#Adliya_xabari

Qoraqalpog‘iston Respublikasi adliya vazirining 2023-yil 7-fevral kungi 21-um-sonli buyrug‘iga muvofiq “NIZAM USTINLIGI” advokatlik hay’ati advokati Turdimurat Jumamuratovich Uteniyazovning advokatlik maqomi Qoraqalpog‘iston Respublikasi hududiy boshqarmasi huzuridagi malaka
komissiyasining qaroriga asosan advokatlik faoliyati bilan birga olib borib bo‘lmaydigan doimiy lavozimga tayinlanganligi sababli 6 (olti) oy muddatga to‘xtatildi.

Asos: “Advokatura to‘g‘risida”gi Qonuni, Vazirlar Mahkamasining 2022-yil 5-avgustdagi qarori bilan tasdiqlangan “Advokatlik faoliyatini maxsus elektron tizim orqali litsenziyalash tartibi to‘g‘risida”gi nizomi, “O‘zbekiston Respublikasi Advokatlar palatasi hududiy boshqarmalari huzuridagi malaka komissiyalari to‘g‘risida”gi nizomi.

@adliyangiliklari

​​#Adliya_munosabat

Qonunchilik hujjatlari loyihalarini tartibga solish ta’sirini baholashdan o‘tkazish yuzasidan munosabat

ijtimoiy tarmoqlarda O‘zbekiston Respublikasi Prezidentining 2023-yil 10-fevraldagi PF–21-son Farmoni bo’yicha faollar tomonidan turlicha fikrlar bildirilmoqda.

Adliya vazirligi tomonidan qonunchilik hujjatlarini va ularning loyihalarini belgilangan barcha tartib-taomillarga rioya qilingan holda qabul qilish, hususan ularning tartibga solish ta’sirini basholashdan o‘tkazish bilan bog‘liq funksiyalar muntazam ravishda amalga oshirib kelinmoqda. Xususan, 2022-yil davomida 280 ta loyihalarning tartibga solish ta’siri baholanib, tegishli takliflar kiritilgan.

Xususan, yuqorida nazarda tutilgan Farmon loyihasi ham Adliya vazirligi tomonidan huquqiy ekspertizadan o’tkazilgan, tartibga solish ta’siri baholangan.

Shu bilan birgalikda, Adliya vazirligiga taqdim etilgan loyihada Farmonning 7-bandi 4-xatboshisida nazarda tutilgan talablar mavjud bo’lmaganligi ma’lum qilinadi.

Adliya vazirligi
Jamoatchilik bilan aloqalar bo’limi

@adliyangiliklari

#Bilasizmi

Diplom dublikati asl nusxa bilan bir xil yuridik kuchga ega.

Hukumat qarori (395-son, 21.07.2022-y.) bilan Oliy, oʻrta maxsus va professional taʼlim toʻgʻrisidagi hujjatlarning dublikatini berish boʻyicha davlat xizmatlari koʻrsatishning maʼmuriy reglamentiga ko’ra:

🔰 Taʼlim tashkilotini tamomlagan, maʼlumotini tasdiqlovchi hujjati (diplom, sertifikat) yoʻqolgan yoki yaroqsiz holga kelgan, familiyasi, ismi, otasining ismi oʻzgarganda jismoniy shaxslar hujjatning dublikatini berish uchun davlat xizmatlari markazlari yoki YAIDXP (my.gov.uz) orqali murojaat qilishlari mumkin.

✅ Dublikat asl nusxa bilan bir xil yuridik kuchga ega.

📝 Ariza beruvchi DXMga kelib murojaat etganda xodim ariza beruvchi nomidan soʻrovnomani elektron toʻldiradi.

⏩ Ariza beruvchi soʻrovnomani YAIDXP orqali toʻldirilganda, undan elektron raqamli imzo talab etilmaydi.

💰Davlat xizmati uchun BHM 1 baravari (300 ming soʻm) miqdorida yigʻim undiriladi.

❗️Yigʻimni toʻlamaslik xizmat koʻrsatishni rad etish uchun asos hisoblanadi.

⏳Soʻrovnomada notoʻgʻri maʼlumotlar koʻrsatilsa, ularni bartaraf etish uchun ariza beruvchiga 5 ish kunlik muddat beriladi.

📋 Soʻrovnoma tushgandan boshlab 10 ish kunida hujjat dublikati rasmiylashtiriladi va bu haqida ariza beruvchiga xabar beriladi.

🏢Ariza beruvchi taʼlim toʻgʻrisidagi hujjat dublikatini vakolatli organdan olib ketadi.

⚠️ Ariza beruvchining xohishiga koʻra, taʼlim toʻgʻrisidagi hujjat dublikati vakolatli organ tomonidan pochta xizmati orqali yuborilishi mumkin. Bunda pochta uchun toʻlovlarni ariza beruvchi toʻlaydi.

Kanalga ulanish👇👇👇
https://t.me/davxizmat

#Adliya_xabari

Sobiq adliya vaziri faoliyatiga bag‘ishlangan kitob chop etildi

Kitob I-darajali davlat adliya maslahatchisi, O‘zbekistonda xizmat ko‘rsatgan yurist, taniqli davlat va jamoat arbobi Alisher Mardiyevning mazmunli va sinovli hayoti va serqirra faoliyati to‘g‘risida hikoya qiladi.

Unda mashhur huquqshunosning mamlakatimiz yurisprudensiyasi taraqqiyotiga qo‘shgan munosib hissasi noyob arxiv materiallari va dalillar asosida ochib berilgan.

👉Batafsil

@adliyangiliklari

#Diqqat

❗️OAV vakillari, jurnalistlar va blogerlar diqqatiga!

Xabaringiz bor respublikamizda har yili 15-fevraldan 15-martga qadar kontrafakt mahsulotlarga qarshi kurashish va targ‘ibotni ko‘zda tutuvchi “Kontrafaktsiz oy” oyligi o‘tkaziladi. Adliya vazirligi tomonidan mazkur oylikni samarali tashkil etish maqsadida 15-fevral kuni soat 11:00da matbuot anjumani tashkil etilmoqda.

Manzil: Adliya vazirligi Intellektual mulk departamenti binosi. Shayxontohur tumani, Xadra 33 (Mo'ljal: AOKA binosi)

@adliyangiliklari

#Sayyor_qabul

Navoiy viloyatining Konimex va Navbahor tumanlarida adliya vaziri o‘rinbosari Aktam Muxammadiyev sayyor qabul o‘tkazib, aholi muammolarini o‘rgandi.

@adliyangiliklari

#Adliya_muqobil_energiya

⚡️Adliya organlari muqobil energiyadan foydalanishga o‘tmoqda

Adliya boshqarmasi va 7 ta DXM binolariga quyosh elektr panellari o‘rnatildi.

Farg‘ona viloyat adliya boshqarmasining ma'muriy binosiga hamda 7 ta DXM binolariga jami 185 kVt.soat quvvatga ega quyosh elektr panellari o‘rnatildi. Bular: Farg‘ona va Marg‘ilon shahar, Farg‘ona, Dang‘ara, Furqat, Toshloq, Beshariq tumanlari

Boshqarma va 4 ta DXM binolariga (Farg‘ona, Marg‘ilon, Quvasoy shaharlari, Toshloq tumani) hajmi 1000 litr bo‘lgan 5 ta quyosh suv isitkichlari – geokollektorlar o‘rnatildi.

Ushbu quyosh panellari bir yilda 387,9 ming kVt. soat elektr energiya manbai ishlab chiqarishi, yillik 310 million so‘mdan ortiq mablag‘ni tejash imkonini beradi.

@adliyangiliklari

#Adliya_huquq_ijodkorligi

344 ta hujjat loyihalarida 534 ta korrupsiyaviy omillar aniqlangan

❗️Adliya vazirligi tomonidan korrupsiyaga qarshi ekspertizadan o‘tkazilgan 344 ta loyihalarda 534 ta korrupsiyaviy omillar aniqlangan.

Xususan:
▪️136 tasi (26 foiz) ma'muriy tartib-taomillarning mavjud emasligi yoki to‘liq emasligi;
▪️123 tasi (23 foiz) diskresion vakolatlarning kengligi;
▪️43 tasi (8 foiz) normativ-huquqiy hujjatlar o‘rtasida ziddiyatlarning mavjudligi;
▪️ 38 tasi (7 foiz) noaniq va asossiz havolalar keltirilganligi;
▪️23 tasi (4 foiz) vaqt chegaralarining aniq belgilanmaganligi;
▪️171 tasi (32 foiz) boshqa korrupsiyaviy omillar hisoblanadi.

@adliyangiliklari

#Sayyor_qabul

Navoiy viloyatining Xatirchi tumanida adliya vaziri o‘rinbosari Aktam Muxammadiyev sayyor qabul o‘tkazib, aholi muammolarini o‘rgandi.

@adliyangiliklari

E’lon!

X. Sulaymonova nomidagi Respublika sud ekspertiza markaziga O‘zbekiston Akkreditatsiya Markazi O‘ZAKK tomonidan O‘z DSt ISO/IEC 17025:2019 xalqaro akkreditatsiya standarti bo‘yicha Akkreditatsiya guvohnomasini topshirish marosimi munosabati bilan joriy yilning 17-fevral kuni soat 11:00 da X.Sulaymonova nomidagi Respublika sud ekspertizasi markazida OAV vakillari uchun Press tur va Master klass bo’lib o’tadi.

Barcha OAV va keng jamoatchilik vakillarini press turga taklif etamiz!

Manzil: Mirobod tuman, Farg’ona yo’li ko’chasi.

Murojaat uchun telefon:
71-209-11-55 (ichki 175)
97-104-16-00

Xalqaro hamkorlik va jamoatchilik bilan aloqalar bo’limi.

@adliyangiliklari

#OAV_biz_haqimizda

Bundan besh yil muqaddam O‘zbekistonda aholiga davlat xizmatlari ko‘rsatish bilan bog‘liq vaqt va moliyaviy xarajatlarni kamaytirish maqsadida davlat xizmatlari markazlari tashkil etildi. Sohaga “Fuqarolar emas, hujjatlar harakatlanadi” tamoyili joriy etildi.

Bu tamoyil qanday ishlamoqda? Adliya vazirining o‘rinbosari Xudoyor Meliyev shu haqda so‘zlab berdi.

👉Batafsil

@adliyangiliklari