Ovozli chat 10-mart kuni soat 17:00da @huquqiy_gap kanalida boshlanadi.

📥Savollaringizni izohlarda qoldiring.

Kanalga ulanish👇👇👇
@huquqiy_gap

#Adliyadan_javob

❓ERI kalitlarining sertifikatlarini berish uchun qancha miqdorda yig‘im undiriladi?

— ERI kalitlarining sertifikatlarini berish uchun yuridik shaxslardan va yuridik shaxs tashkil etmagan tadbirkorlik subyektlaridan bazaviy hisoblash miqdorining 10 foizi, jismoniy shaxslardan esa 7 foizi miqdorida yig‘im undiriladi, qonun hujjatlarida ERI kalitlarining sertifikatlarini bepul olish nazarda tutilgan hollar bundan mustasno.

Jismoniy shaxslarga ERI kalitlarining sertifikatlarini berishda “Ijtimoiy himoya yagona reyestri” axborot tizimida ro‘yxatga olingan shaxslarga, shuningdek, I va II guruh nogironligi bo‘lgan shaxslarga mazkur bandning birinchi xatboshida belgilangan yig‘imning 50 foizi miqdorida chegirma qo‘llaniladi.

Asos: Vazirlar Mahkamasining “Davlat xizmatlari markazlari yoki onlayn tarzda (masofadan turib) rasmiy axborot resurslari orqali elektron raqamli imzo kalitini ro‘yxatga olish va elektron raqamli imzo kalitining sertifikatini berish bo‘yicha davlat xizmatlari ko‘rsatishning ma’muriy reglamentini tasdiqlash haqida” 2018-yil 10-maydagi 348-son qarori.

@adliyangiliklari

#Adliyadan_javob

❓Ko‘chma savdo obyektlari haqida ma’lumot bersangiz?

— Ko‘chma savdo obyektlari — 100 kvadrat metr maydondan ko‘p bo‘lmagan, vaqtinchalik asosda joylashtirilgan va (yoki) mavsumiy xususiyatga ega bo‘lgan, shuningdek, istalgan vaqtda boshqa joyga oson ko‘chirish va yig‘ish mumkin bo‘lgan ko‘chma savdo obyektlari (lotoklar, palatkalar, savdo aravalari, peshtaxtalar, avtodo‘konlar, avtotirkamalar, avtotsisternalar, fudtraklar, tonarlar, savdo avtomatlari, mobil konteynerlar, yengil konstruksiyalar, shu kabi va shunga o‘xshash boshqa ko‘chma savdo obyektlari).

❓Ko‘chma savdoni amalga oshirish talab va shartlar nimalardan iborat?

— Ko‘chma savdoni amalga oshirishning majburiy talablari va shartlari quyidagilardan iborat:
▪️chakana savdo sohasida qonunchilik hujjatlariga, shu jumladan, sanitariya, veterinariya, veterinariya-sanitariya qoidalari va normalariga rioya qilish;
▪️davlat veterinariya xizmatining hayvonlar kasalliklari tashxisi va oziq-ovqat mahsulotlari xavfsizligi davlat markazlari yoki veterinariya-sanitariya ekspertizasi laboratoriyalari tomonidan berilgan ijobiy xulosalar asosida go‘sht va go‘sht mahsulotlari, sut va sut mahsulotlari, tuxumlar, shuningdek, o‘simlik oziq-ovqat mahsulotlarini realizatsiya qilish;
▪️nazorat-kassa mashinalari, qonunchilik hujjatlarida nazarda tutilgan hollarda esa onlayn nazorat-kassa mashinalari yoki virtual kassalar va bank plastik kartochkalaridan foydalangan holda to‘lovlarni qabul qilish uchun hisob-kitob terminalining mavjudligi (savdo avtomatlari bundan mustasno);
▪️ko‘chma savdo obyektlari yaqinida maishiy chiqindi qutilarini o‘rnatish;
▪️tovarlarni ko‘chma savdo obyektlari orqali va ro‘yxatdan o‘tilgan joyda sotish.

Asos: Vazirlar Mahkamasining “Ko‘chma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari to‘g‘risida”2021-yil 3-avgustdagi 485-son qarori.

@adliyangiliklari

#Adliyadan_javob

❓Ro‘yxatdan o‘tkazilgan ko‘chma savdo obyektlarini yoki uning bir qismini boshqa shaxsga foydalanishga yoki ijaraga berishga ruxsat etiladimi?

— Ro‘yxatdan o‘tkazilgan ko‘chma savdo obyektlarini yoki uning bir qismini boshqa shaxsga foydalanishga yoki ijaraga berishga ruxsat beriladi.

Bunda, ko‘chma savdo obyektlarini foydalanishga yoki ijaraga berish Davlat soliq qo‘mitasining maxsus avtomatlashtirilgan axborot tizimida amalga oshiriladi, ijaraga oluvchi esa yuridik shaxs yoki yakka tartibdagi tadbirkor sifatida davlat ro‘yxatidan o‘tkazilgan bo‘lishi shart.

Asos: Vazirlar Mahkamasining “Ko‘chma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari to‘g‘risida”2021-yil 3-avgustdagi 485-son qarori.

@adliyangiliklari

#Adliyadan_javob

❓Qayerlarda ko‘chma savdo obyektlarini joylashtirishga yo‘l qo‘yilmaydi?

Quyidagi joylarda ko‘chma savdo obyektlarini joylashtirishga yo‘l qo‘yilmaydi:
▪️madaniy meros obyektlari va qo‘riqlanadigan tabiiy hududlar fasadi oldida;
▪️bino va inshootlarning yong‘inga qarshi oraliqlarida;
▪️muhandislik kommunikatsiyalari xavfsizlik zonalarida;
▪️chorrahalarga 15 metrdan yaqinroqda;
▪️maishiy chiqindilarni yig‘ish punktlariga 20 metr masofa orasida;
▪️sun’iy inshootlarda (to‘xtash bostirmalari, erosti o‘tish joylari, ko‘priklar, tunnellar, transport bog‘lamalari va yo‘l o‘tkazgichlar);
▪️piyodalar o‘tish joylarida;
▪️velosiped yo‘laklarida;
▪️qatnov qismining xavfli burilishlarida;
▪️loaqal bir yo‘nalishdagi ko‘rinish masofasi 100 metrdan kam bo‘lgan yo‘l do‘ngliklari yaqinida;
▪️qatnov qismi kesishmalarida va kesishayotgan qatnov qismi chetiga 15 metrdan kam masofada (uch tomonlama kesishmalarda (chorrahalarda) yondan tutashgan yo‘lning sidirg‘a chiziq yoki ajratuvchi bo‘lak bilan ajratilgan qarama-qarshi tomoni bundan mustasno);
▪️transport vositasi svetofor ishoralari, yo‘l belgilarini boshqa haydovchilardan to‘sib qo‘yadigan, boshqa transport vositalarining harakatlanishiga (kirish va chiqishiga) imkon qoldirmaydigan yoki piyodalarning harakatiga xalaqit beradigan joylarda;

“To‘xtash taqiqlanadi” yo‘l belgisi yoki “to‘xtash taqiqlanadi” yo‘l chizig‘i ta’siri doirasida.

Asos: Vazirlar Mahkamasining “Ko‘chma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari to‘g‘risida”2021-yil 3-avgustdagi 485-son qarori.

@adliyangiliklari

#Kontrafaktsiz_oy

Joriy yilning 10-mart kuni onlayn savdo bilan shug‘illanuvchi uzum.uz, olcha.uz, prom.uz, asaxiy.uz, apteka.uz, arzonapteka.uz kabi tadbirkorlik subyektlari vakillari ishtirokida “Kontrafakt mahsulotlar relizatsiyasining huquqiy oqibatlari” mavzusida seminar-trening o‘tkazildi.

Seminarda kontrafakt mahsulotlari realizatsiyasi va uning natijasida aholi salomatligi va tadbirkorlik subyektlariga yetkazilayotgan zararlar to‘g‘risida, kontrafakt mahsulotlariga qarshi kurashishda amaldagi qonun hujjatlarida belgilangan javobgarlik choralari to‘g‘risida, shuningdek, isteʼmolchilarda kontrafakt tovarni aslidan farqlash ko‘nikmasini hosil qilish maqsadida tushuntirishlar berildi.

@adliyangiliklari

#Eslatma #Bu_muhim

⚡️2010-yilgacha olingan “prava”ni yangisiga almashtirish oxirgi muddati — 31-mart

Eski namunadagi barcha milliy haydovchilik guvohnomalari va avtomototransport roʻyxatdan oʻtkazilganligi toʻgʻrisidagi guvohnomalarni majburiy almashtirish muddati quyidagicha:

• 2010-yilgacha boʻlgan davrda berilganlari – 2023-yil 31-martgacha;
• 2010 – 2012-yillarda berilganlari – 2023-yil 30-iyungacha;
• 2013 – 2015-yillarda berilganlari – 2023-yil 30-sentyabrgacha;
• 2015-yildan keyin berilganlari – 2023-yil 31-dekabrgacha.

Yuqoridagi muddatlargacha almashtirilmagan guvohnomalar haqiqiy emas deb hisoblanadi.

‼️Eski “prava”ni yangisiga almashtirish uchun nafaqat DXMlarga yoki IIBB YHXB murojaat qilishingiz balki uydan turib YIDXP (my.gov.uz) buyurtma berishingiz mumkin.

Kanalga ulanish👇👇👇
https://t.me/davxizmat

​#Adliyadan_javob

❓Qaysi toifadagi shaxslar davlat bojini to‘lashdan ozod qilinadi?

— Doimiy yashash va vaqtincha turgan joyi bo‘yicha ro‘yxatdan o‘tkazganlik uchun davlat bojini to‘lashdan quyidagilar ozod qilinadi:
▪️keksalar va nogironligi bo‘lgan shaxslar uchun internat uylarida yashovchi keksalar va nogironligi bo‘lgan shaxslar;
▪️maktab-internatlar, akademik litseylar va kasb-hunar kollejlarining to‘liq davlat ta’minotida bo‘lgan va yotoqxonalarda yashovchi o‘quvchilari.

Dehqon xo‘jaliklarini, davlat korxonalari negizida tuzilayotgan aksiyadorlik jamiyatlarini, O‘zbekiston Respublikasida ro‘yxatga olingan nodavlat notijorat tashkilotlarining alohida bo‘linmalarini (vakolatxonalari va filiallarini), shuningdek xususiy uy-joy mulkdorlarining shirkatlarini davlat ro‘yxatidan o‘tkazganlik uchun davlat boji undirilmaydi.

Konsert-tomosha faoliyatini amalga oshirish huquqi uchun davlat boji to‘lashdan quyidagilar ozod etiladi:
1️⃣ I va II guruh nogironligi bo‘lgan shaxslar;
2️⃣ IV reyting guruhiga kiritilgan, ta’lim muassasalarida o‘qiydigan va konsert-tomosha faoliyatida ishtirok etish huquqini birinchi marta olayotgan ijrochilar mazkur ta’lim muassasasida o‘qish muddati davomida, lekin konsert-tomosha faoliyatini amalga oshirish huquqini olgan sanadan bir yildan ortiq bo‘lmagan muddatda davlat bojini to‘lamaydi (tegishli tasdiqlovchi hujjat mavjud bo‘lganda).

Konsert-tomosha faoliyatini amalga oshirish huquqiga doir litsenziya berganlik uchun davlat bojini to‘lovchi pensionerlar konsert-tomosha faoliyatini amalga oshirish huquqi uchun belgilangan miqdorning 50 foizi miqdorida davlat boji to‘laydi.
Davlat notarial idorasining xususiy amaliyot bilan shug‘ullanish istagini bildirgan notariusi xususiy notarial faoliyat bilan shug‘ullanish huquqiga doir litsenziya berilganligi uchun davlat boji to‘lashdan ozod qilinadi.

Asos: O‘zbekiston Respublikasining “Davlat boji to‘g‘risida”gi qonuni.

@adliyangiliklari

#Adliyadan_javob

❓Davlat xizmatlarini olish uchun O‘zbekiston Respublikasi Yagona interaktiv davlat xizmatlari portali orqali murojaat qilishda davlat boji undirishning o‘ziga xos xususiyatlari qanday?

— Har qanday davlat xizmatini olish, shu jumladan litsenziya, ruxsatnoma olish, davlat ro‘yxatidan o‘tish va boshqa xizmatlar uchun O‘zbekiston Respublikasi Yagona interaktiv davlat xizmatlari portali orqali mustaqil ravishda murojaat etilganda davlat boji, yig‘imlar va boshqa to‘lovlar Davlat xizmatlari markazlari orqali yoki xizmat ko‘rsatuvchi organlarga bevosita murojaat etilgan taqdirda to‘lanadigan summaning 90 foizi miqdorida undiriladi.

Asos: O‘zbekiston Respublikasining “Davlat boji to‘g‘risida”gi qonuni.

@adliyangiliklari

​#Adliyadan_javob

❓Fuqarolik holati dalolatnomalarini qayd etishda kimlar davlat bojini to‘lashdan ozod qilinadi?

— Fuqarolik holati dalolatnomalarini qayd etishda davlat boji to‘lashdan quyidagilar ozod qilinadi:

1) xalq ta’limi organlari, voyaga yetmaganlar ishlari bo‘yicha idoralararo komissiyalar — yetim bolalarni va ota-onalar qaramog‘idan mahrum bo‘lgan bolalarni bolalar muassasalariga va o‘quv yurtlariga yuborish uchun tug‘ilganlik to‘g‘risida takroriy guvohnomalar berganlik uchun;

2) jismoniy shaxslar — tug‘ilish, o‘lim qayd etilganligi uchun, ularga farzandlikka olingan, otalik belgilangan, jinsi o‘zgartirilgan hollarida, shuningdek, fuqarolik holati dalolatnomalarini qayd etish chog‘ida yo‘l qo‘yilgan xatolar munosabati bilan tug‘ilganlik to‘g‘risidagi hujjatlar yozuvlari o‘zgartirilgan, to‘ldirilgan va tuzatilgan taqdirda guvohnomalar berganlik uchun;

3) jismoniy shaxslar — ularga belgilangan tartibda bedarak yo‘qolgan deb yoki ruhiy holatining buzilganligi (ruhiy kasalligi yoki aqli zaifligi) sababli muomalaga layoqatsiz deb topilgan shaxslar yoxud qilgan jinoyatlari uchun uch yildan kam bo‘lmagan muddatga ozodlikdan mahrum etishga hukm qilingan shaxslar bilan nikohni bekor qilish to‘g‘risida sudning hal qiluv qarori asosida guvohnomalar berganlik uchun;

4) jismoniy shaxslar — ularga reabilitatsiya qilingan qarindoshlarining vafot etganligi to‘g‘risidagi takroriy guvohnomalar berganlik yoki ilgari berilgan guvohnomalarni almashtirganlik uchun;

5) O‘zbekiston Respublikasi yoki chet davlatlar hududida tabiiy va texnogen xususiyatli favqulodda vaziyatlar, shu jumladan, maishiy tusdagi ofatlar (turar joylar yoki yashash uchun mo‘ljallanmagan joylar yong‘ini, qulashi, transport vositalarining yonishi) yuz berganligi natijasida jabrlangan jismoniy shaxslar — ularga takroriy guvohnomalar berganlik uchun.

Asos: O‘zbekiston Respublikasining “Davlat boji to‘g‘risida”gi qonuni.

@adliyangiliklari

#Adliyadan_javob

❓Faoliyatning alohida turlarini amalga oshirishga doir litsenziya berilganligi uchun davlat boji undirishning o‘ziga xos xususiyatlari qanday?

— Konsert-tomosha faoliyatini amalga oshirish huquqi uchun litsenziya olayotgan jismoniy shaxslar davlat bojini o‘ziga berilgan reyting guruhiga qarab tabaqalashtirilgan miqdorlarda to‘laydi.

Konsert-tomosha faoliyatini amalga oshirish huquqi uchun litsenziya olayotgan yuridik shaxslar davlat bojini har bir ijrochi uchun unga berilgan reyting guruhiga qarab tabaqalashtirilgan miqdorlarda to‘laydi.

Asos: O‘zbekiston Respublikasining “Davlat boji to‘g‘risida”gi qonuni.

@adliyangiliklari

📢Hurmatli fuqarolar!

Ma'lumki, notariuslar tomonidan notarial harakatlarni rasmiylashtirishda zarur hujjat va ma'lumotlar "yagona darcha" tamoyili asosida tegishli idora va tashkilotlardan elektron tarzda olinadi.

O‘zbekiston Respublikasi Ichki ishlar vazirligining tegishli elektron bazasida texnik uzilishlar kuzatilayotganligi sababli, notariuslar tomonidan ushbu axborot tizimidan avtomototransport vositalari bilan bog‘liq ma'lumotlarni olish imkoniyati cheklanmoqda.

Shu munosabat bilan, avtomototransport vositalari bilan bog‘liq notarial harakatlarni amalga oshirishda uzilishlar kuzatilishi mumkin.

Yuzaga kelgan noqulayliklar uchun uzr so‘raymiz.

@adliyangiliklari

#Bilasizmi

📌Kadastr pasportini shakllantirish qaysi holatlarda bepul rasmiylashtirilishi haqida bilasizmi?

✅Hukumatning 535-son qaroriga asosan quyidagi hollarda kadastr pasportini rasmiylashtirish bepul amalga oshiriladi:

🏢Ko‘chmas mulk obyekti bo‘yicha birlamchi kadastr yig‘majildi (pasporti) mavjud bo‘lib, begonalashtirilganda yoki obyektda o‘zgarishlar (rekonstruksiya, qo‘shimcha va alohida qurilish) mavjud bo‘lmaganda;

🏘Ko‘chmas mulk obyektining bir qismi begonalashtirilganda obyektning qolgan qismiga yoki rekonstruksiyasiz toifasi o‘zgarganda;

📋Kadastr yig‘majildi (pasporti) yo‘qolganda (yaroqsiz holga kelganda va ko‘chmas mulk obyekti ko‘rsatkichlari o‘zgartirilmasdan).

❇️Mazkur davlat xizmatidan Davlat xizmatlari markaziga borgan holda yoki YIDXP (my.gov.uz) orqali elektron tarzda foydalanishingiz mumkin.

🔅Yaqinlaringiz bilan foydali ma'lumotlarni bo'lishishni unutmang!

Kanalga ulanish👇👇👇
https://t.me/davxizmat