#Diqqat_muhim

📣 Hurmatli hamyurtlar!

Adliya vazirligining 1008 – “Ishonch telefoni” faoliyatida vaqtincha nosozliklar kuzatilmoqda.

Hozirda ushbu muammoni bartaraf etish boʻyicha tegishli mutaxassislar tomonidan choralar koʻrilmoqda.

Muammolar bartaraf etilishi bilan bu haqida maʼlum qilamiz.

Noqulayliklar uchun uzr so'raymiz!

🌐 website 📱 facebook 📱 instagram 📱 linkedIn 📱 youtube 📱 twitter

💬 “Siz mamlakatingizni dunyoga ochdingiz” — Marko Rubio Prezident Shavkat Mirziyoyev islohotlariga yuksak baho berdi

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_tabrigi

🇺🇿 21-oktabr — O‘zbek tili bayrami muborak!

Adliya vazirligi jamoasi barcha yurtdoshlarimizni O‘zbek tili bayrami bilan samimiy tabriklaydi!

1989-yil 21-oktabrda o‘zbek tiliga davlat tili maqomining berilishi xalqimizning milliy o‘zligini anglash va mustaqillik sari intilishida tarixiy voqea bo‘ldi. Bugun esa davlat tilining nufuzini yuksaltirish Yangi O‘zbekistonda amalga oshirilayotgan islohotlarning muhim ma’naviy va siyosiy yo‘nalishlaridan biriga aylangan.

Davlat tili davlat va jamiyat o‘rtasidagi ishonch, milliy birlik va fuqarolik daxldorligining muhim asosidir.

Ona tilimizning qadri yuksak, davlatimizning nufuzi baland, xalqimizning birligi mustahkam bo‘lsin!

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

“Tartibga solish qumdoni” loyihasi doirasida Qo‘shrabod tumanida amalga oshirilgan ishlar o‘rganildi

Adliya vaziri Akbar Tashkulov Samarqand viloyati Qo‘shrabot tumanidagi “Navkat COOP” kooperativiga tashrif buyurib, biznes loyihalar faoliyati va erishilgan natijalar bilan tanishdi.

Adliya vazirligi tomonidan Kambag'allikni qisqartirish va bandlik vazirligi, Savdo-sanoat palatasi va “Madad” NNT hamkorlikda “Tartibga solish qumdoni” loyihasi doirasida tashkil etilgan ushbu ijtimoiy loyiha aholi bandligini ta’minlash va kambag‘allikni qisqartirishga qaratilgan.

Natijalar esa quvonarli!
🔹 Ta’lim: 15 nafardan ortiq yoshlar ingliz tili bo‘yicha B2 sertifikatini qo‘lga kiritdi, oliygohlarga o‘qishga kirganlar bor.
🔹 IT va mobilografiya: Azizbek mustaqil veb-saytlar yaratmoqda, Ozodbek esa mobilograf sifatida 5 ta loyihada ishlamoqda.
🔹 Tikuvchilik: mahalliy bozor uchun choyshablar ishlab chiqarish yo‘lga qo‘yildi.
🔹 Oziq-ovqat: non, qandolatchilik va yarim tayyor mahsulotlar savdosi o‘smoqda.
🔹 Dehqonchilik: qovun-tarvuz yetishtirilib, bozorga chiqarildi, yangi uzumzorlar barpo etildi.

Vazir har bir biznes modelni o‘rganib, kooperativ a’zolari va yoshlar bilan muloqot qildi. Farzandlarining yutuqlaridan mamnun ota-onalar samimiy minnatdorlik bildirdi.

Muhimi, kelgusida “Navkat COOP” tajribasi asosida kooperativlar va kooperatsiya sohasini tartibga soluvchi qonunchilikni takomillashtirish bo‘yicha takliflar ishlab chiqiladi.

🌐 website 📱 facebook 📱 instagram 📱 linkedIn 📱 youtube 📱 twitter

#Mualliflikni_himoya_qilish_oyi

Aslida, sizning suratingiz kimniki: fotografnikimi yoki sizniki⁉️

⚖️ Bu va boshqa qiziq savollarga javobni videorolikdan bilib oling.

📲 Rolikni ko‘ring va huquqlaringizni biling. Uni kontent yaratuvchi tanishlaringizga ham yuboring‼️

#MualliflikHuquqi #IntellektualMulk #ShaxsiyHuquqlar #SuniyIntellekt #HuquqiySavodxonlik

🌐 website 📱 facebook 📱 instagram 📱 linkedIn 📱 youtube 📱 twitter

#Qonunchilikdagi_yangiliklar

Adliya vazirligi Bank hisobvaraqlarini ochish, yuritish va yopish tartibi toʻgʻrisidagi yoʻriqnomaga qoʻshimcha va oʻzgartirishlar kiritish haqidagi idoraviy hujjatni davlat ro‘yxatidan o‘tkazdi (ro‘yxat raqami 3420-3, 2026-yil 20-oktyabr).
 
Unga ko‘ra:
 
1. To‘lovga qobiliyatsizlik jarayonidagi tadbirkorlar uchun maxsus hisobvaraqlar ochilishi belgilandi. Bunda:

– tadbirkorga nisbatan sanatsiya, tashqi boshqaruv yoki tugatish tartib-taomili joriy etilsa, uning mablag‘larini boshqarish uchun bankda maxsus hisobvaraq ochiladi;
– tadbirkorning asosiy va ikkilamchi hisobvaraqlari bo‘yicha chiqim operatsiyalari to‘xtatiladi hamda mavjud va keyinchalik kelib tushadigan mablag‘lar maxsus hisobvaraqqa o‘tkaziladi;
– asosiy va ikkilamchi hisobvaraqlarga qo‘yilgan band to‘lov hujjatlari, shu jumladan inkasso topshiriqnomalari hamda band solish to‘g‘risidagi qarorlar ularni qo‘ygan tashkilotlarga (organlarga) ijrosiz qaytariladi;
– maxsus hisobvaraqdagi mablag‘lardan esa faqat mijozning yoki sud boshqaruvchisining toʻlov topshiriqnomasi asosida foydalaniladi.
Mazkur choralar o‘g‘ir moliyaviy ahvolga tushib qolgan yoki bankrotlik yoqasidagi tadbirkorlarning oyoq turishiga va faoliyatini tiklashiga xizmat qiladi.
 
2. Fuqarolar istalgan bankdan o‘zining barcha bank hisobvaraqlari haqidagi ma’lumotlarni olishlari mumkin bo‘lmoqda (muqaddam faqat asosiy hisobvaraq ochilgan bankdan bunday ma’lumotlarni olish mumkin edi).
 
3. Bank hisobvaraqlarini ochishda endilikda xorijga chiqish biometrik pasportidan ham foydalanish imkoniyati yaratildi.

🌐 website 📱 facebook 📱 instagram 📱 linkedIn 📱 youtube 📱 twitter