​#Adliya_xabari

X.Sulaymonova nomidagi Respublika sud ekspertizasi markazida O‘zbekiston Respublikasi “Sud ekspertizasi to‘g‘risida”gi Qonunining yangi tahriri loyihasi muhokamasi yuzasidan davra suhbati bo’lib o’tdi.

Ushbu tadbirda Adliya vazirligi, O’zbekiston Respublikasi Oliy sudi, Bosh prokuratura, Davlat xavfsizlik xizmati, O’zbekiston Respublikasi Elektron texnologiyalarini rivojlantirish markazi, Ichki ishlar vazirligi, Sog'liqni saqlash vazirligi, Mudofaa vazirligi, Davlat bojxona qo’mitasi va boshqa tashkilotlarning mas'ul xodimlari ishtirok etishdi.

Tadbirda qonunning yangi tahriri loyihasi bandma-band muhokama qilinib, quyidagi masalalar ko’rib chiqildi:

▫️sud ekspertlarini tayyorlash va ularning malakasini oshirish masalalarini takomillashtirish;
▫️nodavlat sud-ekspertiza tashkilotlarining maqomi, ularga qo‘yiladigan talablar, ular tomonidan sud ekspertizalari va tadqiqotlarini o‘tkazish tartib-taomili hamda ish reglamentlarini belgilash;
▫️jismoniy va yuridik shaxslarning murojaatlariga asosan ekspertlar tomonidan beriladigan mutaxassis fikrini berish;
▫️maxsus vakolatli organning huquq va majburiyatlarini belgilash;
▫️sud ekspertlari tomonidan qasamyod qabul qilish va kasb-etika qoidalarini belgilash;
▫️sud-ekspertlik faoliyatining yanada ishonchliligini oshirish maqsadida akkreditatsiya va validatsiya institutlarini joriy etish.

@adliyangiliklari